បន្ទាយមានជ័យ៖ ពលរដ្ឋសាទរផ្លូវលំជនបទ ក្រាលគ្រួសក្រហមចំនួន ២ខ្សែ ប្រវែង៤២០០ម៉ែត្រ ក្នុងឃុំគោកកឋិន ស្រុកថ្មពួកខេត្តបន្ទាយមានជ័យ ដែលជាអំណោយដ៏ថ្លៃថ្លារបស់ឯកឧត្តម ហ៊ុន ម៉ាណែត និងលោកជំទាវ ផ្ដល់ជូនអាជ្ញាធរមូល តាមសំណូមពរ និងជាតម្រូវការចាំបាច់របស់ប្រជាពលរដ្ឋ គឺជាចំណងដៃបន្ថែម ពីលើសមិទ្ធផលជាច្រើនរាប់មិនអស់ របស់សម្ដេចតេជោ ដើម្បីជួយលើកកម្ពស់ជីវភាពរស់នៅ កាត់បន្ថយភាពក្រីក្រជូនប្រជាពលរដ្ឋយើង ។
ផ្លូវនេះត្រូវបានសម្ភោធដាក់ឲ្យប្រើប្រាស់ជាផ្លូវការនាព្រឹក ថ្ងៃទី១៨ ខែកក្ដដា ឆ្នាំ២០១៦ ក្រោម អធិបតិយភាព ឯកឧត្តម សួន បវរ អភិបាលខេត្តបន្ទាយមានជ័យ តំណាងឯកឧត្តម ហ៊ុន ម៉ាណែត មេបញ្ជាការរងកងទ័ពជើងគោក និងលោកជំទាវ។
កាលពីព្រឹកថ្ងៃទី ១៨ ខែកក្ដដា ឆ្នាំ២០១៦ វេលាម៉ោង៧ និង០០ នាទីព្រឹក កម្លាំងកងរាជអាវុធហត្ថខេត្តបន្ទាយមានជ័យចំនួន៥០ នាក់បានចូលរួមគោរពទង់ជាតិ ដឹកនាំដោយលោកវរៈសេនីយ៍ឯក ញឹក ប៊ុនឈី មេបញ្ជាការរងកងរាជអាវុធហត្ថខេត្ត។
ក្នុងឳកាសនោះដែរ លោកវរៈសេនីយ៍ឯក ញឹក ប៊ុនឈី បានធ្វើការណែនាំអំពីវិន័យសណ្ដាប់ធ្នាប់និងការ ស្លៀកពាក់ឯកសណ្ធានឲ្យបានត្រឹមត្រូវក្នុងម៉ោងរដ្ឋបាលការងារកងកម្លាំងផងដែរ។
