ខេត្តបន្ទាយមានជ័យ៖ កម្លាំងប្រដាប់អាវុធទាំង៣ស្ថានប័ន រួមទាំងអាជ្ញាធរប្រមាណ ជាង២០០០នាក់ក្រោមបញ្ជារ លោក សួន បវរ អភិបាលខេត្ត លោកឧត្តមសេនីយ៍ទោអាត់ ខែម ស្នងការនគរបាលខេត្ត លោកឧត្តមសេនីយ៍ទោសេង ធារិន មេបញ្ជាការកងពលតូចថ្មើរជើងលេខ៥១លោកឧត្តមសេនីយ៍ត្រីបោន ប៉ិន មេបញ្ជាការអាវុធហត្ថខេត្ត កាលពីថ្ងៃទី១០កុម្ភៈបាននាំគ្នា ចុះស្តារ ស្ទឹង ប្រឡាយទឹក និងទាញយកពើក,កំប្លោក បានប្រវែង២០០០ម៉ែត្រនៅស្រុកស្វាយចេកខេត្តបន្ទាយមានជ័យ ។
លោក សួន បវរ អភិបាលខេត្តបន្ទាយមានជ័យបានប្រាប់ថា នៅឆ្នាំ២០១៩នេះ យោងតាមការណែនាំពីឧបនាយករដ្ឋមន្ត្រីកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន-ជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ។ ក្រសួងធនធានទឹកនិងឧតុនិយមបានបើកការជីកស្តារឱ្យជ្រៅក្នុងភូមិសាស្ត្រ ស្រុកស្វាយចេកដើម្បីធានាបានចរន្តទឹកហូរផង និងស្តុកទឹកទុកបរិភោគ និងទឹកប្រើប្រាសផងទើបចាត់តាំងកម្លាំងថ្ងៃឈប់សម្រាកធ្វើដើម្បីបានប្រជាពលរដ្ឋប្រើប្រាស់។
ប្រជាពលរដ្ឋស្រុកស្វាយចេកបានថ្លែងអំណរអរគុណដល់អាជ្ញាធរ កងកម្លាំងប្រដាប់អាវុធទាំងអស់បានយកចិត្តទុកខ្ពស់ពីសុខទុក្ខដល់ពួកគាត់៕
