ភ្នំពេញ ៖ លោករ៉ុង ឈុន និង ជាអតីតគ្រូបង្រៀនចំនួន ១០នាក់ នៃសមាគមគ្រូបង្រៀនកម្ពុជាឯករាជ្យ នៅព្រឹកថ្ងៃទី១៦ ខែមករា ឆ្នាំ២០១៩នេះ បាននាំគ្នាទៅដាក់ពាក្យបណ្ដឹង នៅសាលាដំបូងរាជធានីភ្នំពេញ ប្ដឹងលោកហង់ ជួន ណារ៉ុន ជារដ្ឋមន្ត្រីក្រសួងអប់រំយុវជននិងកីឡា។
លោករ៉ុង ឈុនដែលធ្លាប់ចូលធ្វើជាសមាជិកគជបកូតាគណបក្សសង្គ្រោះជាតិ បានសរសេរក្នុងហ្វេសប៊ុករបស់ខ្លួនថា នៅថ្ងៃទី១៦ខែមករាឆ្នាំ២០១៩នេះ ខ្ញុំ និងលោកគ្រូ អ្នកគ្រូ ដែលត្រូវបានក្រសួងអប់រំ លុបឈ្មោះចេញពីក្របខ័ណ្ឌ មកដាក់ពាក្យបណ្ដឹង នៅសាលាដំបូងរាជធានីភ្នំពេញ ។ អតីតគ្រូបង្រៀនដែលក្រសួងអប់រំ កាប់ឈ្មោះចេញពីក្របខ័ណ្ឌនោះរួមមាន ៖ ជុំ ចាន់ , លី ឌី , ខែម ស៊ីថា, យិន ឈូករ័ត្ន, រ៉ុង ឈុន, វង ទុន្នី, បុត មល្លា, ពៀត ម៉ាប់, ហុង សុជា, ច័ន្ទ សុភា និង គង់ ស៊ីវង្ស។
ក្នុងពេលដាក់ពាក្យបណ្តឹងនោះ លោករ៉ុង ឈុន ព្រមានធ្វើបាតុកម្មប្រឆាំង បើសិនជាមិនមានដំណោះស្រាយតាមផ្លូវច្បាប់។ លោករ៉ុង ឈុនអះអាង ថា “ខ្ញុំមានមន្ត្រី មានកម្មករ មានគ្រូបង្រៀនច្រើន ក៏គាត់សម្តែងការមិនសប្បាយចិត្តដែរ ហើយលោកនាយករដ្ឋមន្ត្រីក៏បានបាត់បង់ តាមរយៈ “អា” មន្ត្រីក្រោមឱវាទធ្វើការមិនគោរពទៅតាមនីតិវិធីហ្នឹង “។
