ខេត្តមណ្ឌលគិរី ៖ពួកឧក្រឹដ្ឋជនបំផ្លាញព្រៃឈើនិងសត្វព្រៃកាន់តែឡើងចាងហើយនៅមណ្ឌលគិរីក្រោយពីឧទ្យាននុរក្ស័ម្នាករងរបួសដោយពួកវាបាញ់។ករណីយ៍នេះបានកើតឡើងកាលពីព្រឹកព្រលឹមថ្ងៃទី២៩ មករា ២០១៩ ស្ថិតនៅតំបន់ការពារសត្វព្រៃស្រែពក ចំនុចត្រពាំងកកោះ ស្ថិតក្នុងភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី។
សេចក្តីរាយការណ៍ពីប្រជាពលរដ្ឋ ឲ្យដឹងថាមុនកើតហេតុ ក្រុមមន្ត្រីឧទ្យានុរក្សប្រចាំនៅតំបន់ខាងលើប្រដាប់កាំភ្លើងអាកា២ដើម បាននាំគ្នាជិះម៉ូតូ ចុះល្បាតតាមគោលដៅប្រចាំការ ស្រាប់តែជូបប្រទះជាមួយក្រុមមនុស្សមានគ្នា៥ទៅ៦នាក់កំពុងធ្វើសកម្មភាពប្រមាញ់សត្វ ក៏ផ្ទុះអាវុធទៅវិញទៅមកដាក់គ្នាតែម្តងទៅ ។នៅពេលកំពុងផ្ទះអាវុធ គ្រាប់កាំភ្លើងបានហោះត្រូវមន្ត្រីបរិស្ថានម្នាក់ ម្នាក់ឈ្មោះ ចេង ចន្ធី ភេទប្រុស អាយុប្រហែល៣០ឆ្នាំ បានរងរបួសធ្ងន់ត្រង់ភ្លៅ ហើយក្រុមមន្ត្រីឧទ្យានរក្សបានដកថយទៅជំរំ វិញ។
រហូតមកទល់នឹងម៉ោង៥ និង៣០នាទីល្ងាចថ្ងៃទី២៩ មករា ដដែលនេះ គេនៅមិនទាន់ស្គាល់ពីអត្តសញ្ញាណជនរងគ្រោះ ក្នុងអំពើបាញ់ប្រហារខាងលើនៅឡើយ។
សូមបញ្ជាក់ដែរថាកាលពីដើមឆ្នាំ២០១៨កន្លងមកនេះក្រុមសមត្តកិច្ចការពារព្រៃឈើមន្ត្រីអាវុធហត្ថលើផ្ទៃប្រទេស, មន្ត្រីឧទ្យានុរក្ស នៃមន្ទីរបរិស្ថាន ខេត្តមណ្ឌលគិរី និងបុគ្គលិកអង្កការWCSចំនួន៣នាក់ត្រូវបានមន្ត្រីនគរបាលក្បត់ជាតិដែលជាមេប៉ុស្តិនគរបាលអូលែរបាញ់សម្លាប់ដោយសារទៅចាប់ពួកយួនលួចចូលមកកាប់ឈើ!។
នាយនគរបាលប៉ុស្តិ៍អូររលែឈ្មោះ ផល ពេញ ដែលជាជនដៃដល់បាញ់សម្លាប់ ត្រូវបានកម្លាំងសមត្ថកិច្ចចាប់ខ្លួនបានកាលពីព្រឹកថ្ងៃទី០២ ខែកុម្ភៈ ឆ្នាំ២០១៨បញ្ជូនមកភ្នំពេញ។តែទោះជាយ៉ាងណា មកដលពេលនេះសំណុំរឿងបាញ់ប្រហារនេះមិនទាន់ត្រូវាបានកាត់ទោសរកយុត្តិធមិឲ្យគ្រួសារជនរងគ្រោះយ៉ាងណានៅឡើយ៕
