ភ្នំពេញ ៖ មិនដឹងថា ដោយសារតែការលើកសសើរសម្តេចក្រឡាហោមសខេងដោយចាត់ទុកថាជាផ្កាយរាសីជាអ្នកដែលមានលទ្ធភាពដោះស្រាយបញ្ជាការដាក់ទណ្ឌកម្មពីសហគមន៍អឺរ៉ុប…..ឬយ៉ាងណាទេទីបំផុតព្រះ គុណហោសុខុនចៅអធិការវត្តច្បារអំពៅដែលគេដឹងថាជាអ្នកការពារសាសនាទល់និងការវាយប្រហារពីមេបក្សសម្ពន័ដើម្បីប្រជាធិបតេយ្យត្រូវបានអាជ្ញាធរចាប់យកទៅផ្សឹកទាំងយប់ថ្ងៃទី១៣កុម្ភៈ។
សង្ឃ ហោ សុខុន ត្រូវបានគេចាប់ដឹកចេញពីវត្តយកទៅផ្សឹកនៅវត្តបុទុមវត្តីចំពោះមុខសម្តេចសង្ឃ នន្ទ ង៉ែត ដោយចោទថាលោកប្រព្រឹត្តខុសវិន័យសាសនា ។ សូមបញ្ជាក់ដែរថា ក្រោយពីមានប្រតិកម្មមិនទទួលយកការលើកសសើរពីសម្តេចក្រឡាហោមសខេងនាថ្ងៃទី៩កុម្ភៈឆ្នាំ២០១៩នៅថ្ងៃនោះដែរ លោក ចេង មុន្នីរ៉ា អភិបាលខណ្ឌ័ច្បារអំពៅបានដឹកនាំកម្លាំងចូលត្រួតពិនិត្យវត្តច្បារអំពៅក្រោមលេសធ្វើអនាម័យ។
ទោះជាយ៉ាងណាព្រះតេជគុណ ហោ សុខុន មិនដកថយទេនៅតែបន្តឡាយវិដេអូអះអាងពីជំហរគាំទ្រសម្តេចសខេង ។ ប៉ុន្តែនៅយប់ថ្ងៃទី១២ កុម្ភៈ បាត់ព្រះតេជគុណហោសុខុនចេញពីវត្ត។អ្នកកាសែតផ្សាយថាតេជគុណហោសុខុនរត់ចោលស្រុកហើយ។ស្រាប់តែនៅព្រឹកថ្ងៃទី១៣កុម្ភៈលោកហោសុខុនបានមានវត្តមាននៅវត្តវិញហើយចេញ វិដេអូជេរម្រាយអ្នកកាសែតពេលសួរ ទាក់ទងសំនួរគេចព្រះកាយនោះតែម្តង។
សូមរំឭកថា ក្នុងរយៈពេលតែប៉ុន្មានម៉ោងប៉ុណ្ណោះ បន្ទាប់ពីអភិបាលរាជធានីភ្នំពេញ លោក ឃួង ស្រេង ជាមួយមន្ទីរធម្មការ និងសាសនា គណៈសង្ឃ និងអាជ្ញាធរពាក់ព័ន្ធ បានថ្វាយបង្គំព្រះអង្គឈប់ឲ្យផ្សាយផ្ទាល់ តាមហ្វេសប៊ុកពីរឿងប្រទេសជាតិតទៅទៀតនោះ គឺនៅម៉ោង៧យប់ ថ្ងៃទី១១ ខែកុម្ភៈ ឆ្នាំ២០១៩ ព្រះតេជគុណ ហោ សុខុន ព្រះចៅអធិការវត្តច្បារអំពៅ ក្នុងរាជធានីភ្នំពេញ បានបន្ត Live ហ្វេសប៊ុក ដោយប្រកាសថា បើជាប់ទោស ក៏មិនសុំលើកលែងទោសទេ។
ព្រះតេជគុណ ហោ សុខុន បញ្ជាក់យ៉ាងហំហានថា «អាយុ៣៤ឆ្នាំ បើជាប់គុក១០ឆ្នាំ ចេញវិញ៤៤ឆ្នាំ។ អ្វីដែលនិយាយចេញពីបេះដូង។ និយាយទាំងសើចថា មិនភ័យ មិនខ្លាច»។នៅក្នុងឃ្លីបវីដេអូ បង្ហោះផ្សាយផ្ទាល់លើទំព័រហ្វេសប៊ុក ព្រះតេជោគុណ ហោ សុខុន បានអះអាងបែបអ្នកក្លាហានថា ព្រះអង្គនិយាយប្រថុយស្លាប់ និយាយប្រថុយជាប់គុក។
ព្រះអង្គក៏បានលើកឡើងថា ព្រះអង្គផ្សាយផ្ទាល់តាមហ្វេសប៊ុកនេះ ដើម្បីកុំឲ្យមានការយល់ច្រឡំ ពីសាររបស់លោក ដែលបានបង្ហោះក្នុងហ្វេសប៊ុក ដែលបានសរសើរសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថាជាផ្កាយសំណាង។ តែក្នុងសាររបស់ព្រះអង្គបង្ហោះតាមហ្វេសប៊ុកនោះ ក៏បានលើកសរសើរសម្តេចតេជោ ហ៊ុន សែន ថាជាព្រះឥន្ទ គឺព្រះឥន្ទធំជាងគេទាំងអស់។
ចំពោះសារដែលគេបង្ហោះចែកចាយ ហើយនាំឲ្យសម្តេចក្រឡាហោម ស ខេង បញ្ចេញប្រតិកម្មនោះ ត្រូវបានព្រះតេជគុណ ហោ សុខុន បញ្ជាក់ថា ត្រូវបានគេកាត់ត ហើយផ្សាយក្នុងបំណងអាក្រក់ ធ្វើបាបលើព្រះអង្គប៉ុណ្ណោះ។ ព្រះតេជគុណ ហោ សុខុន បានបន្តថា ក្នុងសារហ្វេសប៊ុករបស់ព្រះអង្គ ដែលគេផ្សាយកោតសរសើរសម្តេចក្រឡាហោម ស ខេង ហើយត្រូវបានគេផ្សព្វផ្សាយនោះ បានត្រឹមតែ ១០ភាគរយទេ គឺព្រះអង្គក៏មានសរសើរលើកឡើងពីគុណសម្បត្តិ និងសរសើរសម្តេចតេជោ ហ៊ុន សែន ថាជាព្រះឥន្ទ ដែលធំជាងគេបំផុត។
ព្រះតេជគុណ ហោ សុខុន បញ្ជាក់ថា ទោះបីជាមានការផ្សព្វផ្សាយដោយក្លែងសាររបស់ព្រះអង្គក៏ដោយ ក៏គណបក្សប្រជាជនកម្ពុជា មានសាមគ្គីផ្ទៃក្នុងរឹងមាំ ដែលមិនមានគណបក្សនយោបាយណា នៅលើពិភពលោក រកស្មើបាន គឺរឹងមាំជាងដែកថែបទៀតផង។ ក្នុងនោះ សម្តេចតេជោ ហ៊ុន សែន មានគុណសម្បត្តិធំជាងគេ ក្នុងការរំដោះជាតិមាតុភូមិ រួមទាំងកសាងអភិវឌ្ឍន៍ប្រទេសកម្ពុជា។
ព្រះតេជោគុណ ហោ សុខុនដែលចេញមុខដាក់ពាក្យប្តឹងលោកខឹមវាសនាមេសម្ពន្ធ័ ក៏បានរិះគន់លើលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ដោយហៅលោក ខឹម វាសនា ថាជាជនក្បត់ជាតិដែរ។
ឥឡូវមិនដឹងថាដោយសារតែច្រៀងខុសតុងភ្លេង(សសើរសម្តេចក្រឡាហោមសខេងរំលងសម្តេចហ៊ុនសែន)ឬយ៉ាងណាទេលោកសង្ឃហោសុខុនត្រុវបានគេចាប់ផ្សឹកក្រោមលេសខុសវិន័យ។គេទាន់ដឹងថាតើអន្ទឹតហោសុខុនអាចជាប់គុកដោយសារតែការបញ្ចេញមតិឬយ៉ាងណាទៀតនោះទេ?។
