បន្ទាយមានជ័យ ៖ ទីបំផុតសមត្តកិច្ចបានសម្រេចចិត្តបំផ្ទុះគ្រាប់បែកដែលឃើញនៅមុខសណ្ឋាគារហ្គោលដឹនក្រោននៅម៉ោង៧និង៤០នាទីយប់ថ្ងៃទី១០កុម្ភៈឆ្នាំ២០១៩នេះ។
ការសម្រេចបំផ្ទុះនេះត្រូវបានគេនិយាយថា ប្រហែលសមត្តកិច្ចស៊ីម៉ាក់គ្មានសមត្តភាពដោះ ចឹងមានតែបំផ្ទុះចោលទៅ ។ មិនមានមនុស្សណាម្នាករងគ្រោះដោយសារការបំផ្ទុះគ្រាប់បែកនេះទេគឺមានតែការខូចខាតកញ្ចក់អគារកាស៊ីណូតិចតួចតែប៉ុណ្ណោះ។
សូមបញ្ជាក់ដែរថា នៅចំណុចបរិវេណកាស៊ីណូហ្គោលឌីនហ្គ្រោននៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យគឺជាទីតាំងទទួលខុសត្រូវដោយវរៈសេនាតូចនគរបាលការពារព្រំដែនគោកលេខ៩១១ នៃស្នងការនគរបាលខេត្តបន្ទាយមានជ័យនោះ។
នៅវេលាម៉ោង១៧និង១០នាទីថ្ងៃទី ១០ ខែ កុម្ភ: ឆ្នាំ២០១៩ នៅក្នុងអាគារក្រុមហ៊ុន កាស៊ីណូហ្គោលឌឹន ក្រោន របស់ លោកឧកញ៉ាកុកអាន ស្ថិតនៅច្រកទ្វារអន្តរជាតិ ប៉ោយប៉ែត ភូមិក្បាលស្ពាន១ គេឃើញមានជនសង្ស័យឈ្មោះឡាយ គឹមលាង ហៅម៉ៅ អាយុ៣៩ឆ្នាំ ភេទប្រុស ជនជាតិខ្មែរ ស្រុកកំណើតជំរុំសាយធូ ព្រំដែន ទីលំនៅបច្ចុប្បន្នគ្មាន បានចូលទៅក្នុងបន្ទប់ទឹករួម ក្នុងកាស៊ីណូហើយពេលចេញមកឃើញមាន ឧបករណ៍មួយ សង្ស័យជាគ្រឿងផ្ទុះ មកហែកទើបសន្តិសុខក្រុមហ៊ុន បានឃើញក៏ដេញឲ្យយកមកដាក់ នៅមុខកាស៊ីណូទៅ ។
សមត្តកិច្ចបានឃាត់ខ្លួនបុរសខាងលើដើម្បីសួរនាំ ។ ទោះជាមិនមានអ្នកណារងគ្រោះថ្នាក់តែវត្តមានគ្រាប់បែកបង្ហាញថាមានភាពចន្លោះប្រហោងខាងការពារសន្តិសុខ ៕