បន្ទាយមានជ័យ ៖ លោក ទេព សារ៉េត អនុប្រធានមន្ទីរពេទ្យបង្អែកមង្គលបូរី បច្ចុប្បន្នជាអនុប្រធានសុខាភិបាលខេត្តបន្ទាយមានជ័យចូលនិវត្តន៍ ត្រូវបានប្រភពព័ត៌មានបែកធ្លាយខ្ចខ្ចាយតាមមាត់ចាបមាត់ព្រាបថា មានអ្អ្នកជម្ងឺដែលទៅពិនិត្យនិងសម្រាកព្យាបាលនៅកន្លែងរបស់គាត់ បានដាក់ពាក្យបណ្តឹងទៅតុលាការពីបទបៀតបៀនកេរ្តិ៍ខ្មាស រហូត០៤ថ្ងៃជាប់ៗគ្នា។
យោងតាមប្រភពបានឲ្យដឹងថាលោក ទេព សារ៉េត ត្រូវបានតុលាការដាក់នៅក្រោមការត្រួតពិនិត្យដោយសម្រេចមិនឃុំខ្លួន ព្រោះមានការចចារបង់លុយឲ្យដើមបណ្តឹងចំនួន១០០០០$(មួយមុឺនដុល្លារសហរដ្ឋអាមេរិក)។
នៅក្នុងដីកាសម្រេចមិនឃុំខ្លួនជាបណ្តោះអាសន្ន របស់លោកម៉ម ច័ន្ទវណ្ណះចៅក្រមសុើបសួរនៃសាលាដំបូងខេត្តបន្ទាយមានជ័យ និងលោក តេង សាម៉ៃ តំណាងអយ្យការ ក្នុងសំនុំរឿងព្រហ្មទណ្ឌលេខ១០២ចុះថ្ងៃទី១៨ខែមករាឆ្នាំ២០១៩ ដិកាសន្និដ្ឋានបញ្ជូនឲ្យសុើបសួរលេខ៨៧អយខចុះថ្ងៃសៅ១៤កើតខែបុស្សឆ្នាំចសំរិទ្ធិស័ក ពស២៥៦២
ត្រូវនឹងថ្ងៃទី១៩ខែមករាឆ្នាំ២០១៩ ។
ដីកាសម្រេចមិនឃុំខ្លួនជាបណ្តោះអាសន្នលើឈ្មោះទេព សារ៉េត ភេទប្រុសកើតឆ្នាំ១៩៥៦សញ្ជាតិខ្មែរមុខរបរ វេជ្ជបណ្ឌិតផ្នែកជម្ងឺទូទៅ ដែលសព្វថ្ងៃបានបើកកន្លែង ពិនិត្យមើលអេកូ
សាស្ត្រនិងព្យាបាលជម្ងឺ នៅភូមិគោគស្វាយឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។
បើតាមប្រភពបែកធ្លាយបានឲ្យដឹងថាអ្នកជំងឺបានដាក់ពាក្យបណ្តឹងទៅតុលាការ ថាលោកទេព សារ៉េត បានបៀតបៀនកេរខ្មាសដល់ទៅ០៤ថ្ងៃជាប់ៗគ្នា ដោយប្រព្រឹត្តចាប់ពីថ្ងៃទី១៤-១៥-១៦និង១៧ ក្នុងខែមករា ឆ្នាំ២០១៩ ក្នុងខណះពេលដែលអ្នកជម្ងឺ កំពុងសម្រាកនៅផ្ទះរបស់គាត់។
សូមបញ្ជាក់ថា នៅកន្លែងបើកព្យាបាលរបស់លោកទេព សារ៉េត គឺមានតែផ្លាកយីហោដាក់ថាពិនិត្យនិងព្យាបាលជម្ងឺទូទៅ មនុស្សចាស់កុមារ មិនដឹងថាកន្លែងគាត់មានម៉ាសុីន អេកូ
សាស្ត្រ ថតឆ្លុះឬអត់ និងមានច្បាប់ មានសិទ្ធិមើលព្យាបាលនៅផ្ទះគាត់ឬយ៉ាងនោះទេ បុន្តែជាក់ស្តែងនៅផ្ទះរបស់គាត់ បានទទួលអ្នកជម្ងឺឲ្យដេកព្យាបាល ជាច្រើនគ្រែ ដូចកន្លែងគ្លីនិកធំៗដែរ។
លោកកែវ សុភ័ត្រា ប្រធានសុខាភិបាលខេត្តបន្ទាយមានជ័យ មិនបានបកស្រាយបញ្ជាក់ពីទីកន្លែងលោក ទេព សារ៉េត អាចទទួលព្យាបាលបានឬអត់នោះទេ គ្រាន់តែលោកបញ្ជាក់
ថា ពិតជាមានអ្នកជម្ងឺប្តឹងមែន តែរឿងនេះគាត់បានដោះស្រាយរួចអស់ហើយ នេះជាការចោទប្រកាន់។
ចំណែកលោក ទេព សារ៉េត មិនបាននិយាយបំភ្លឺជាមួយអ្នកកាសែតទេ គឺអោយអ្នកផ្សេងលើកទូរស័ព្ទ មិនដឹងជាប្រពន្ធឬអ្ន្កណា ដោយបញ្ជាក់ប្រាប់ថា មិនអាចផ្តល់បទសម្ភាសន៍បានទេ
ព្រោះរឿងនេះបានដោះស្រាយហើយ?។
