បាត់ដំបង ៖ ប្រជាពលរដ្ឋនៅស្រុកសំឡូត ខេត្តបាត់ដំបង និងស្រុកវាលវែង ខេត្តពោធិ៍សាត់ បានឲ្យដឹងថា បច្ចុប្បន្នព្រៃឈើនៅក្នុងតំបន់ដែនជម្រកសត្វព្រៃភ្នំសំកុស កំពុងរងការកាប់ដឹកជញ្ជូនយ៉ាងគគ្រឹកគ្រេងដោយគ្មានសមត្តកិច្ចជំនាញពិសេសមន្ត្រីបរិស្ថានអើពើឡើយ ។
បើតាមប្រជាពលរដ្ឋ ក្រុមហ៊ុនរតនៈសម្បត្តិ ក្នុងខេត្តបាត់ដំបង គឺជាង្នកនៅពីក្រោយការប្រព្រឹត្តបទល្មសើព្រៃឈើនៅតំបន់ខាងលើ។ប្រភពពីមន្ត្រីអង្គការក្រៅរដ្ឋាភិបាល និងសកម្មជនព្រៃឈើក្នុងខេត្តពោធិ៍សាត់ បានឲ្យដឹងថា មួយរយៈចុងក្រោយនេះក្រុមហ៊ុនរតនសម្បត្តិ បានកៀងគរពលរដ្ឋខ្មែររាប់រយនាក់មានទាំងជនជាតិយួនផងដែរឲ្យចូលទៅលួចកាប់ឈើក្នុងតំបន់ដែនជម្រកសត្វព្រៃភ្នំសំកុស ស្រុកវាលវែង ហើយដឹកជញ្ជូនឆ្លងកាត់ស្រុកសំឡូត ចេញទៅខេត្តបាត់ដំបង យ៉ាងរលូន។
បើតាមប្រជាពលរដ្ឋនៅក្នុងស្រុកសំឡូត ជាប់តំបន់ដែនជម្រកសត្វព្រៃភ្នំសំកុស បានឲ្យដឹងថា៖ក្រុមហ៊ុនរតនៈសម្បត្តិ ដែលទទួលបានដីសម្បទានសេដ្ឋកិច្ចក្នុងស្រុកសំឡូត កំពុងប្រើអាជ្ញាប័ណ្ណដីសម្បទានបំពានកាប់ឈើនៅតំបន់ដែនជម្រកសត្វព្រៃភ្នំសំកុស នោះតែម្តង។ ប្រភពបានឲ្យដឹងទៀតថា ព្រៃការពារភ្នំសំកុស នៅជាប់ព្រំប្រទល់រវាងស្រុកវាលវែង ខេត្តពោធិ៍សាត់ និងស្រុកសំឡូត ខេត្តបាត់ដំបង កំពុងប្រឈមនឹងសេចក្ដីវិនាសព្រោះអីក្រុមហ៊ុនរតនសម្បត្តិ បានប្រមូលប្រជាពលរដ្ឋខ្មែរនិងជនជាតិយួនប្រមាណ២០០នាក់ឲ្យទៅកាប់ឈើក្នុងតំបន់នោះយ៉ាងមហន្តរាយ។ ចំណែកមន្ត្រីបរិស្ថានប្រចាំតំបន់ដែនជម្រកសត្វព្រៃភ្នំសំកុស និងមន្ត្រីរដ្ឋបាលព្រៃឈើក្នុងស្រុកសំឡូតស្ងាត់ឈឹងដែលគេជឿថាប្រាកដជា សម្ងំទទួលលាភសក្ការៈចែកគ្នាធ្វើមានធ្វើបានយ៉ាងសុខស្រួលជាមិនខានបានជាមិនខ្វល់ពីការបង្ក្រាបបទល្មើសព្រៃឈើតាមតួនាទីរបស់ខ្លួននោះទេ។
មន្ត្រីអាជ្ញាធរមូលដ្ឋានក្នុងស្រុកសំឡូត ក៏បានឲ្យដឹងដែរថាក្រុមហ៊ុនរតនសម្បត្តិ កំពុងធ្វើសកម្មភាពជួលពលរដ្ឋខ្មែរនិងជនជាតិយួនឲ្យចូលកាប់ឈើក្នុងតំបន់ដែនជម្រកសត្វព្រៃភ្នំសំកុស យកមកលក់ឲ្យខ្លួនក្នុងតម្លៃដែលទាប ។ រថយន្តរបស់ក្រុមហ៊ុនរតនៈសម្បត្តិ ដឹកជញ្ជូនឈើពីតំបន់ដែនជម្រកសត្វព្រៃភ្នំសំកុស ចូលទៅក្នុងទីតាំងស្តុកឈើរបស់ខ្លួននៅភូមិកញ្ចាំង ឃុំស៊ុង ស្រុកសំឡូត ។
ចំណែកមន្ត្រីរដ្ឋបាលព្រៃឈើប្រចាំស្រុកសំឡូត លោក ឆាយ ណារ៉េត និងមន្ត្រីបរិស្ថានក្នុងស្រុកសំឡូត ធើមិនដឹង ។ មិនដឹងថាតើលោក ងួន រតនៈ ចៅហ្វាយខេត្តបាត់ដំបងខេត្តបាត់ដំបងជ្រាបឬសើមដែរឬអត់នោះទេរឿងនេះ ?ទើបណ្ដោយឲ្យក្រុមហ៊ុនរតនសម្បត្តិ បំផ្លាញព្រៃឈើក្នុងតំបន់ព្រៃការពារភ្នំសំកុស យ៉ាងគគ្រឹងគ្រេងចឹងនោះ៕
