កំពង់ឆ្នាំង ៖ ផែនការដេញផ្ទះទឹកវៀតណាមឡើងគោកនខេត្តកំពង់ឆ្នាំងហាក់បីដូចជាបរាជ័យហើយ។ជាក់ស្តែងប្រជាពលរដ្ឋមិនអាចទទួលយកបាន បើទោះជារដ្ឋបាលស្រុកបរិបូរណ៍ចេញសេចក្ដីជូនដំណឹងអោយម្ចាស់បែចិញ្ចឹមត្រីអោយរុះរើដំបូលនិងជញ្ជាំងចេញអោយអស់យ៉ាងណាក៏ដោយក៏ពួកវៀតណាមម្ចាស់បែត្រីមិនបានអនុវត្តតាមដែរ ថែមទាំងលួចអូសផ្ទះបណ្ដែតទឹកចល័តនៅពេលយប់ចូលទៅទន្លេរវិញដដែល។ករណីនេះ ប្រជាពលរដ្ឋដាក់ការសង្ស័យថាមានការឃុបឃិតគ្នាម្ចាស់ផ្ទះជាមួយអាជ្ញាធរឃុំជាថ្នូរនឹងលាភសក្ការៈផងដែរ។
សូមពិនិត្យខ្លឹសារនៃការស្រាយបំភ្លឺរបស់រដ្ឋបាលស្រុកបរិបូរណ៍ខាងក្រោមនេះ៖
រដ្ឋបាលស្រុកបរិបូណ៌ សូមស្រាយបំភ្លឺជូនសារពត៌មានជាតិ សារពត៌មានអន្តរជាតិ និងមតិសាធារណះជនមួយចំនួនមេត្តាជ្រាបថាៈ ចំពោះគោលការណ៍ និងផែនការបំលាស់ទីផ្ទះទឹករបស់ប្រជាពលរដ្ឋខ្មែរ វៀតណាម និងខ្មែរឥស្លាម មកនៅលើគោកកន្លងមកនេះគឺរដ្ឋបាលស្រុក និងអាជ្ញាធរភូមិ ឃុំ បានអនុវត្តទៅតាមការណែនាំរបស់រដ្ឋបាលខេត្ត ដោយបានយកចិត្តទុកដាក់ចុះផ្សព្វផ្សាយ អនុវត្តខ្លឹមសារឯកសារពាក់ព័ន្ធនានារបស់រាជរដ្ឋភិបាល ក្រសួង ស្ថាប័ន្ធ រហូតមានការចូលរួមគាំទ្រ និងអនុវត្តពីប្រជាពលរដ្ឋគឺយល់ព្រម និងសប្បាយចិត្ត ក្នុងការមករស់នៅលើគោកតាមការរៀបចំរបស់អាជ្ញាធរស្រុក។
រហូតមកដល់ពេលនេះមិនមានប្រជាពលរដ្ឋខ្មែរ វៀតណាមឫឥស្លាមណាម្នាក់ត្រលប់ចុះពីលើគោក ទៅរស់នៅលើទឹកវិញឡើយ មានតែការចុះទៅប្រកបរបរនេសាទប្រចាំថ្ងៃ និងការចុះទៅយាមកាម មើលថែរត្រីដែលចិញ្ចឹមតាមបែរតែប៉ុណ្ណោះ ដោយស្ថិតក្រោមការណែនាំ និងចុះតាមដាន ត្រួតពិនិត្យ យ៉ាងយកចិត្តទុកដាក់ជាប្រចាំរបស់អាជ្ញាធរស្រុក ។
រដ្ឋបាលស្រុកសង្ឃឹមយ៉ាងមុតមាំថា សារពត៌មានជាតិ និងសារពត៌មានអន្តរជាតិចូលរួមសហការជាមួយអាជ្ញាធរស្រុក ដើម្បីអនុវត្តកាងារបំលាស់ទីនេះអោយរិតតែមានប្រសិទ្ធភាពថែមទៀត។ពិសេសរង់ចាំទទួលមតិ ក្នុងការរិះគន់ ស្ថាបនា ពីគ្រប់ភាគីពាកព័ន្ធ សូមអរគុណ។មើលទៅបរាជ័យទាំងស្រុងហើយព្រោះគ្មានយន្តការអនុវត្តច្បាស់លាស់ឡើយ!៕
