ខេត្តបន្ទាយមានជ័យ ៖ សារព័ត៌មាន ជាច្រើនអង្គភាពបានធ្វើការចុះផ្សាយជុំវិញរឿង លោកឧត្តមសេនីយ៍ត្រី ឃួន ជឿន មេបញ្ជារការយោធា ល្បាតព្រំដែនគោកលេខ៥០៣ និងជាមេបញ្ជារការរង ពលថ្មើជើងលេខ៥១ចំណុះយោធភូមិភាគ៥ នៅតែបើកដៃឲ្យក្រុមឈ្មួញ នាំរថន្តចង្គូតស្តាំ, ម៉ូតូ , ជ្រូក , មាន់, ទារ, ក្របី , គ្រឿងចក្រគ្រប់ប្រភេទ ពិសេសទំនិញគេចពន្ធគ្រប់ប្រភេទ
ពីប្រទេសថៃចូលមកកម្ពុជា ជារៀងរាល់ថ្ងៃ យប់តាមច្រករៀងនៃស្រុកស្វាយចេក។
ក្រៅពីនោះទីតាំងដែលលោកឃួនជឿនទទួលខុសត្រូវក៏ជាច្រកយ៉ាងសំខាន់ សម្រាប់ពលករឆ្លងដែនខុសច្បាប់ ចូលទៅធ្វើការនូវប្រទេសថៃផងដែរដោយមិនខ្វល់ពីបទបញ្ជារសម្តេចសខេងឧបនាយករដ្ឋមន្ត្រីអីឡើយ។
គេនៅចាំបានថាះ កន្លងមក ម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានដាក់បទបញ្ជារឲ្យឯកឧត្តម សួន បវរ អភិបាលខេត្តបន្ទាយមានជ័យ ឲ្យបិទទាំងស្រុងនូវបណ្ដាច្រករបៀង ក្នុងភូមិសាស្ត្រ ខេត្តបន្ទាយមានជ័យ។សម្ដេចក្រឡាហោមបានលើកឡើងថា យើងមានច្រកអន្ថរជាតិច្រើនហើយ ចឹងទេឲ្យឈ្មួញដែលរកស៊ី នាំចូលទំនិញគ្រប់ប្រភេទ ពីប្រទេសថៃ ចូលមកកម្ពុជា ឲ្យពួកគេនាំចូលតាមផ្លូវត្រង់វិញ ម្យ៉ាងដើម្បីបង្កើនចំណូលរដ្ឋ ។ យើងអាចទប់ស្កាត់បាន នៅរាល់ទំនិញខូចគុណភាពគ្រប់ប្រភេទ ព្រោះថា ទំនិញខូចគុណភាពទាំងនេះ ធ្វើឲ្យប៉ះពាល់ដល់សុខមាលភាព របស់ប្រជាពលរដ្ឋយើង នឹងទប់ស្កាត់ការជួញដូរមនុស្ស ។
ក្រោយពីមានបទបញ្ជារ របស់សម្ដេចក្រឡាហោម ស ខេង គេបានសង្កេតឃើញថាមាន ច្រករបៀងមួយចំនួនត្រូវបានបិទទាំងស្រុង ។តែក៏នៅមានច្រករបៀងមួយចំនួនទៀត នៅតែបន្តបើកលួចលាក់នោះ គឺមានតែច្រករបៀងឃុំអូរបីជាន់ ដែលឈរជើងទទួលខុសត្រូវដោយយោធា វរសេនាតូចលេខ៥១៣ របស់លោកឧត្តមសេនីយ៍ត្រី ឃួន ជឿនតែម្តង!។
ដោយមិនអើពើរចំពោះបទបញ្ជាសម្តេចក្រឡាហោមសខេងលោកឧត្តមសេនីយ៍ឃួនជឿន នៅតែបន្តបើកដៃឲ្យក្រុមឈ្មួញ នាំចូលទំនិញគេចពន្ធគ្រប់ប្រភេទ ។បើតាមប្រជាពលរដ្ឋនិយាយថាលោកឃួនជឿនបានឃុបឃិត បើកដៃឲ្យឈ្មោះ សាយ សឿន នឹងឈ្មោះ សាយ ទូច ពីរនាក់បងប្អូន នាំចូលជ្រូករស់ នឹងមាន់រស់ ក្នុងមួយថ្ងៃរាប់ឡាន ចូលមកក្នុងទឹកដីខ្មែរ។
ប្រការនេះធ្វើឲ្យមជ្ឈដ្ឋាននាៗ នាំគ្នាងឿងឆ្ងល់ នឹងចោទសួរថាះ តើមានអ្នកមានអំណាចណាកាងពីក្រោយខ្នងលោកឃួន ជឿន?បានជាលោកថ្លើមធំម្លេះ?ឬមួយអាងថាជាទាហ៊ានមេគាត់ជាស្តេចពិជ័យទៀបាញ់មិនសម្តេចសខេង?។ពាក់ពន្ធ័រឿងនេះផងដែរ គេហទំពរ័កាសែតមាតុភូមិមិនអាច់ទំនាក់ទំនង សុំការបកស្រាយបំភ្លឺពី លោកឧត្តមសេនីយ៍ត្រី ឃួន ជឿនពិសេសលោកសួនបវរអភិបាលខេត្តបន្ទាយមានជ័យបានទេ ។អង្គភាពយើងខ្ញុំ នឹងរង់ចាំការឆ្លើយតបពីលោក នៅរៀងរាល់ម៉ោងធ្វើការ ៕
