បន្ទាយមានជ័យ ៖ ជារៀងរាល់ថ្ងៃនេះ ត្រូវបានអ្នករកស៊ី ដឹកទំនិញតាមឡានតូចធំ ម៉ូតូរម៉ក ចេញចូលតាមមាត់ច្រកបឹងត្រកួន ពួកគាត់នាំគ្នារអូរទាំ ស្រែកថ្ងូរ ពីការលំបាករកស៊ីដោយសារ ក្រុមសមត្ថកិច្ច ប្រចាំនៅច្រកបឹងត្រកួន ច្របាច់ករហុតឈាមអង្កៀមឆ្អឹងជំរិតទារលុយហួសហេតុ ។
នៅថ្ងៃទី១២កុម្ភៈនេះបើតាមសេចក្តីរាយការណ៍មកថា ក្នុងឡានដឹកទំនិញ១គ្រឿងប្រភេទហុកឡ ត្រូវបង់ឲ្យខាងទំនាក់ទំនងព្រំដែន៥ម៉ឺនរៀល ប៉ូលិសព្រំដែន៨០៧ លោកឡុងសំណាង ៥ម៉ឺនរៀល ប៉េអឹមលោកចេក សោម ៥ម៉ឺនរៀល គណៈកម្មការច្រក៥ម៉ឺនរៀល។ទោះជាទំនិញនោះមានច្បាប់ឬអត់ច្បាប់ នៅតែពួកគែប្រឹងច្របាច់ករ ក្រុមអាជីវករយកលុយចិញ្ចឹមស្រីក្មេងនិងថ្នាក់លើដដែល។
ចំពោះប្រភេទរថយន្តដឹកទំនិញ ចេញចូលតាមច្រកនេះក្នុង១ថ្ងៃៗ មានជាច្រើនសឹបគ្រឿង ដូចជាឡានដឹកជី ដំឡូង ម៉ូតូ។ល។ ក្រៅពីទំនិញខាងលើ គឺឃើញមានឡានធ្យូង ដឹកយកទៅលក់នៅស្រុកថៃក្នុង១ថ្ងៃៗរាប់ម៉ឺនការ៉ុង ទោះជាចេញនៅតាមច្រកតូចឬច្រកធំ ក៍នៅនៅតែបង់លុយជូនពួកគាត់ដែរ ។
សូម្បីតែធ្យូងចេញនៅតាមច្រកតូច ប្រាសាទតាបែងនៅតែគយទៅតាមឲ្យបង់លុយ ក្នុង១ឡាន២០០០បាតដែរតែមិនមានវិកយ័បត្រ័ដែលសំអាងថាបង់ចូលរដ្ឋនោះទេ។តាមប្រភពព័ត៌មានបានឲ្យដឹងថា នៅច្រកបឹងត្រកួននេះ គឺមានសមត្ថកិច្ចច្រើនស្ថាប័ននៅចាំជំរិតទារលុយ ពីអ្នករកស៊ីដ៏ដែល ដោយបច្ចុប្បន្ន គេឃើញដកតែខាងជំនាញកាំកុងត្រូលប៉ុណ្ណោះ។ក្រៅពីនេះដែកចាំស៊ីពែរដចអាបចឹង។
អ្នកដឹកទំនិញនៅតាមច្រកបឹងត្រកួន ពួកគាត់បានសំនូមពរដល់រដ្ឋាភិបាលសម្តេចតេជោសូមឲ្យជួយចាត់វិធានការ លើសមត្ថកិច្ចច្រកនេះ កុំទុកឲ្យមានច្រើនស្ថាប័នពេក ព្រោះពួកគេនៅតែដេក ចាំតែរឹតក យកតែលុយធើមានបាន ទិញដី ឡានវីឡា ចិញ្ចឹមស្រីក្មេង គ្មានចំណេញចូលចំណូលថវិការរដ្ឋនោះទេព្រោះពួកនេះ ទុកមិនចំណេញ ដកចេញគ្រវែងចោលក៍មិនខាតដែរបើតាមសេចក្តីសម្រេចរបស់រដ្ឋាភិបាលថ្មីស្តីពីដកកាំកុងត្រូលទុកតែគយនិងប៉ូលិសនោះ៕
