ខេត្តបន្ទាយមានជ័យ៖ នៅព្រឹកថ្ងៃព្រហស្បតិ៍ ១២កើត ខែបុស្ប ឆ្នាំច សំរិទ្ធស័ក ព.ស២៥៦២ ត្រូវនិងថ្ងៃទី១៧ ខែមករា ឆ្នាំ២០១៨មាន ពិធីប្រកាស ផ្ទេរភារកិច្ច និង តែងតាំងមុខតំណែង នាយប៉ុស្តិ៍នគរបាលច្រកទ្វារព្រំដែន អន្តរជាតិប៉ោយប៉ែត នាយកដ្ឋានច្រកទ្វារទី១ នៃអគ្គនាយកដ្ឋានអន្តោរប្រវេសន៍ ក្រោមអធិបតីភាព ឯកឧត្តម នាយឧត្តមសេនីយ៍ ឃុន សំបូរ អគ្គនាយករង នៃ អគ្គនាយកដ្ឋានអន្តោប្រវេសន៍ និង លោក ង៊ោ ម៉េងជ្រួន អភិបាលរងខេតបន្ទាយមានជ័យ។
យោងតាមសេចក្តីប្រកាស របស់ក្រសួងមហាផ្ទៃ លិខិតលេខ ៧៩៦២ ប្រក បានសម្រេចប្រកាសដក លោក ឧត្តមសេនីយ៍ទោ ស៊ឹម សំអាត អត្តលេខ១២២០៩ ពីនាយប៉ុស្តិ៍នគរបាលច្រកទ្វារ អន្តរជាតិប៉ោយប៉ែត ទៅអគ្គវិញដោយជាអនុប្រធាន នាយកដ្ឋានច្រកទ្វារទី១ នៃ អគ្គនាយកដ្ឋានអន្តោរប្រវេសន៍ដដែល។
តែងតាំងលោកវរសេនីយ៍ឯក ខឹម ចិត្រា អត្តលេខ២០៧៥៧ ពីនាយនគរបាល នៃ អគ្គស្នងការនគរបាលជាតិ ជានាយប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត នាយកដ្ឋានច្រកទ្វារទី១ នៃ អគ្គនាយកដ្ឋានអន្តោរប្រវេសន៍វិញ។
សូមបញ្ជាក់ថា៖ការដកលោកស៊ឹមសំអាតចេញគឺពេលដែលរាជរដ្ឋាភិបាលធ្វើការកែទម្រង់ច្រកទ្វារព្រុំដែននានាដើម្បីសម្រួលសេវាសេដ្ឋកិច្ចដោយទុកតែគយនិងនគរបាលអន្តោរប្រវេសន៍តែប៉ុណ្ណោះ។ចាំមើលថាតើលោកចិត្រាសុខចិត្តស៊ីតែប្រាក់ខែសុទ្ធមិនគោះកៀបកម្មករអូសរទេះនិងភ្ញៀវព្រមទាំងពលករខ្មែរចេញចូល?។
