ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីអះអាងនាព្រឹកថ្ងៃទី២៥ ខែមករា ឆ្នាំ២០១៩នេះថា សម្តេចរង់ចាំយ៉ាងអន្ទះសារ ចំពោះការវិលចូលស្រុក របស់(លោក សម រង្ស៊ីប្រធានស្តីទី អតីតគណបក្សសង្គ្រោះជាតិ ) ។
ថ្លែងក្នុងពិធីជួបសំណេះសំណាល ជាមួយកម្មកម្មការិនី ជាង ១ម៉ឺននាក់ នៅខេត្តកំពត សម្តេចថា «ខ្ញុំរង់ចាំ ពេលមួយនឹងមកដល់ ជំនួបនោះនឹងមកដល់ បើសិនអ្នកឯងចង់ជួបពិត ប្រកាសទៅ អ្នកណារង់ចាំកន្លែង ព្រលានយន្តណា អង្កការសហប្រជាជាតិ អមដំណើរពេលណា កន្លែងណា ធ្វើទៅអញ្ជើញ» ។
សម្តេចបន្តថា «តើ ហ៊ុន សែន ចាត់ការរបៀបណា ខ្ញុំអត់ចង់តមាត់តកអីទេ! ព្រោះខ្ញុំឲ្យអ្នកមក ទីកន្លែងដែលអ្នកត្រូវនៅ តាមសាលក្រមរបស់តុលាការ ខ្ញុំរង់ចាំ (សម រង្ស៊ី) យ៉ាងអន្ទះសារ ។ អ្នកត្រូវដឹងសាលក្រមតុលាការ» ។
សម្តេចក៏ផ្ដាំ ថា ខាងក្រសួងមហាផ្ទៃ បានទទួលសាលដីការ ចាប់ខ្លួនអ្នកឯងរួចហើយ ប៉ុន្តែស្តាយណាស់ដែលឲ្យរត់រួច បើអ្នកឯកចូលមកស្រុកវិញ គឺស្មើនឹង «ដើររកអូសប្រទះឈើងាប់» ។ សម្តេចគូសបញ្ជាក់ថា «ផ្តាំទៅ! ហើយអ្នកដែលមិនពាក់ព័ន្ធ មិនចង់ចូលគុក កុំចង់ចូល ប្រថុយជាមួយ ។ ប៉ុន្តែខ្ញុំហ៊ាន «!» អានេះព្រឹបឈ្លូសជាគ្នា»។
សូមជម្រាបថា លោក សម រង្ស៊ី បានប្រកាសជាច្រើនលើកច្រើនសារថា លោកនឹងវឹលចូលមកស្រុកខ្មែរវិញ នៅក្នុងឆ្នាំ២០១៩នេះ ប៉ុន្តែមិនដឹងថ្ងៃណា ច្បាស់លាស់នោះទេ ។ជាក់ស្តែងថ្មីៗនេះគណៈកម្មាធិការអចិន្ត្រៃយ៍អតីត គណបក្សសង្គ្រោះជាតិ បានជួបប្រជុំគ្នានៅអាមរិកដើម្បី រៀបចំឲ្យមានដំណើរវិល ចូលស្រុករបស់លោក សម រង្ស៊ី ដោយធ្វើនយោបាយកៀគរចំនួន ៥ចំណុច រួមមាន៖ ទី១.រៀបចំកំលាំងដើម្បីត្រៀម ទទួលលោក សម រង្ស៊ី ចូលស្រុកវិញ។
ទី២.ពង្រីកសកម្មភាពការទូតច ។ ទី៣.ពង្រឹង និងពង្រីក ការផ្សព្វផ្សាយព័ត៌មាន ក្រោមការគ្រប់របប ហ៊ុន សែន ។ ទី៤.ធ្វើទំនាក់ទំនងជាមួយ អ្នកប្រជាធិបតេយ្យជាមួយ គណបក្សសង្គ្រោះជាតិ ដើម្បីធ្វើផ្លាស់ប្តូរជាវិជ្ជាមាន នៅឆ្នាំ២០១៩នេះ ។ ទី៥. រៀបចំថវិការ សម្រាប់ការវិលចូលស្រុក របស់លោក សម រង្ស៊ី» ៕