បន្ទាយមានជ័យ៖ លោក ខឹម ចិត្រា មេប៉ុស្តិ៍ច្រកទ្វារព្រំដែនអន្តរជាតិប៉ោយប៉ែត ដែលទើបឡើងកាន់តំណែងថ្មីត្រុវបានប្រជាពលរដ្ឋនិយាយថា បាននិងកំពុងបង្កើនអំពើពុករលួយកៀបសង្កតប្រជាពលរដ្ឋនិងភ្ញៀវទេសចរណ៍ចេញចូលតាមច្រកទ្វារងន្តរជាតិប៉ោយប៉ែត។
អំពើពុករលួយដែលគេជឿថាមានការឃុបឃឹតគ្នាទាំងសមត្តកិច្ចខ្មែរនិងសៀមរួម មាន៖ ១- ជម្រឹតយកប្រាក់ខុសច្បាប់ពីប្រជាពលរដ្ឋម្នាក់ៗ ៥០បាទ ឬ ស្មើនឹង៧០០០រៀល នៅពេលវាយត្រាប័ណ្ណព្រំដែនចេញពីប្រទេសកម្ពុជា ឆ្លងទៅប្រទេសថៃ តាមច្រកប៉ោយប៉ែត។
២-ធ្វើលិខិតបញ្ជាក់មួយសន្លឹក២០០បាទ សម្រាប់ប្រជាពលរដ្ឋនៅប៉ោយប៉ែត ដើម្បីថតកាតចូលថៃ
៣-ធ្វើលិខិតបញ្ជាក់ ១សន្លឹក២០០បាទ និង ៤០០បាទផ្សេងទៀត សម្រាប់ថតកាតចូលប្រទេសថៃ ចំពោះប្រជាពលរដ្ឋមកពីខេត្តផ្សេងៗ ក្រៅពីក្រុប៉ោយប៉ែត
៤-ជម្រឹតយកលុយ៣០០បាទក្នុង១ខែ ពីអ្នករត់ម៉ូតូឌុបនៅគល់ស្ពាន មិត្តភាពកម្ពុជាថៃ ។សូមបញ្ជាក់ថាការជម្រឹតយកលុយនេះ ជាអំពើខុសច្បាប់យ៉ាងធ្ងន់ធ្ងរ ដែលត្រូវមានទោសជាប់គុកពីបទឧក្រិដ្ឋ ដែលមានចែងនៅក្នុងច្បាប់ស្តីពីប្រឆាំងអំពើពុករលួយ។លោកខឹមចិត្រា ដែលគេជឿថាចាយលុយរត់សេវាដើម្បីបានឡើងមេច្រកថ្មីជំនួសលោកស៊ឹមសំអាត នោះបានទៅចរចារចចារជាមួយមេអន្តោប្រវេសន៍ថៃ ឈ្មោះ បិន ដើម្បីជួយសហការគ្នា ចាប់ជម្រឹតប្រជាពលរដ្ឋខ្មែរ។
ជាគោលការណ៍ រដ្ខាភិបាល ខ្មែរ និងរដ្ឋាភិបានថៃមិនបានអនុញាត ឲ្យមានការជ្រឹតយកប្រាក់ពីប្រជាពលរដ្ឋខ្មែរនិងភ្ញៀវឡើយ ។មិនអាចសុំការបកស្រាយពីលោកវរៈសេនីយ៍ទោខឹមចិត្រាចំពោះការចោទប្រកាន់ពីប្រជាពលរដ្ឋចឹងនៅឡើយ៕