ភ្នំពេញ៖ កាលពីជាងពីរឆ្នាំមុន ប្រពន្ធបណ្តូលចិត្តរបស់តារាចម្រៀងមនោសញ្ចេតនា លោក រិន សាវ៉េត បានទទួលមរណៈភាព ដោយសារតែជំងឺមហារីកយ៉ាងធ្ងន់ធ្ងរធ្វើតារាចម្រៀងរូបនេះក្រតោកយ៉ាកមានការអាណិតអាសូរហូតលោកឃ្លាំងហួតជួយអន្តរាគមន៍ពីសម្តេចកិត្តិព្រឹទ្ធបណ្ឌឹតប៊ុនរ៉ានីហ៊ុនសែនបានផ្ទះមួយល្វែងរស់នៅសមរម្យនិងគេចិញ្ចឹមកូន។
សូមបញ្ជាកថា៖ពេលទទួលមរណភាពកាលពីថ្ងៃទី២៣ មេសា ២០១៧ វេលាម៉ោងជាង៣រសៀលនៅមន្ទីរពេទ្យមិត្តភាពកម្ពុជា-សូវៀតហៅពេទ្យរុស្ស៊ី លោករិន សាវ៉េត បាននាំសពភរិយាតាមរថយន្តពេទ្យយកទៅធ្វើបុណ្យនៅស្រុកត្រាំកក់ ខេត្តតាកែវ ដោយគ្រូពេទ្យចាក់បារ៉ត សម្រាប់រក្សាទុករយៈពេល៥ថ្ងៃ ។
លោករិន សាវ៉េត និយាយថា «មុនពេលប្រពន្ធខ្ញុំឈឺ ដុនដាបទៅៗ គាត់តែងតែគិតដល់កូនប្រុសរបស់គាត់ដែលនៅតូច ដោយរមែងនិយាយឱ្យខ្ញុំជាប្តី ទោះបីយ៉ាងណា កុំចោលកូន ជួយមើលថែកូន និងចិញ្ចឹមកូនឱ្យមានអនាគតល្អ សមជាទឹកចិត្តរបស់ឪពុក ។ មូលហេតុបែបនេះហើយខ្ញុំគ្មានអ្វីក្រៅពីខំធ្វើតួនាទីជាឪពុកល្អប្តីល្អដែលបានតាំងចិត្តដើម្បីឱ្យភរិយាស្ងប់ចិត្ត និងធ្វើប្តីល្អដូចបុរសទូទៅដូចគេឯង » ។
អាលូវនេះមកដល់ពេលនេះ កន្លងបានជិត២ឆ្នាំហើយ ស្រាប់តែកាលពីថ្ងៃទី៩កុម្ភៈ លោក រិនសាវ៉េតដែលមាសាច់ឈាមភ្លឺថ្លាខុសពីមុនបានបង្កការភ្ញាក់ផ្អើលដល់សំណាក់អ្នកលេងបណ្តាញសង្គមយ៉ាងខ្លាំង ក្រោយឃើញរូបលោកបង្ហោះសារ អមជាមួយរូបថតនារីម្នាក់ និងកូនប្រុសរបស់ខ្លួនដោយពោលពាក្យថា៖ “កូនពុកអើយ! ប្រកាន់និងខឹងពុកទេ បើសិនជាពុកចង់បានអ្នកម្តាយម្នាក់ មកជួយមើលថែរក្សាកូន? សូមបងប្អូនកុំប្រកាន់ណា”។
ទោះជាយ៉ាងណាក្តី ផ្អែកលើសារ និងរូបនារីម្នាក់ដែលលោក រិន សាវ៉េត បង្ហាញមុខឲ្យមហាជនស្គាល់ បានឲ្យដឹងថា លោកកំពុងសុំចិត្តកូនប្រុសជាទីស្រលាញ់ យកភរិយាថ្មី ដើម្បីអាចមកជួយមើលថែរក្សារូបលោក និងកូនប្រុសផងដែរ ៕
