ភ្នំពេញ៖ លោកឧត្តមសេនីយ៍ឯក កុយ ប៊ុនថាអតីតរដ្ឋមន្ត្រីក្រសួងការពាជាតិ សម័យសាធារណរដ្ឋ ប្រជាមានិតកម្ពុជា បានទទួល មរណភាពហើយដោយរោគាពាធក្នុងជន្មាយុ៦៧ឆ្នាំកាលពីវេលាម៉ោង១១៖៣៥នាទីព្រឹក នៅថ្ងៃទី១៥ ខែមករា ឆ្នាំ២០១៩ នាមន្ទីរពេទ្យកាល់ម៉ែត។
សពរបស់ឧត្តមសេនីយ៍ឯក កុយ ប៊ុនថា ត្រូវបានតម្កល់នៅវត្តចំប៉ា ស្ថិតនៅក្នុងភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ដើម្បីធ្វើបុណ្យតាមប្រពៃណីព្រះពុទ្ធសាសនា។នេះបើ យោងតាមសេចក្តីជូនដំណឹងរបស់ក្រសួងការពារជាតិ។
បើតាមប្រភពដែលធ្លាប់ស្គាល់បានឲ្យដឹងថា៖លោកឧត្តមសេនីយ៍ឯកកុយប៊ុនថាហៅកុយបៀនដែលក្រោយឆ្នាំ១៩៧៩ជាមេបញ្ជាការយោធាខេត្តបាត់ដំបងបានឡើងជារដ្ឋរដ្ឋមន្ត្រីក្រសួងការពារជាតិនាដើមទសវត្សឆ្នាំ៨០ប្លាយបន្ទាប់ពីលោកចាន់ស៊ីបានឡើងជានាយករដ្ឋមន្ត្រីជំនួសលោកប៉ែនសុវណ្ណដែលត្រូវបានចាប់ខ្លួន។ធ្វើរដ្ឋមន្ត្រីការពារជាតិវេចបាយស៊ីតាមឡានពេលចុះមូលដ្ឋានបានប៉ុន្មានឆ្នាំលោកកុយប៊ុនថាដែលប្រភពថ្នាក់ដឹកនាំកំពូលថាធ្វើមេទព័មិនព្រមចរចារដឹងតែប្រកាន់ជំហរវ៉ៃត្រូវបានដកចេញ ឲ្យទៅធ្វើរដ្ឋមន្ត្រីក្រសួងសង្គមកិច្ចវិញ។
សម្តេចពិជ័យសេនាទៀបាញ់ត្រូវបានសម្តេចហ៊ុនសែនជានាយករដ្ឋមន្ត្រីបន្តពីលោកចាន់ស៊ីដកយកពីរដ្ឋមន្ត្រីក្រសួងសារធារណៈការនិងគមនាគមន៍ឲ្យមកធ្វើជារដ្ឋមន្ត្រីក្រសួងការពារជាតិជំនួសលោកកុយប៊ុនថាដើម្បីបើកយុទ្ធនាការវ៉ៃផងចរចារផងជាមួយពួករដ្ឋាភិបាលត្រីភាគីដឹកនាំដោយអតីតព្រះមហាក្សត្រព្របរមរតនៈកោដិនរោត្តមសីហនុរហូតមកដល់បច្ចុប្បន្នអាចថាលោកមានប្លង់រឹងទៅហើយជារដ្ឋមន្ត្រីការពារជាតិបើគណបក្សប្រជាជនកម្ពុជានៅតែឈ្នះឆ្នោត។
សម្រាប់លោកកុយប៊ុនថាក្រោយពីមានមានកិច្ចព្រមព្រៀងក្រុងប៉ារីសលោកក៏បាត់ឈ្មោះបោះសម្លេងឈឹងរហូតពេលស្លាប់តែម្តងដោយមានសក្តិត្រឹមផ្កាយបីប៉ុនណោះក្នុងពេលអ្នកខ្លះកូនចៅលោកឡើងផ្កាយ៤អស់ទៅហើយ។ សារពត៍មានមាតុភូមិសូមចូលរួមមរណ:ទុក្ខជាមួយគ្រួសារសពផង៕
