ខេត្តរតនគិរី ៖ គ្រោះថ្នាក់ចររាចរណ៍រវាងមន្ត្រី PM ម្នាក់បើករថយន្តបុកអ្នកកាសែតបណ្តាលអោយផ្លោងជាច្រើនត្រឡប់ទៅធ្លាក់ចូលក្នុងប្រឡាយចិញ្ចើមផ្លូវរងរបួសធ្ងន់ធ្ងរចំណែកម៉ូតូ រងការខូចខ្ទេចទាំងស្រុង។
ហេតុការណ៍គ្រោះថ្នាក់់ចរាចរដ៍រន្ធត់នេះកើតឡើង កាលពីយប់ថ្ងៃទី16ខែមករាឆ្នាំ2019វេលាម៉ោង 6.15នាទីតាមកំណាត់ផ្លូវជាតិលេខ78នៅត្រង់ចំណុចទល់មុខប៉ុស្ថិ៍នគរបាលសង្កាត់កាចាញស្ថិតក្នុងភូមិបួន សង្កាត់កាចាញ ក្រុងបានលុង ខេត្តរតនគិរី។
តាមប្រភពនៅកន្លែងកើតហេតុបានអោយដឹងថា: មុនពេលកើតហេតុគេឃើញរថយន្តម៉ាក. បាឡែនព័ណខ្មៅ ពាក់ស្លាកលេខ ភ្នំពេញ 2F 4498 បើកបរដោយបុរសម្នាក់ដែលគេស្គាល់ឈ្មោះ ផន រដ្ធាហៅក្រៅ (សេរី )អាយុ 38ឆ្នាំ ជនជាតិខ្មែរ ជាមន្ត្រីPM រងក្រុងបានលុង និងមានទីលំនៅ ភូមិ ទេសដ៍ អន្លុង សង្កាត់បឹងកន្សែងក្រុងបានលុង។
ប្រភពបន្តថា រថយន្តនេះឃើញធ្វើដំណើរចេញពីក្រុងបានលុងក្នុងទិសដៅពីកើតទៅលិចក្នុងល្បឿនលឿន ខណះមកដល់ចំណុចកើតហេតុខាងលើរថយន្តមួយគ្រឿងនេះទៅបុកម៉ូតូអ្នកកាសែតកំពុងធ្វើចរាចរណ៍បញ្ជ្រាស់ទិសពីលិចទៅកើតចំកណ្តាលម៉ូតូយ៉ាងពេញទំហឹងតែម្តង បណ្តាលអោយជនរងគ្រោះផ្លោងទាំងម៉ូតូទាំងមនុស្សទៅចិញ្ចើមផ្លូវ រងរបួសបាក់កំភ្លៅទាំងពីរ ជាពិសេសប្រអប់ជើងខាងឆ្វេងបានដាច់ចេញពីជើងធ្លាក់ទៅម្តុំក្នុងព្រៃ រីឯ ម៉ូតូបែកម៉ាសុិន ខូចខ្ទេចខ្ទីទាំងស្រុង។
ប្រភពដដែលបានបន្តថា: ភាគីម៉ូតូជនរងគ្រោះត្រូវបានគេស្គាល់ឈ្មោះ អ៊ុច សាវ័ន្ត ភេទប្រុស អាយុ21ឆ្នាំ ជនជាតិខ្មែរ មានទីលំនៅ ភូមិ1 តាស៊ុយ សង្កាត់កាចាញ ក្រុងបានលុង ខេត្តរតនគិរី មានមុខរបរ ភ្នាក់ងារអ្នកសារព័តិ៍មាន បំរើអោយអង្គភាព KH TV អនឡាញប្រចាំខេត្តរតនគិរី។និងជាកូនប្រុសបង្កើតតែមួយគត់របស់លោក អ៊ុច សាវុទ្ធ អ្នកកាសែតកម្ពុជាថ្មីប្រចាំខេត្តរតនគិរី។
ក្រោយពេលកើតហេតុ ជនរងគ្រោះត្រូវបាន លោក សួន សាវុធ នាយប៉ុស្ថិ៍នគរបាល សង្កាត់កាចាញ បានបញ្ជាកងកម្លាំងប៉ុស្ថិ៍ជួយអន្តរាគមន៍ទំនាក់ទំនងទៅក្រុមគ្រួសារជនរងគ្រោះផងនិងនគរបាលចរាចរផ្លូវគោកអោយចុះមកដឹកបញ្ជូនជនរងគ្រោះទៅមន្ទីរពេទ្យខេត្តដើម្បីជួយសង្គ្រោះបន្ទាន់ ផង។ ជាពិសេសជួយសម្រួលចរាចរព្រោះចំណុចកើតហេតុជាទីងងិតស្លុង ប្រើប្រាស់ភ្លើងពិលជាសញ្ញាចរាចរណ៍ការពារទោចក្រយាន្តយន្តគ្រប់ប្រភេទដែលកំពុងឆ្លងកាត់ឥតឈប់ឈរនោះ។
នៅយប់ថ្ងៃខែឆ្នាំដដែលនេះផងដែរជនរងគ្រោះត្រូវបានក្រុមគ្រូពេទ្យនិងក្រុមគ្រួសារបញ្ជូនបន្តទៅព្យាបាលនៅប្រទេសវៀតណាម។
ចំណែករថយន្តបង្ក និង ម៉ូតូ ជនរងគ្រោះ សមត្ថកិច្ចបាននាំមករក្សាទុកនៅការិយាល័យចរាចរផ្លូវគោករងចាំដោះស្រាយតាមផ្លូវច្បាប់។ លោក មឿង សារិទ្ធ នាយការិយាល័យចរាចរណ៍ផ្លូវគោកបានអោយអ្នកសារព័តិ៍មានតាមទូរស័ព្ទដោយប្រយោលនាល្ងាចថ្ងៃទី17ខែឆ្នាំដដែលនេះថា:ពាក់ព័ន្ធករណីគ្រោះថ្នាក់ចរាចរខាងលើនេះ លោកពុំទាន់សន្និដ្ធានថាខាងណាខុសឬត្រូវនោះទេរងចាំកោះហៅភាគីទាំងសង្ខាងមកជួបគ្នាសិនតែការវាស់វែងពីកម្លាំងជំនាញនៅចំណុចកើតហេតុគឺមានកំណត់ហេតុគ្រប់គ្រាន់រួចហើយ៕
ដោយ ៖ ចាប សំអាន
