ភ្នំពេញ ៖ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ (ACU) បានអះអាងនៅព្រឹកថ្ងៃទី១១ ខែកុម្ភៈ ឆ្នាំ២០១៩ថា៖ការបើកការស៊ើបអង្កេតលើអតីតមេបញ្ជាការកងរាជអាវុធហត្ថខេត្តរតនគិរី លោក គឹម រស្មី គឺ កម្លាំងជំនាញរបស់អង្គភាពប្រឆាំងអំពើពុករលួយ បានបើកការស៊ើបអង្កេតតាំងពីមានតម្រុយមុននេះម្ល៉េះ។
ការបញ្ជាក់របស់លោក ឱម យ៉ិនទៀង បានធ្វើឡើងបន្ទាប់ពី ប្រធានសមាគមជ័យលាភីបញ្ញាជនកម្ពុជា លោក រស់ សារ៉ុមកាលពីថ្ងៃទី០៩ ខែកុម្ភៈ ឆ្នាំ២០១៩ ថា ដាក់ពាក្យប្តឹងអង្គភាពប្រឆាំងអំពើពុករលួយ ដើម្បីឱ្យបើកការស៊ើបអង្កេតលើ លោក គឹម រស្មី អតីតមេបញ្ជាការអាវុហត្ថលើផ្ទៃប្រទេស ក្រោយពីសម្តេចហ៊ុនសែនស្នើព្រះមហាក្សត្រដេញចេញពីក្របខណ្ឌ័នៅថ្ងៃទី៩កុម្ភៈបន្ទាប់ពីបែកធ្លាយវីដេអូចែកលុយកូនៗចំនួន៥នាក់ចំនួន៥០ម៉ឺនដុល្លារអាមេរិកជាសាធារណៈកាលពីយប់ថ្ងៃទី០៥ ខែកុម្ភៈ ឆ្នាំ២០១៩ ក្នុងពេលប្រកា់ខែគាត់មានតែប្រមាណ២លានរៀលតែប៉ុនណោះ។
លោក ឱម យ៉ិនទៀង បានបញ្ជាក់ថា អង្គភាពប្រឆាំងអំពើពុករលួយបានបើកការស៊ើបអង្កេតលើ អតីតមេ PM រូបនេះ តាំងពីមុនពាក្យបណ្តឹងម្ល៉េះ ដែលបង្ហាញថា ការបើកការស៊ើបអង្កេតនេះ មិនមែនធ្វើតាមខ្សែញាក់ ឬបណ្តឹងរបស់ អង្គការសង្គមស៊ីវិលនោះឡើយ។បើចឹងមែននោះមានន័យថាលោករស់សារ៉ុមគ្រាន់តែចេញមុខរុញទូកបណ្តោយទឹកតែប៉ុណ្ណោះ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចាត់ទុកការលុបឈ្មោះ ឧត្តមសេនីយ៍ត្រី គឹម រស្មី មេបញ្ជាការអាវុធហត្ថខេត្តរតនគិរី ចេញពីក្របខ័ណ្ឌនៃកងយោធពលខេមរភូមិន្ទ គឺជាការវះកាត់សាច់ស្អុយនិងជាការអនុវត្តអភិក្រមទី៥វះកាត់។សារសំឡេងរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ចែកចាយពេញបណ្ដាញសង្គម មានប្រសាសន៍ថា”ជូនថ្នាក់ដឹកនាំក្នុងគណៈអចិន្ត្រៃយ៍ ក្នុងជួររាជរដ្ឋាភិបាល និង ថ្នាក់ដឹកនាំខេត្ត ថ្ងៃនេះខ្ញុំសម្រេចចិត្តដោយការឈឺចាប់ ដើម្បីដកដំណែងនិងបណ្តេញចេញពីមេបញ្ជាការកងរាជអាវុធហត្ថខេត្តរតនគិរី ដោយធ្វើបុណ្យខួបកំណើត ហើយសំញែងនូវទ្រព្យសម្បត្តិ នេះជាអភិក្រមទី៥ ដែលខ្ញុំត្រូវធ្វើដោយចៀសវាងមិនបាន បើខ្ញុំមិនធ្វើរឿងនេះមួយទេ គឺ ខ្ញុំត្រូវលាលែងពីដំណែងល្អជាង”។
បើចឹងប្រសិនបើអង្គភាពប្រឆាំងពុករលួយរកមិនឃើញបទល្មើសពុករលួយរបស់គឺមរស្មីទេមានន័យស្មោះនិងថាការសម្រេចរបស់សម្តេចតេជោខុសធ្ងន់លើកូនចៅហ្ម៉ង។យ៉ាងណាសង្ឃឹមថាACUនឹងទទួលបានលទ្ធផលល្អជាមិនខានក្នុងករណីយ៍គឹមរស្មីនេះ។
មហាជនជាច្រើនបានបង្ហាញការសង្ស័យថា ឧត្តមសេនីយ៍ត្រី គឹម រស្មីមេប៉េអឹមខេត្តរតនៈគិរីដែលមានឥទ្ធិពលមួយចំហៀងខេត្តព្រោះជាប់សាច់ញាតិនាយឧត្តមសេនីយ៍អតីតមេទព័កំពូលម្នាក់នោះត្រូវបានប្រជាពលរដ្ឋដាក់ការសង្ស័យថានៅពីក្រោយការប្រព្រឹត្តបទល្មើសព្រៃឈើដែលបង្កឡើងដោយមន្ត្រីប៉េអឹម២រូបឈ្មោះហូជីវ៉ៃនិងណុបណាក់ហៅណាក់ក្បាលធំមិនមែនមានបានដោយសារការធ្វើចំការកៅស៊ូដែលជាមុខរបរបន្ទាប់បន្សំនោះឡើយ។
