ខេត្តព្រះសីហនុ ៖ ខេត្តព្រះសីហនុក្រៅពីវត្តមានចិនដេញខ្មែរនិងជនបរទេសជាតិអឺរ៉ុបគ្រោះថ្នាក់ចរចារសាហាវៗក៏ជាមូលហេតុដែលបង្កឲ្យមានការភ័យខ្លាចផងដែរ។
ជាក់ស្តែងលោកឧត្តមសេនីយ៍ត្រីអ៊ីសុខាស្នងការរងទទួលផែនសណ្តាប់ធ្នាប់ នៃស្នងការដ្ឋាននគរបាលខេត្តព្រះសីហនុអោយ ដឹងថា៖ វេលាម៉ោង ១៥:២៥នាទី នៅថ្ងៃទី០៩ ខែកុម្ភៈ ឆ្នាំ២០១៩មាន គ្រោះថ្នាក់ចរាចរណ៍នេះកើតឡើងលើផ្លូវវិថីផែ ត្រង់ចំណុច កែងរ៉ា ស្ថិតនៅក្នុងភូមិ៣ សង្កាត់លេខ៣ ក្រុង/ខេត្តព្រះសីហនុ បង្កឡើងដោយ រថយន្តបែនដឹកថ្មក្រួសមួយគ្រឿង៊។
រថយន្តបែនដឹកដីនេះ មានទិសដៅចុះផ្លូវចំណោតចូលក្រុងព្រះសីហនុ បានដាច់ហ្វ្រាំង រួចក៍ជ្រុលទៅបុករថយន្តចំនួន ០២គ្រឿង ម៉ូតូ ០៣គ្រឿង និង ផ្ទះប្រជាពលរដ្ឋលក់គ្រឿងទេសនៅជាយផ្លូវមួយកន្លែងទៀត បង្កឲ្យកើតចេញជាអគ្គីភយ័ប៉ុន្តែត្រូវបានសមត្ថកិច្ចពន្លត់ទាន់មិនអោយឆេះរាលដាល។
គ្រោះថ្នាក់ចរាចរមួយនេះបានបណ្ដាលឲ្យ ស្លាប់ ម្នាក់ជាស្ត្រី ដែលជាភ្ញៀវចូលទៅទិញទំនិញក្នុងផ្ទះគ្រឿងទេសខាងលើ និងរងរបួសមនុស្សចំនួន ០៤នាក់ផ្សេងទៀត(ស្រី០២នាក់ក្នុងនោះអ្នកបើកបររថយន្តបង្ករងរបួសធ្ងន់)ត្រូវបានសមត្តកិច្ច បញ្ជូនទៅសង្គ្រោះគ្លីនិកមិត្តភាពឃ្លាំងលើ ។ ក្រោយកើតហេតុ សមត្ថកិច្ចជំនាញបានចាត់ចែងតាមនីតិវិធី ដូចជាស្រង់ព័ត៍មានអំពីសាវតាជនរងគ្រោះ អ្នកបើកបររថយន្តបង្ក និងយានយន្តទាំងអស់ ដើម្បីដោះស្រាយតាមផ្លូវច្បាប់៕