ខេត្តកណ្តាល ៖ អ្នកសារព័តមានចំនួន៣រូបត្រូវបានម្ចាស់អាជីវកម្មរណ្តៅដីដល់ក្បាលប្រែតម្នាក់ឈ្មោះតាក់ជីឡៅធើស៊ីក្រោមលេសចោទថាយកឡានទៅបាំងឡានដឹកដីគោះលុយ។ថៅកែរណ្តៅដីដេលគេជឿថាត្រុវគ្នាជាមួយសមត្តកិច្ចនិងអាជ្ញាធរមូលដ្ឋានដាក់ពាក្យប្តឹងសុំឱ្យសមត្ថកិច្ចនគរបាលស្រុកអង្គស្នួលឃាត់ខ្លួនផ្តន្ទាទោសអ្នកកាសែតទាំង៣និងទាមទារប្រាក់ជំងឺចិត្តចំនួ ន១០ម៉ឺនដុល្លារ ពីបទកំហែងយក តាមមាត្រា៣៦៣-៣៦៤ នៃក្រមព្រហ្មទណ្ឌ។
ជនសង្ស័យជាអ្នកកាសែតទាំង៣ដែលរងការប្តឹងគម្រាមពៅថៅកែរណ្តៅដី រូមមានទី១ ឈ្មោះ អួន មិនា ភេទប្រុស អាយុ៣៧ ជាអ្នកយកព័ត៌សារព័ត៌មានខេមរអង្គរ ទី២ ឈ្មោះ ទន់ ម៉ូវ ភេទប្រុស អាយុ៣៥ឆ្នាំ មានតួនាទីជានិពន្ធនាយកសារព័ត៌មានខ្មែរណូត និងទី៣ ឈ្មោះ ធួក សំណាង ភេទប្រុ ស អាយុ២៥ឆ្នាំ នៅអង្គភាពសារព័ត៌មានកំពតដេលី។
យោងតាមពាក្យបណ្តឹងរបស់លោក តាក់ ជីឡៅ ភេទប្រុស អាយុ៣៩ឆ្នាំ បានរៀបរាប់ថា ជនសង្ស័យទាំង៣នាក់បានរៀបចំផែនការ ចូលទៅក្នុងទីតាំងការដ្ឋានអាជីវកម្មរណ្តៅដីរប ស់លោក ក្នុងភូមិកណ្តាល ឃុំឆក់ឈើនាង ស្រុកអង្គស្នួល ខេត្តកណ្តាល ហើយពួកគេក៏បានចាប់ផ្តើមធ្វើសកម្មភាព ដោយយករថយន្តរបស់ពួកគេម៉ាក ហុងដា ស៊ីអរវី ពណ៌ សំបកឪឡឹក ពាក់ស្លាកលេខ ភ្នំពេញ 2AM.0457 មួយគ្រឿង ចតពាំងពីមុខផ្លូវចេញចូល មិនឱ្យរថយន្តដឹកដីរ បស់លោក ចេញចូលបាន ធ្វើឱ្យកកស្ទះពេញផ្លូវហើយក្រុមជនសង្ស័យបាននិយាយបង្ខិតបង្ខំនិងគំរាមគំហែងកូនចៅរបស់លោកឱ្យប្រគល់ប្រាក់ចំនួន៥០០០ដុល្លារ ទៅឱ្យពួកគេ។ កូនចៅរបស់លោកក៏សម្រេចចិត្តទូរសព្ទ័ប្តឹងនគរបាលប៉ុស្តិរដ្ឋបាលឃុំឆក់ឈើនាង និងអធិការដ្ឋាននគរបាលស្រុកអង្គស្នួល ដើម្បីជួយអន្តរាគមន៍។
លោក វរៈសេនីយ៍ឯក មាន សំណាង អធិការនគរបាលស្រុកអង្គស្នួល បានឱ្យដឹងថា កាលពីរសៀលថ្ងៃទី១២កុម្ភៈ២០១៩នេះបន្ទាប់ពីទទួលបានបណ្តឹងនិងមានការ ការអនុញ្ញាតិពីលោកព្រះរាជាអាជ្ញាអមសាលាដំបូងខេត្តកណ្តាល ជនសង្ស័យទាំង៣នាក់(អ្នកាសែត)ត្រូវបានសុំអោយសំរាកបណ្តោះអាសន្ននៅអធិការដ្ឋាន១យប់ដើម្បីធ្វើការសាកសួរហើយករណីនេះសមត្ថកិច្ចរបស់លោកកំពុងតែបន្តធ្វើការស៊ើបអង្កេតបន្ត ហើយនៅព្រឹកថ្ងៃទី១៣ កុម្ភៈ ២០១៩នេះ ជនស ង្ស័យទាំង៣នាក់ កំពុងស្ថិតនៅអធិការដ្ឋាននគរបាលស្រុកអង្គស្នួលនៅឡើយ។
ពាក់ព័ន្ធហ្នឹងការចោទប្រកាន់នេះ ក្រុមអ្នកកាសែតទាំង៣ បានបដិសេធន៍ថា ពួកខ្លួនមិ នបានយករថយន្តចតបាំងផ្លូវមិនឱ្យឡានដឹកដីចេញចូលនោះទេ កម្មករខាងរណ្តៅដីទេដែលយកម៉ូតូ មករាំងផ្លូវពួកខ្លួន។ ពួកគេមិនបានទារលុយនោះឡើយគ្រាន់តែទៅថតរូបរណ្ដៅដីដែលជីកជ្រៅដល់ក្បាលប្រេតរាប់ ឆ្នាំមកហើយ ។
ប្រជាពលរដ្ឋបានឲ្យដឹងថាសព្វថ្ងៃលោកតាក់ ជីឡៅបាននឹងកំពុងជីកយកដីលក់នៅស្រុកអង្គស្នួលទោះប៉ះពាន នៅឃុំឆក់ឈើនាងនិងឃុំក្រាំងម្នាក់ឡានដឹកដីដូចហែរកឋិនទោះហុយឬខូចផ្លូវយ៉ាងណាក៍អាជ្ញាធរមិនខ្វល់ព្រោះលោកតាក់ ជីឡៅក៍គណៈពង្រឹងនៅក្នុងមូលដ្ឋានឃុំឆក់ឈើនាងនេះផងដែរដូច្នេះអាជ្ញាធរក៍មិនហ៊ានជាមួយលោកតាក់ជីឡៅឡើយ ម្យ៉ាងទៀតលោកតាក់ជីឡៅបានបិទមាត់អាជ្ញាធររួចស្រេចហើយដែរ ។
បើនិយាយពីរណ្ដៅដីវិញនៅមុខវត្តអង្គពពាយដែលក្លាយជាស្រះរួមរបស់វត្តត្រូវបានគេឲ្យសិទ្ធិលោកតាក់ជីឡៅនេះជីកយកដីលក់យ៉ាងរំភើយជាថ្នូរនឹងការធ្វើផ្លូវខ្លះនៅបរិវេណនោះ ។ លោកតាក់ជីឡៅជីកយកដីលក់ចំណេញកប់ក្ដោងប្រើឡានដូចស្រមោចគ្រាន់តែជួសជុលធ្វើផ្លូវបន្ដិចបន្ដួចជាការស្រេច ពលរដ្ឋខ្លះថាពួកគាត់មិនហ៊ាននិយាយទេព្រោះរឿងនេះគេបានសិម ស៊ុះគ្នាតាំងពីថ្នាក់ខេត្តរហូតដល់ស្រុ និងឃុំ ចែកគ្នាស៊ី ហូរហែរតែម្ដង ។
ប្រភពបន្ដថាចំពោះរណ្ដៅដីនៅឯខាងឃុំឆក់ឈើនាងវិញក៍លោកជីកយូរមកហើយដែររណ្ដៅស្ទើរក្លាយជាសមុទ្រទៅហើយហើយដឹកដីខូចផ្លូវនិងហុយទ្រលោមប៉ៈពាល់ដល់សុខភាពប្រជាពលរដ្ឋពេញបន្ទុកក៍ថៅកែឡៅមិនខ្វល់ដែរ ពោលគឺលោកឡៅពង្រឹងនៅមូលដ្ឋាននោះកើបលុយយកនៅទីនោះ។
ចំពោះការចាប់ខ្លួនអ្នកកាសែតក្នុងស្រុកចំនួន៣នាក់នេះគ្រាន់តែលោកឡៅស្រែកវ៉ាសនគរបាលចុះទៅចាប់គ្រឹបភ្លាមតែម្ដងពោលគឺពួកគេហាក់មានសេនារីយោជាមួយគ្នាច្បាស់លាស់ណាស់ ។ កន្លងមកលោកតាក់ ជីឡៅធ្លាប់កាយយកដីផ្លូវរថភ្លើងលក់ម្ដងហើយក្រោមលេសដាក់លូប៉ុន្មានកង់ឆ្លងកាត់ផ្លូវ ធ្វើឲ្យពលរដ្ឋមានការតវ៉ាប្ដឹងលោកតាក់ជីឡៅឲ្យដឹកដីមកចាក់បំពេញតែក្រោយពីការសម្របសម្រួលលោកឡៅនៅតែជីកដីលក់ដដែល ៕