ភ្នំពេញ ៖ ករណីគ្រោះថ្នាក់ចរាចរណ៍មួយកើតឡើង បង្កដោយ រថភ្លើងមួយខ្សែ ដែលមានទិសដៅពីខេត្តព្រះសីហនុ ឆ្ពោះទៅ ភ្នំពេញ បានធ្លាក់ក្បាលរថភ្លើង ចេញពីលើផ្លូវដែក នៅវេលាម៉ោង ១០និង១៥នាទី ថ្ងៃទី១១ ខែកុម្ភៈ ឆ្នាំ២០១៩ដោយសាររថយន្តបែនដឹកដី ០១គ្រឿង បុក ត្រង់ចំណុចភូមិព្រែកទល់ ឃុំទឹកថ្លា ស្រុកព្រៃនប់ ខេត្តព្រះសីហនុ។
សមត្ថកិច្ចបានឲ្យដឹងថា រថយន្តបង្កម៉ាក HYUNDAI ពណ៌ ទឹកប្រាក់ គ្មានស្លាកលេខ ធ្វើដំណើរទិសដៅពីលិចទៅកើត លុះដល់ចំណុចខាងលើ បានបុករថភ្លើង ដែលមានទិសដៅពីខេត្តព្រះសីហនុ ឆ្ពោះទៅភ្នំពេញ បណ្ដាលឲ្យធ្លាក់ក្បាលរថភ្លើង ចេញពីលើផ្លូវដែក ។ សមត្ថកិច្ចបន្តថា ករណីគ្រោះថ្នាក់នេះពុំមានអ្នករងរបួសទេ ។ ចំណែកអ្នកបើកបររថយន្ត បានរត់គេចខ្លួនបាត់ស្រមោលក្រោយពេលកើតហេតុ។
រីឯវត្ថុតាង រថយន្ត១គ្រឿង បានយកមករក្សាទុកនៅអធិការដ្ឋាន នគរបាលស្រុកព្រៃនប់ ដើម្បីដោះស្រាយនៅពេលក្រោយ។មានការកត់សម្គាល់ ថាក្រុមហ៊ុនរ៉ូយ៉ាល់រ៉េលវ៉េរបស់ឧកញ៉ាគិតម៉េងដែលរដ្ឋផ្តល់សិទ្ធឲ្យយកផ្លូវរថភ្លើងស្រុកខ្មែរដែលខ្ចីលុយធនាគារអភិវឌ្ឍអាស៊ីADBជួសជុលរកស៊ីគេមិនមានឃើញបំពាក់ទូរថភ្លើងឬក្បាលថ្មីអីទេគឺប្រើអាចាស់ចង់ជ្រុះម៉ាស៊ិនទៅហើយ។
