ភ្នំពេញ ៖ លោក វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទចេញមុខជួយយកសិករខ្មែរតាមរយៈស្វះស្វែងរកប្រទេសវៀតណាមជួយទិញស្រូវពីស្រុកខ្មែរ។រដ្ឋមន្ត្រីកសិកម្មខ្មែរនិងលោកវូគ្វាងមិញ( Vu Quang Minh) ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម បានជួនបប្រជុំពិភាក្សាគ្នាកាលពីពេលថ្មីៗនេះអំពីស្ថានភាពការប្រមូលទិញស្រូវពីកសិករខ្មែរក្នុងពេលបច្ចុប្បន្ន។
របៀបវារៈនៃកិច្ចប្រជុំពិភាក្សានេះរួមមាន៖ ទី១-ធ្វើការពិនិត្យ និងវាយតម្លៃជារួមលើស្ថានភាពតម្លៃស្រូវក្នុងពេលបច្ចុប្បន្ន និងទី២-រួមគ្នាដោះស្រាយ និងដាក់ចេញនូវយន្តការ នៃការប្រមូលទិញស្រូវ-អង្ករពីកម្ពុជាឲ្យបានសមស្រប ទៅនឹងតម្លៃលើទីផ្សារនៅប្រទេសវៀតណាម។
ជាលទ្ធផលគឺ៖
ទី១៖ ភាគីវៀតណាមនឹងរៀបចំកិច្ចប្រជុំបន្ទាន់មួយជាមួយពាណិជ្ជករវៀតណាម បន្ទាប់មកនឹងធ្វើរបាយការណ៍លម្អិតជូននាយករដ្ឋមន្ត្រីវៀតណាមដើម្បីជំរុញឱ្យពាណិជ្ជករវៀត ណាមជួយប្រមូលទិញស្រូវពីកម្ពុជាក្នុងតម្លៃសមរម្យ។
ទី២៖ ធនាគារ AGRI BANK វៀតណាមនឹងពិនិត្យលទ្ធភាព និងធ្វើការសម្រួលបែបបទផ្សេងៗ ដើម្បីផ្តល់កម្ចីឥណទានដល់ពាណិជ្ជករវៀតណាម សម្រាប់ជាទុនប្រមូលទិញស្រូវ ក្នុងរដូវប្រមូលផលនេះ ព្រមទាំងគាំទ្រដល់ការផ្តល់ឥណទានដល់ពាណិជ្ជករកម្ពុជា ដែលខ្វះទុនក្នុងការប្រមូលទិញកសិផល។
ទី៣៖ ភាគីទាំងពីរនឹងបន្តពង្រឹង និងពង្រីកការអនុវត្តផលិតកម្មកសិកម្ម តាមកិច្ចសន្យាឱ្យបានទូលំទូលាយ និងមានប្រសិទ្ធភាពដើម្បីរក្សានិរន្តរភាពនៃភាពជាដៃគូរវាងអ្នកផលិត និងអ្នកទិញ។
ទី៤៖ ភាគីទាំងពីរបានឯកភាពគ្នាថា នឹងសហការគ្នាដោះ ស្រាយបញ្ហាប្រឈម ដែលមានឱ្យបានទាន់ពេលវេលា និងមានប្រសិទ្ធភាពទាំងក្នុងពេលបច្ចុប្បន្ន និងពេលអនាគត។
ទី៥៖ ទូរទស្សន៍វៀតណាម នឹងចុះទៅកន្លែងប្រមូលផលធ្វើការផ្សព្វផ្សាយពីវិធានការ នៃប្រជុំនេះជូនដល់ពាណិជ្ជករវៀតណាមឱ្យជួយទិញស្រូវក្នុងតម្លៃ សមរម្យ។
ទី៦៖ ភាគីវៀតណាមបានបញ្ជាក់ជូនថា នឹងជំរុញឱ្យមានការចុះអនុស្សរណៈ នៃការយោគយល់គ្នាស្តីពីការធ្វើពាណិជ្ជកម្ម រវាងប្រទេសទាំងពីរ ជាពិសេសលើផលិតផលថ្នាំជក់ និងស្រូវ-អង្ករដោយអត្រាពន្ធសូន្យ ក្នុងរយៈពេលដ៏ខ្លីខាងមុខ។ សូមបញ្ជាក់ថាថ្មីៗនេះសហគមន៍អឺរ៉ុបបានប្រកាសដាក់ពន្ធរយៈពេលបីឆ្នាំសម្រាប់ការនាំស្រូវអង្កពីស្រុកខ្មែរនិងប្រទេសភូមាចូល!។
ដើម្បីទប់ទល់ការដាក់ពន្ធដែលធ្វើឲ្យតម្លៃអង្ករខ្មែរឡើងថ្លៃដើមនេះដែររាជរដ្ឋាភិបាលបានទៅសុំឲ្យចិនជួយទិញអង្ករខ្មែរបាន៤០ម៉ឺនតោនដែរក្នុងឆ្នាំ២០១៩។សូមបញ្ជាកថាសម្តេចហ៊ុនសែនបានដាក់ចេញផែនការនាំស្រូវអង្កខ្មែរឲ្យបាន១លានតោន១ឆ្នាំតែបើមានបញ្ហាចឺងផែនការហ្នឹងដឹងថាទៅមិនរួចឡើយ។ជាកស្តែងកាសិករនៅស្រុកពាមជរខេត្តព្រៃវែងបានឲ្យដឹងអំពីវត្តមានឈ្មួញវៀតណាមចូលទីស្រូវដល់ជើងជណ្តើររបស់គាត់តែទិញមិនថ្លៃទេ!៕
