ភ្នំពេញ ៖ ថ្មីៗកន្លងមកនេះបន្ទាប់ពីមានការផ្សព្វផ្សាយយ៉ាងព្រោង ព្រាតស្តីពីសកម្មភាពធ្វើការងាររបស់មន្ត្រីនគរបាលប្រឆាំង បទល្មើសសេដ្ឋកិច្ចក្នុងស្នងការដ្ឋាននគរបាលរាជធានីភ្នំពេញ ក្រោមការគ្រប់គ្រងរបស់លោក ឧត្តមសេនីយ៍ ពិត បញ្ញា ស្នងការរងនគរបាលរាជធានី ទទួលផែនប្រឆាំងបទល្មើសប្រឆាំងសេដ្ឋកិច្ច ប្រព្រឹត្តមិនប្រក្រតីធ្វើអោយប៉ះពាល់ដល់ កិត្តិយសស្ថាប័ន ។
ប្រភពព័ត៌មានបែកធ្លាយពីមន្ត្រីនគរបាល តូចតាច ដែលថ្នាំងថ្នាក់និងការដឹកនាំរបស់លោកស្នងការ នគរបាលរាជធានីភ្នំពេញ គឺលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជ ធានីភ្នំពេញ ថានិយមបក្ខពួក ខ្សែស្រឡាយបានលួចបញ្ចេញ ព័ត៌មានអោយដឹងថា លោកស្នង ការ ស ថេត បានចេញលិខិតបង្គាប់ការលេខ ០០៣ល.ប.ករបស់ស្នងការដ្ឋាននគរបាលរាជធានីភ្នំពេញ ត្រូវបានបង្គាប់ អោយនាយនគរបាលជាតិចំនួន១៤រូប មានភារកិច្ចចុះស្រាវ ជ្រាវបទល្មើសសេដ្ឋកិច្ចពាក់ព័ន្ធ ( ឃ្លាំងស្តុកទំនិញគេចពន្ធ ការតម្លើងរថយន្តខុសលក្ខណៈបច្ចេកទេស ការចរាចរណ៍ទំនិញ និងផលិតផលក្លែងក្លាយ ) ក្នុងភូមិសាស្ត្ររាជធានីភ្នំពេញ ។
ក្នុងលិខិតបង្គាប់ការនេះប្រការ ១ គឺ លោកវរៈសេនីយ៍ឯក សុខ រ័ត្ន ជាប្រធាន លោក វរៈសេនីយ៍ត្រី ម៉េង ហ៊ុយ ជាអនុប្រធាន លោកវរៈសេនីយ៍ ម៉េង ចន្ថា សមាជិក លោក វរៈសេនីយ៍ទោ អៀម ផល្លីសមាជិក លោកវរ:សេនីយ៍ឯក ជុំ ដារ៉ាវុធ សមាជិក និងមន្ត្រី នគរបាលជាច្រើនរូបទៀតសរុបទាំងអស់ចំនួន១៤នាក់ ។ ក្នុងប្រការ២ លិខិតបង្គាប់ការ នេះមានសុពលភាពរយៈពេល១ខែ គិតចាប់ពីថ្ងៃចុះហត្ថលេខា រហូតដល់ថ្ងៃទី ០៨កុម្ភៈ ឆ្នាំ ២០១៩ ។ ប្រការ ៣ ស្នងការរងទទួលផែនការងារសេនាធិការ ស្នងការរងទទួល ផែនការងារប្រឆាំងបទល្មើសសេដ្ឋកិច្ចនៅក្នុងរាជធានីភ្នំពេញ ទាំង១២ ខណ្ឌ និងដូចប្រការ ១ ត្រូវអនុវត្តលិខិតបង្គាប់ការនេះអោយមានប្រសិទ្ធភាព ។
ប្រភពដដែលបានបន្តថា ចំពោះវត្តមានលោកវរៈសេនីយ៍ឯក សុខ រ័ត្ន ដែលត្រូវបានលោក ស ថេត អគ្គស្នងការរងនគរបាលជាតិ និងជាស្នងការនគរបាល រាជធានីភ្នំពេញ ចេញលិខិតបង្គាប់ការអោយធ្វើជាប្រធាន ដឹក នាំកាងាររចុះស្រាវជ្រាវទីតាំងបទល្មើសពាក់ព័ន្ធសេដ្ឋកិច្ចនេះ គឺ ជាមន្ត្រីនគរបាលមកពីក្រសួងមហាផ្ទៃ ។ ចំណុចនេះត្រូវ បានមន្ត្រីនគរបាលជំនាញជាច្រើនរូបក្នុងការិយាល័យប្រឆាំង បទល្មើសសេដ្ឋកិច្ច នៃស្នងការដ្ឋាននគរបាលរាជធានីលួចខ្សឹបប្រាប់ថា ការកែទម្រង់ស៊ីជំរៅរបស់ស្នងការនគរបាលរាជ ធានី គឺបាននិងកំពុងធ្វើអោយមានការប្រះឆា និងអាក់អន់ ថ្នាំងថ្នាក់ចិត្តធ្វើការងារមិនរលូនទេ ព្រោះការក្តោបយក ផលប្រយោជន៍លាភសក្ការៈផ្ទាល់ខ្លួន និងបក្ខពួកនិយម ។
ដោយឡែក ចំពោះការចេញប្រតិបត្តិការងាររបស់ក្រុមលោក វរៈសេនីយ៍ឯក សុខ រ័ត្ន ជាប្រធានចាប់តាំងពីថ្ងៃទទួល បានលិខិតបង្គាប់ការរបស់ស្នងការនគរបាលរាជធានីភ្លាម គឺត្រូវបានក្រុមពាណិជ្ជករ អាជីវរករ ពិសេសម្ចាស់ឃ្លាំងស្តុកទុក ទំនិញសព្វសារពើ មានដូចជា ឃ្លាំងធំៗរបស់ក្រុមហ៊ុនស្រា ថ្លៃៗ ឃ្លាំងស្តុកទុកថ្នាំពេទ្យនៅជុំវិញផ្សារអូរឡាំពិក ឃ្លាំងលក់ ទូរស័ព្ទដៃទំនើបៗ ហើយកាន់តែពិសេសថែមទៀតគឺ ទីតាំង តម្លើងរថយន្តខុសលក្ខណៈបច្ចេកទេស ទូទាំង១២ខណ្ឌក្នុង រាជធានីភ្នំពេញ ត្រូវបានក្រុមនគរបាលប្រឆាំងបទល្មើសសេដ្ឋ កិច្ចក្រោមការដឹកនាំរបស់លោក សុខ រ័ត្ន បាននិងកំពុងដើរធ្វើសកម្មភាព កោសរូស ដាក់កំណត់ ការបង់លុយប្រចាំខែយ៉ាងក្រាស់ក្រែល ពីម្ចាស់ទីតាំង ឃ្លាំងស្តុកទំនិញ នានាក្រោមរូបភាពចុះស្រាវជ្រាវ ដោយសំអាងលើលិខិតបង្គាប់ការរបស់ស្នងការនគរបាលរាជធានីភ្នំពេញ ជាថ្នូរនឹងការមិនរំខានពីក្រុមសមត្ថកិច្ចជំនាញ ។
អាជីវករ និងពាណិជ្ជករជាច្រើនក៏រអ៊ូរទាំផងដែរចំពោះទង្វើក្រុម ប៉ូលិសជំនាញប្រមូលសេដ្ឋកិច្ចរបស់លោក សុខ រ័ត្ន តែគេខ្ជិលវែងឆ្ងាយ ឬតតាំងអីនោះទេ ព្រោះនៅស្រុកខ្មែរវាជាទម្លាប់ របស់មន្ត្រីប៉ូលិសសេដ្ឋកិច្ចយូ រឆ្នាំមកហើយ ទោះជាពួកអ្នក រកសុីដឹកទំនិញ និងម្ចាស់ឃ្លាំងស្តុកទំនិញបានបង់ពន្ធ ប៉ាតង់ គ្រប់បែបយ៉ាងជូនរដ្ឋក៏ដោយ ក៏គេចមិនផុតពីការកោសរូស ក្រៅច្បាប់ពីសំណាក់ក្រុមបូលិសសេដ្ឋកិច្ចដែរ ចឹងទេចេះតែ ទ្រាំៗស្ងៀមស្ងាត់ដើម្បីការរកសុីមានសេចក្តីសុខ ។
ជុំវិញករណីបែកធ្លាយរឿងអាស្រូវរបស់ក្រុមប៉ូលិសលោក សុខ រ័ត្ន ខាងលើនេះ ការិយាល័យនិពន្ធ គេហទំព័រយើងខ្ញុំ មិនអាចស្វែងរកការបំភ្លឺពីលោក សុខ រ័ត្ន បាននៅឡើយទេ ព្រោះពុំ មានលេខទូរស័ព្ទ ។
ឯលោក ឧត្តមសេនីយ៍ ពិត បញ្ញា ស្នងការរងទទួលផែនប្រផាំងបទល្មើសសេដ្ឋកិច្ច លោកបានបញ្ជាក់ប្រាប់តាមទូរស័ព្ទ យ៉ាងខ្លីថា លោកពិតជាទទួលបាន លិខិតបង្គាប់ការពីស្នងការដូចការរៀបរាប់ចឹងមែន តែលោក គឺចាំតែធ្វើរបាយការណ៍បូកសរុបលទ្ធផលការងារហើយរាយ ការណ៍ជូនស្នងការតែប៉ុណ្ណោះ ឯការងារសាច់អាំង សាច់ ស្ងោរគឺលោកមិនដឹងទេ ? ៕
