ស្នួលក្រចេះ ៖ យុវជនកាន់កាត កាសែត ម្នាក់ត្រូវបានក្រុមជនដៃដល់ស្ទាក់វាយធ្លាក់ពីលើម៉ូតូស្លាប់នៅកន្លែង។ហេតុការណ៍នេះបានកើតឡើង នៅចំណុចផ្លូវកែង៨៨ ភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ កាលពីវេលាម៉ោង០០,១០នាទីឈានចូលថ្ងៃទី៤ ខែកុម្ភៈ ឆ្នាំ២០១៩។
ជនរងគ្រោះឈ្មោះ សន ឬទ្ធី ភេទប្រុសអាយុ១៨ឆ្នាំស្នាក់នៅឃុំស្នួល ស្រុកស្នួលខេត្តក្រចេះ កាន់កាតវេបសាយ(បាត់ដំបងប៉ុស្តិ៍)។
បើតាមសេចក្ដីរាយការណ៍ពីកន្លែងកើតហេតុ បាននិយាយថា នៅមុនពេលកើតហេតុ ។ ជនរងគ្រោះមានគ្នាបីនាក់នាំគ្នាជិៈម៉ូតូទៅរាំលេងធុងបាស់ នៅចំណុចគីឡូ៩០ ភូមិជើងឃ្លេ ឃុំ២ធ្នូ ស្រុកស្នួល ។ លុះដល់ម៉ោងកើតហេតុ ពួកគេបានឡើងជិៈម៉ូតូ បំណងវិលត្រឡប់មកផ្ទះវិញ។ដោយឈ្មោះ នី ធីរ៉ា ជាអ្នកឌុប និងឈ្មោះ ប៉ែ នៅកណ្ដាល ចំណែកជនរងគ្រោះដែលស្លាប់ឈ្មោះ សន ឬទ្ធី ជិៈពីក្រោយ។ លុះមកដល់កន្លែងកើតហេតុ ស្រាប់តែលេចមុខក្រុមជនដៃដល់ ស្ទាក់ចាំវ៉ៃនិងយកដុំថ្មមកគុបលើពួកគេ បណ្ដាលឲ្យជនរងគ្រោះដែលអង្គុយខាងក្រោយធ្លាក់ពីលើម៉ូតូ ហើយនាំគ្នាព្រួតវ៉ៃរហូតដល់ស្លាប់នៅកន្លែងតែម្ដង។
ក្រោយកើតហេតុក្រុមជនដៃដល់បានរត់គេចបាត់ ចំណែកជនរងគ្រោះស្លាប់នៅចិញ្ចើមផ្លូវជាប់ព្រៃ។ បច្ចុប្បន្នសមត្ថកិច្ចកំពុងស្រាវជ្រាវដើម្បីតាមចាប់ក្រុមជនសង្ស័យយកមកផ្ដន្ទាទោសតាមច្បាប់៕
ដោយ កិះ ខន
