បន្ទាយមានជ័យ៖ កម្លាំងកងរាជអារុធហត្ថ ក្រុងប៉ោយប៉ែត បានឃាត់ខ្លួន មុខសញ្ញាជួញដូរ និងចែកចាយគ្រឿងញៀនចំនួន៣នាក់ កាលពីរសៀលថ្ងៃទី ១៨ ខែកក្ដដា ឆ្ន២០១៦ នៅចំនុចភូមិ ប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនសង្ស័យដែលត្រូវបានឃាត់ខ្លួនមុនគេឈ្មោះ ចំរើន យូម៉ុង ភេទប្រុសអាយុ២៣ ឆ្នាំ ដកហូតបានវត្ថុតាង ថ្នាំប្រភេទ មេតំហ្វេតាមីន (ម៉ាទឹកកក) ចំនួន១កញ្ជប់ តូចស្មើនិង ០.៣៣ក្រាម និងទូរស័ព្ទដៃ១គ្រឿង ។
ក្រោយធ្វើការសាកសួររួចមក កម្លាំងអាវុធហត្ថក្រុង បានបន្តឃាត់ខ្លួនជនសង្ស័យ២នាក់ទៀតឈ្មោះ ១/ ស្ងួន បុរី ភេទប្រុស អាយុ៣០ឆ្នាំ ២/ ឈ្មោះ គី ប៊ុនធឿន ភេទប្រុស អាយុ៤០ឆ្នាំ ជនទាំងបីនាក់នេះ រស់នៅភូមិ ឃុំកើតហេតុនេះតែម្ដង រីឯភស្តុតាងដកហូតបានរួមមានថ្នាំមេតំហ្វេតាមីន (ម៉ាទឹកកក) ចំនួន៤កញ្ជប់ តូចស្មើនឹង៣.៦៧ ក្រាម និងទូរស័ព្ទដៃចំនួន៤គ្រឿង។
បច្ចុប្បន្ន ជនសង្ស័យទាំង៣នាក់ សមត្តកិច្ចជំនាញនៃកងរាជអាវុធហត្ថក្រុងប៉ោយប៉ែតកំពុង កសាងសំណុំរឿងបន្តនីតិវិធី៕