សៀមរាប ៖ ចៅហ្វាយខេត្តកំពង់ចាមទៅសម្អាធគារសិក្សាថ្មី នៃសាលាបឋមសិក្សាតាព័រ ឃុំពង្រក្រោម ស្រុកជីក្រែង ខេត្តសៀមរាប ដែលមាតាចេញលុយសង់។
ពីធីសម្ពោធធ្វើឡើងនៅព្រឹកថ្ងៃពុធ ១១កើត ខែបុស្ស ឆ្នាំច ព.ស ២៥៦២ ត្រូវនឹងថ្ងៃទី១៦ ខែមករា ឆ្នាំ២០១៩ ស្ថិតនៅភូមិតាព័រ ឃុំពង្រក្រោម ស្រុកជីក្រែង ខេត្តសៀមរាប ដោយមានលោក ពិន ប្រាកដ អភិបាលរង នៃគណៈអភិបាល និងជាតំណាងដ៏ខ្ពង់ខ្ពស់ ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប ឯកឧត្តមសមាជិកក្រុមប្រឹក្សា លោកប្រធាន-អនុប្រធានមន្ទីរ កងកម្លាំងប្រដាប់អាវុធប្រភេទ ស ស យ ក ខេត្ត លោកប្រធានក្រុមប្រឹក្សាស្រុក សមាជិកក្រុមប្រឹក្សាស្រុក លោកអភិបាល នៃគណៈអភិបាលស្រុក អាជ្ញាធរមូលដ្ឋាន លោកគ្រូ អ្នកគ្រូ មាតាបិតាសិស្ស និងសិស្សានុសិស្ស នៃសាលាបឋមសិក្សាតាព័រ សរុបមានចំនួន ១២០០នាក់ចូលរួម។
អាគារសិក្សាថ្មីនេះមានចំនួន ១ខ្នង មាន ៣ បន្ទប់ ហើយការសាងសង់អាគារសិក្សាថ្មីនេះប្រើរយៈពេល ៤ខែ គឺចាប់ផ្ដើមពីខែមករា ឆ្នាំ២០១៨ និងបញ្ចប់នាខែមេសា ឆ្នាំ២០១៨ ចំណាយថវិកាអស់ ៣៤៨០០(បីម៉ឺន បួនពាន់ ប្រាំបីរយ) ដុល្លារអាមេរិច ជាជំនួយឧបត្ថម្ភពី ឧបាសិកា សុខ ឈាង មាតារបស់ ឯកឧត្ដម គួច ចំរើន ព្រមទាំងកូនចៅ ៕
