ខេត្តមណ្ឌលគិរី៖ រថយន្តខ្នាតយក្ស ម៉ាកវេអង (V1) ដែលអាចដោយសារ ដឹកលើសទម្ងន់ ធ្វើឲ្យម៉ាស៊ីនរថយន្តខ្សោយ អូសឡើងទួលទៅមុខលែងរួច ក៏រអិលថយក្រោយរេចង្កូតកាច់ក្បាល ជាប់គាំងទទឹងផ្លូវ បង្កឲ្យមានការកកស្ទះចរាចរណ៍ ពេញផ្លូវមួយព្រឹកធំ។
ករណិយ៍នេះកើតឡើងតាំងពី ម៉ោង ប្រមាណជា០៧និង១០នាទីព្រឹក ថ្ងៃទី២៧ ខែមករា ឆ្នាំ២០១៩ នៅលើកំណាត់ផ្លូវជាតិលេខ៧៦ចំណុច ( អូរអើយ)ក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរី រហូតដល់ម៉ោង១២ថ្ងៃត្រង់មិនទាន់រួច។
អ្នកបើកបរបានប្រាប់ថា រថយន្តនេះដឹកដំឡូងមី ចេញពីទីរួមខេត្តមណ្ឌលគិរី ឆ្ពោះទៅស្រុកកែវសីមា តែសមត្តកិច្ចមិជឿហើយបានធ្វើការឆែកឆេក្រោយពីឃើញម្ចាស់ឡានយកឈើប្រណិតជ្រុងៗជាច្រើនមកកល់ទប់កង់ឡាន។មិនទាន់ទទួលបានពីលទ្ធផលនៃការឆេកឆេរនោះនៅឡើយទេ។
សូមបញ្ជាក់ថាពេលរថយន្តធុនធំនេះកំពុងជាប់គាំងនោះ ក៏មានប្រភពរាយការណ៍ពីក្នុងភូមិសាស្ត្រឃុំពូជ្រៃ ស្រុកពេជ្រាដា មកថា មានរថយន្តធុនធំចំនួន០៨គ្រឿងទៀត ក៏កំពុងតែសម្ងំលាក់ខ្លួនត្រៀមធ្វើចរាចរណ៍លើផ្លូវ ជាតិលេខ៧៦នេះ ។ប្រភពដដែលថា រថយន្តទាំង០៨គ្រឿងខាងលើដឹកឈើចេញពីក្រុមហ៊ុនលឹមរ៉ូយ៉ាល់ ដែលមានទីតាំងនៅក្នុង ស្រុកកោះញែក ប៉ុន្តែនៅយប់នោះកាលៈទេសៈមិនអំណោយផលដល់ការធ្វើចរាចរណ៍របស់រថយន្តធុនធំនោះទេ ។
ប្រភពផ្សេងទៀតបានលើកឡើងថា ឈើនេះដឹកចេញពីស្រុកកោះញែក ក្នុងក្រុមហ៊ុនលឹមរ៉ូយ៉ាល់គ្រុប ប៉ុន្តែយើងមិនទាន់មានការបញ្ជាក់ឬអះអាងថាពិតជាឈើរបស់ក្រុមហ៊ុននោះទេ។ ប្រភពបន្ត ថារថយន្តម៉ាកវ៉េអងនេះគឺចេញពីស្រុកកោះញែកជាហូរហែ ។
មានការិះគន់ថា ការដឹកជញ្ជូនឈើរបស់ក្រុមរថយន្តទាំង៨គ្រឿងនោះ កំពុងបង្កការបំផ្លាញផ្លូវជាតិលេខ៧៦ ជាច្រើនកន្លែង ព្រោះតែមានការផ្ទុកលើសចំណុះតែអាជ្ញាធរធើមិនដឹង ៕
