ភ្នំពេញ ៖ មន្ត្រីក្រសួងឧស្សាហកម្ម និងសិប្បកម្ម អះអាប្រាប់កាសែតថា ពុំមានការរៀបចំពិធីសែនចូលឆ្នាំចិននៅស្តីការក្រសួងនោះទេគឺមានតែអុចធូបចំថ្ងៃសីលតែប៉ុណ្ណោះ!។
ប្រតិកកម្មបែបនេះបានកើតឡើងក្រោយពេលបែកធ្លាយតាមបណ្តាញសង្គមនូវលិខិតអញ្ជើញផ្លូវការរបស់ក្រសួង មួយចុះថ្ងៃទី៣០ ខែមករាដែលបានតម្រូវឲ្យ មន្ត្រីក្រសួងទាំងអស់ស្លៀកពាក់សមរម្យចូលរួមពិធីសែនចូលឆ្នាំចិននៅទីស្តីការក្រសួងនាថ្ងៃទី៤ ខែកុម្ភៈ ក្រោមអធិបតីភាពរដ្ឋមន្ត្រីក្រសួងឧស្សាហកម្ម និងសប្បកម្ម លោក ចម ប្រសិទ្ធធ្វើឲ្យមានការរិះគន់ដូចព្យុះ។
អ្នកនាំពាក្យក្រសួងឧស្សាហកម្ម និងសប្បកម្ម លោក អ៊ុំ សុថា បានបដិសេធនេះ ថា ពុំមានការសែនអ្វីធំដុំនោះទេ។ លោកអ៊ុំ សុថា អះអាងថាការចេញលិខិតវិញ គឺរដ្ឋបាលធ្វើលើសពីអ្វីដែលក្រសួងណែនាំ ហើយថាក្រសួងនឹងធ្វើការងារកែតម្រូវករណីនេះវិញ?៖ «យើងអត់មានទៅធ្វើអី ពិធីសែនចិនអីនៅក្នុងក្រសួងទេ។ យើងគ្រាន់តែនាំគ្នាអុចធូបនៅពេលថ្ងៃសីលធម្មតាទេ ហើយដោយសារថ្ងៃហ្នឹងមន្ត្រីរាជការគាត់មកធ្វើការទាំងអស់គ្នាទៅ យើងក៏ប្រាប់តៗគ្នា ប៉ុន្តែ ខាងរដ្ឋាបាលគាត់ទៅធ្វើលិខិតផ្លូវការអញ្ចឹង វាខុស យើងកំពុងកែតម្រូវវិញ»។
បើតាមប្រតិទិនពិធីបុណ្យចូលឆ្នាំថ្មីតាមប្រពៃណីចិនក្នុងឆ្នាំ២០១៩នេះ ត្រូវរៀបចំធ្វើឡើងចាប់ពីថ្ងៃទី៥ដល់ ថ្ងៃទី៧ ខែកុម្ភៈ ហើយពិធីបុណ្យមួយនេះត្រូវបានពលរដ្ឋកម្ពុជាខ្សែស្រឡាយចិនយួនប្រារព្ធធ្វើជារៀងរាល់ឆ្នាំ។
សូមបញ្ជាក់ដែរថា៖កាលពីជំនាន់អតីតសាធារណៈរដ្ឋប្រជាមានិតកម្ពុជាពេលមានវត្តមានជំនាញការវៀតណាមគ្រប់គ្រងលោកចមប្រសិទ្ធដែលមានឈ្មោះជាកូនចៅចិន(ត្រកូលអ៊ឹង)ត្រូវបានគេចាត់ទុកជាក្រុម៣៥១ចឹងគេមិនយកចូលធ្វើការឡើយ។ក្រោយមកលោកត្រូវបានសមមិត្តហ៊ុនសែនកាលនៅជារដ្ឋមន្ត្រីក្រសួងការបរទេសហៅឲ្យមកធ្វើការជាមួយក្នុងតួនាទីជំនួយការរដ្ឋមន្ត្រីក្រសួងការបរទេស!។សម័យរាជាណាចក្រទី២នេះលោកចមប្រសិទ្ធគឺជាប្រធានគណៈកម្មាធិការអចិន្ត្រៃយ៍របស់សមាគមត្រចិនកូលអ៊ឹងនៃកម្ពុជា!។