ស្វាយរៀង ៖ កាលពីថ្ងៃទី ១៣កុម្ភៈ ម្សិលមិញ វីដេអូក្មេងស្រីឆ្លងជំងឺឆ្កែឆ្កួតតាមរយៈឆ្មាខាំបណ្តាលឲ្យស្លាប់ដែលត្រូវឪពុកម្តាយដឹកមកពីពេទ្យវិញ
ត្រូវបានគេចែកចាយព្រោងព្រាតនៅលើបណ្ដាញសង្គមហ្វេសប៊ុក។
តាមរយៈការរៀបរាប់ក្នុងវីដេអូរបស់ក្មេងស្រីរងគ្រោះឲ្យដឹងថា ថ្ងៃធ្វើទុក្ខខ្លាំងនោះមានអាការៈឈឺបំពង់ក ស្រេកទឹក ចុកទ្រូង ថប់ដង្ហើម។ ឪពុកម្ដាយ និងជីដូនបាននាំនាងទៅពេទ្យក្នុងស្រុក ពេទ្យក្នុងស្រុកមិនហ៊ានមើល ក៏បញ្ជូនទៅវៀតណាម នៅទីនោះពេទ្យមិនហ៊ានមើលទៀតព្រោះថាហួសពេលហើយ ក៏ឲ្យត្រលប់មកផ្ទះវិញ។
នៅរសៀលថ្ងៃទី ១២ កុម្ភៈ តាមផ្លូវមកផ្ទះឪពុកម្ដាយនិងជីដូនបានត្រឹមតែស្រែកយំក្ដុកក្ដួល សោកស្ដាយ និងអាណិតកូនពន់ពេក ពេលដឹងថាកូនរូបនេះជិតស្លាប់ទាំងសភាពមើលពីក្រៅនៅស្រស់បស់អង្គុយជ្រងោ។ដូចការសន្និដ្ឋានរបស់ក្រុមគ្រូពេទ្យនៅយប់ថ្ងៃទី ១២ កុម្ភៈដដែលនោះ ក្មេងស្រីរងគ្រោះពិតជាបានស្លាប់បាត់បង់ជីវិតប្រាកដមែន។ការពិតកុមារីមិនមែនត្រូវឆ្មាខាំហើយស្លាប់ភ្លាមពេទ្យជួយមិនបាននោះទេ។
ព្រោះបើ តាមប្រភពពីសាច់ញាតិក្មេងរងគ្រោះមានឈ្មោះទាវវត្តីអាយុ១១ឆ្នាំ នាងត្រូវបានឆ្មាមួយក្បាលចិញ្ចឹមក្នុងផ្ទះខាំ និងក្រញៅមុតជើងនាងពេលអង្គុយលេងហូរឈាម តាំងពីដើមខែធ្នូ ឆ្នាំ ២០១៨មកម្លេះ ។កាលនោះបន្ទាប់ពីឆ្មាខាំ ម្ដាយបាននាំយកកូនស្រីទៅឲ្យពេទ្យភូមិចាក់ថ្នាំដែរ តែមិនដឹងប្រភេទថ្នាំអ្វី ដោយគ្រូពេទ្យនោះប្រាប់ថា ៣ខែក្រោយ ចាំមកចាក់ម្ដងទៀត។
ប៉ុន្តែបានត្រឹមរយៈពេលប្រមាណ ២ខែ នាងស្រាប់តែធ្វើទុក្ខខ្លាំងនៅកណ្ដាលថ្ងៃទី ១១កុម្ភៈ ហើយដល់ថ្ងៃទី ១២កុម្ភៈយកទៅពេទ្យវៀតណាម ពេទ្យថាអស់សង្ឃឹមហួសពេលហើយ។ សពរបស់នាងតូចវ័យជាង ១០ឆ្នាំនេះត្រុវបាន ដង្ហែរទៅបញ្ចុះនៅភូមិឆ្លក ឃុំច្រកម្ទេស ស្រុកស្វាយទាប ខេត្តស្វាយរៀង ថ្ងៃទី ១៣កុម្ភៈ។ ក្រោយពីកើតករណីយ៍មួយនេះខាងវិទ្យាស្ថានប៉ាស្ទរ័បានចេញការណែនាំខ្លីមួយថាបើមានសត្វចំនួន៥មុខដែលមានធ្មេញដូចមនុស្សដែរគឺឆ្កែឆ្មាស្វាកណ្តុរប្រជៀវខាំត្រូវយកមកចាក់ថ្នាំ។សត្វដែលខាំកុំសម្លាប់វាទុកតាមដានមើល។បើវាងាប់ត្រូវកាត់ក្បាលត្រាំទឹកកយកមកឲ្យជមនាញស្រាវច្រាវថាវាមានជម្ងឺឆ្លងអីដែរឬអត់?។
ដោយឡែកការផ្តល់អនុសាសន៍ពីអ្នកជំនាញដែលដឹងពីចំណាត់ការនៅបរទេសថា៖រាល់សត្វទាំងអស់ដែលចិញ្ចិមប្រភេទខាងលើត្រូវចាក់ថ្នាំការពារ, ជាធម្មតា ថ្នាំចាក់បង្ការមានពីមួយឆ្នាំដល់បីឆ្នាំ, រៀងរាល់ឆ្នាំម្ចាស់សត្វត្រូវយកក្រដាស់បញ្ជាក់ថា សត្វនោះមានចាក់បង្កា ហើយមិនទាន់ផុតកំណត់,ម្ចាស់សត្វមិនអាចទុកសត្វទាំងនោះនៅផ្ទះខ្លួនបានទេបើគ្មានលិខឹតបញ្ជាក់ថាសត្វទាំងនោះមានចាក់ថ្នាំ។ម្ចាស់សត្វត្រូវទទួលខុសត្រូវពេលសត្វនោះធ្វើឲ្យប៉ះពាល់ឬខាំអ្នក់ដ៏ទៃ។ សត្វដែលដើរ រហេតរហូតក្រៅផ្ទះត្រូវចាប់ទុក ហើយហៅម្ចាស់មកបង់ពិន័យ។។ភូមិឃុំត្រូវត្រួតពិនិត្យនិងចុះបញ្ជីរម្ចាស់ស់ចិញ្ចិមសត្វទាំងអស់,៕