កំពង់ឆ្នាំង ៖ យោងប្រភពព័ត៌មានពីប្រជាពលរដ្ឋនៅឃំុឆ្នុកបានអោយដឹងថា៖ផ្ទះបណ្ដែតទឹកជាច្រើនខ្នងក្នុងស្រុកបរិបូរណ៌មិនទាន់បំឡាស់ទីឡើងគោកតាមការកំណត់របស់រាជរដ្ឋាភិបាលនៅឡើយដោយមានអាថកំបាំង។
គិតចាប់ពីថ្ងៃទី០៥ខែតុលាឆ្នាំ២០១៨មកដល់ថ្ងៃទី១៥ខែមករាឆ្នាំ២០១៩នេះគឺមានរយៈពេលបីរខែជាង មកហើយដែលផែនការបំឡាស់ទីផ្ទះបណ្តែតទឹកក្នុងឃុំឆ្នុកទ្រូ ឱ្យឡើងទៅរស់នៅលើគោកវិញតាមគោលការណ៍របស់រាជរដ្ឋាភិបាល។ថ្ងៃទី១៦ខែមករាឆ្នាំ២០១៩នេះ គេនៅតែសង្កេតឃើញមានផ្ទះបណ្ដែតទឹករបស់ជនជាតិវៀតណាមនិងខ្មែរជាច្រើនខ្នងមិនទាន់បានធ្វើការបំឡាស់ទីឡើងទៅរស់នៅលើគោកតាមការកំណត់របស់អាជ្ញាធរខេត្តនៅឡើយ។
អ្នកដែលត្រូបានធ្វើបន្លាស់ទីក៏មិនទាន់បានទៅណាឆ្ងាយពីកន្លែងចាស់ដែរនិងមិនទាន់ឃើញមានអ្នកទៅរស់នៅលើគោកទីតាំងដែលរដ្ឋបាលខេត្តបានរៀបចំនោះដែរ។
មកដល់ពេលនេះគេនៅមិនទាន់ឃើញខាងអាជ្ញាធរស្រុកដាក់កំហិតនិងមានវិធានការជាក់លាក់ណាមួយទៅលើផ្ទះបណ្ដែតទឹកដែលមិនទាន់បានបម្លាស់ទីឡើងគោយនៅឡើយទេ។
មជ្ឈដ្ឋាននានានៅក្នុងឃុំឆ្នុកទ្រូ រួមទាំងស្រុកបរិបូរណ៌បាននិយាយខ្សឹកគ្នាតាមតុកាហ្វេដោយលើកឡើងថាផែនការបន្លាស់ទីផ្ទះបណ្តែតទឹកនេះអាចមិនបានជោគជ័យតាមការគ្រោងទុកនោះទេ ពីព្រោះកន្លែងដែលឱ្យពួកគាត់ទៅរស់នៅនោះមិនមានហេដ្ឋារចនាសម្ព័ន្ធត្រឹមត្រូវ ដូចជាផ្លូវទឹកភ្លើងនិងបង្គន់អានាម័យជាដើមជាពិសេសដេញពួកគាត់ឱ្យឡើងពីក្នុងទឹកទៅរស់នៅលើគោកដោយមិនបានរៀបចំអោយស្មើភាពគ្នា។
បើយោងតាមផែនការរបស់រដ្ឋបាលខេត្តកំពង់ឆ្នាំងចាប់ពីថ្ងៃទី០៥ ខែតុលា ឆ្នាំ២០១៨តទៅ អ្នកដែលរស់នៅលើផ្ទះបណ្តែតទឹកទាំងអស់ក្នុងភូមិសាស្ត្រ ឃុំឆ្នុកទ្រូក៏ដូចជាអ្នកដែលរស់នៅលើផ្ទះបណ្ដែតទឹកទាំអស់ក្នុងទូទាំងខេត្តកំពង់ឆ្នាំងត្រូវធ្វើការបំឡាស់ទីឡើងមករស់នៅគោកវិញព្រោះការរស់នៅលើផ្ទះបណ្តែតទឹកបានបង្ករផលប៉ះពាល់យ៉ាងធ្ងន់ធ្ងរដល់បរិស្ថានទឹក បង្កឱ្យស្ទះចរាចរណ៏ផ្លូវទឹក បាត់បង់សណ្តាប់ធ្នាប់ និងសោភ័ណភាព អនាម័យផងដែរ ម្យ៉ាងទៀតការធ្វើអាជីវកម្មផ្សេងៗលើផ្ទះបណ្តែតទឹកដូចជាកន្លែងជួសជុលម៉ាស៊ីន បញ្ចូលអាគុយ ជាងក្រឡឹង សិប្បកម្មធ្វើទូក កាណូត សិប្បកម្មផលិតទឹកកកអាជីវករលក់ប្រេងឥន្ធនៈការចោលសំរាមថង់ប្លាស្ទិក សម្បកដបទឹកសុទ្ធ និងកាកសំណល់ផ្សេងៗទៀតទៅក្នុងទឹកបានធ្វើឱ្យប៉ះពាល់ដល់បរិស្ថានទឹកយ៉ាងធ្ងន់ធ្ងរ ។
ចំពោះអ្នករស់នៅលើផ្ទះបណ្តែតទឹកមានចំនួនខ្មែរ១៤០៤គ្រួសារក្នុងនោះ វៀតណាម៣៧២គ្រួសារខ្មែរឥស្លាម៧២សរុបរួម១៨៤៨.ដែលមានប្រាំមួយភូមិបណ្ដែតទឹកក្នុងស្រុកបរិបូរណ៌។ ជនជាតិវៀតណាមមានចំនួន៧២គ្រួសារកំពុងរស់នៅតាមដងទន្លេសាបក្នុងភូមិសាស្ត្រស្រុកបរិបូរណ៌។
ពាក់ព័ន្ធព័ត៌មានខាងលើ លោក សាំង ស៊ន ក៏បានផ្តល់បទសំភាសន៍ដល់ក្រុមអ្នកសារព័ត៌មានក្នុងស្រុកមួយចំនួនផងដែរ ប៉ន្តែប្រជាពលរដ្ឋស្នើអោយអាជ្ញាធរពិសេសឯកឧត្ត ឈួរ ច័ន្ទឌឿន អភិបាលខេត្តកំពង់ឆ្នាំងមេត្តាចុះត្រួតពិនិត្យឡើងវិញ ព្រោះនៅឃុំឆ្នុកទ្រូមានរឿងអាស្រូវនិងមានភាពមិនប្រក្រតីជាច្រើនផងដែរ៕
