បន្ទាយមានជ័យ ៖ គេនៅចាំបានថាកាលពីថ្ងៃទី១៥ខែវិច្ឆិការឆ្នាំ២០១៨ក្នុងកិច្ចប្រជុំសមាជិកក្រុមប្រឹក្សាខេត្តបន្ទាយមានជ័យម្នាក់បានប្រតិកម្មនិងកម្លាំងនគរបាលអន្តោប្រវេសន៍របស់លោកឧត្តមសេនីយ៍ស៊ឹមសំអាតផ្នែកប៉ាស្ព័រវីសារចេញចូលបញ្ឈប់សកម្មភាពគោះលុយភ្ញៀវនិងប្រជាពលរដ្ឋចេញចូលចំនួន១ម៉ឺនរៀលឬ១០០បាតប្រកា់ថៃ។ប៉ុន្តែករណិយ៍គោះលុយនេះនៅមិនទាន់សាបរលាបនៅឡើយ។
តាមសេចក្តីរាយការណ៍និយាយថា៖នគបាលអន្តោប្រវេសន៍ច្រកទ្វារអន្តរជាតិប៉ោយប៉ែត ដែលក្រោមការដឹកនាំលោកឧត្តមសេនីយ៍ត្រី ស៊ឹម សំអាតបាននិងកំពុងបណ្តាក់កូនចៅជម្រឹតយកលុយពីកម្មករអូរទេះដោយខុសច្បាប់។ប្រភពពីកម្មករអូរទេះគ្រាន់តែរស់បានឲ្យដឹងថា៖ ទីតាំងដែលចាំគើលុយមានទី/១ចំណុចប៉ុស្តិ៍កណ្តាលជិតរង្វង់មូលដោយយកលុយពីកម្មករដឹកត្រី និងខោអាវជជុះចាប់ពី៥០០០រៀល(ប្រាំពាន់រៀល)ទៅ១០០០០រៀល(មួយម៉ឺនរៀល)ម្តង។ទីតាំងទី២/ប៉ុស្តិ៍កណ្តាលចំណុចជិតកន្លែងលក់សំបុត្រចុះពីស្ពានមិត្តភាកម្ពុជា-ថៃ ។ភាគច្រើនកូនចៅស៊ឹមសំអាតមិងយកដៃខ្លួនឯងផ្ទាល់ទេគឺ ប្រើឲ្យពលរដ្ឋម្នាក់ដែលស៊ីឈ្នួលជាអ្នកយកលុយមកឲ្យ ។
កម្មករអូសទំនិញបានបានប្រាប់ ឲ្យដឹងថា៖ពួកគេទារក្បាលរទេះដឹកទំនិញ១រទេះចាប់ពី៥០បាតទៅ៣០០បាត(លុយបាត)តាមតូច ធំ ហើយរទេះខ្លះមានបង់ខែជាប្រចាំផងដែរ។ ដល់ខែលោក ម៉ៅ ម៉យ ខលទារតែម្តង មិនក្រោមពី២០០០បាតនោះទេ។
ក្រៅពីរកលុយកាក់ពីកម្មករអូរទេះប្រភពពីអ្នកញៀនល្បែងកាស៊ីណូក៏បានឲ្យដឹងដែរថាកន្លងមកពួកគាត់បានចតរថយន្តនៅក្នុងបរិវេណកាស៊ីណូ ដើម្បីចូលទៅលេងរយៈពេលយូរបន្តិចត្រូវប៉ូលីសអន្តោប្រវេសន៍ទារលុយរហូតទៅដល់៥០០បាត(លុយបាត)ឯណោះ។សូមបញ្ជាក់ដែរថានគរបាលអន្តោប្រវេសន៍មានតួនាទីមើលការខុសត្រូវឬបំពេញបែបបទនានាជូនភ្ញៀវចេញចូលក្រៅឬក្នុងប្រទេសតែប៉ុណ្ណោះ ការប្រមូលលុយតាមអំពើពុករលួយខាងលើនេះ មានលក្ខណៈពុករលួយជាប្រព័ន្ធ។
ដោយឡែក សម្រាប់ពលរដ្ឋខ្មែរធ្វើកាតចូលផ្សាររោងក្លឿប្រទេសថៃវិញត្រូវបានលោកឧត្តមសេនីត្រី ស៊ឹម សំអាត កំណត់អោយថតរូបមួយសន្លឹងដ៏តូចប្រហែល៣គុណនឹង៤សោះបែរជាពួកគេយកតម្លៃរហូតទៅដល់៦០០០រៀល។ប្រសិនជាប្រជាពលរដ្ឋបានយករូបថតដែលខ្លួនមានស្រាប់បែជាគេយកលេសថារូបថតនោះមិនមានបញ្ជាក់ពីថ្ងៃខែ។នេះមិននិយាយពី អ្នកដែលធ្វើការនៅប្រើសម្តីដូចជះអាចម៍ទាំងកន្ថោនោះឡើយ ។
សូមគេចាំថាកាលពីដើមឆ្នាំ២០១៧លោកសួនបវរអភិបាលខេត្តបន្ទាយមានជ័យធ្លាប់បានចេញលិខិតមួយឲ្យនគរបាលអន្តោរប្រវេសន៍លោកស៊ឹមសំអាតបញ្ឍប់យកលុយបីប្រជាពលរដ្ឋចូលផ្សាររុងគឿ។សូមបញ្ជាក់ដែរថាកាលពីថ្ងៃទី១១មករាក្នុងពិធីជួបអ្នកកាសែតនៅកោះពេជ្រសម្តេចតេជោបានប្រកាសថាសម្តេចនិងលោកឧបនាយករដ្ឋមន្ត្រីអូនពន្ធ័មន្នីរត្ន័រដ្ឋមន្ត្រីក្រសួអសេដ្ឋកិច្ចនិងហិរញ្ញវត្ថុបានឯកភាពលុបចោលស្ថាបន្ថ័ផ្សេងទុកតែគយនិងនគរបាលអន្តោរប្រវេសន៍ប៉ុណ្ណោះនៅច្រកទ្វារព្រុំដែនមួយៗគឺដើម្បីសម្រួលសេវាសេដ្ឋកិច្ច។បើចឹងតើអ្នកណាត្រួតពិនិត្យនគរបាលអន្តោប្រវេសន៍?។
ក្រៅពីរឿងមួយនេះថ្មីៗនេះមានពតិមានថាមានលោកស័ក្តិ៤នគរបាលឆ្មាំទ្វារចេញចូលសាលាខេត្តបន្ទាយមានជ័យម្នាក់ឈ្មោះហ៊ឹមឡាត់រកស៊ីរត់ការធ្វើប័ណ្ណឆ្លងដែនបោកប្រាស់ពលករជាច្រើននាក់ដោយយកប្រាក់ម្នាក់ជាង២០០០បាតបាតតែមិនទទួលខុសត្រូវរយៈពេលជាង២ខែទីបំផុតឲ្យប្រាក់និងឯកសារវិញក្រោយពីក្រុមពលករប្រុងលើកគ្នាតវ៉ាជួបលោកអភិបាលខេត្ត។
គេមិនដឹងថាតើកន្លងមកមានពលករប៉ុន្មាននាក់ទៀតដែលរងគ្រោះដូចពលករខាងលើ។គួរបញ្ជាក់ថានៅខាងមុខសាលាខេត្តបន្ទាយមានជ័យជ្រុងផ្លូវបត់ចូលទៅសាលាដំបូងខេត្តមានក្រុមអ្នករត់ការធ្វើឯកសារប័ណ្ណឆ្លងដែនឲ្យពលករព្រោងព្រៀតដោយអ្នករត់ការខ្លះឲ្យទាំងលេខទូរស័ព្ទសម្រាប់ទាក់ទងទៀតផង។
ក្រុមអ្នករត់ការខ្លះអួតអាងថាគេអាចច្នៃឯកសារអ្នកនៅក្រៅខេត្តឲ្យធ្វើប័ណ្ណឆ្លងដែនដូចជាអ្នកខេត្តបន្ទាយមានជ័យបានហើយប្រើពេលយ៉ាងយូរតែ៥ថ្ងៃតម្លៃម្នាក់១៥ម៉ឺនរៀល។បើតាមដឹងក្នុងអនុក្រឹត្យលេខ៦៨ដែលចុះហត្ថលេខាដោយលោកនាយករដ្ឋមន្ត្រីហ៊ុនសែនឆ្នាំ២០០៣មាន៩មាត្រាបានចែងយ៉ាងច្បាស់ថាតម្លៃប័ណ្ណឆ្លងដែនម្នាក់២០ពាន់រៀល(ម្ភៃពាន់រៀល)តែប៉ុណ្ណោះ។
ករណិយ៍ធ្វើបណ្ណព្រុំដែននេះគេនៅចាំបានថាកាលពីរសៀលថ្ងៃទី៦ ខែកុម្ភៈឆ្នាំ២០១៨ នេះមានស្ត្រីវ័យចំណាស់ម្នាក់បានធ្វើដំណើរដោយជិះរថយន្តតាក់ស៊ីពីក្រុងប៉ោយប៉ែតទៅខេត្តបន្ទាយមានជ័យក្នុងគោលបំណងទៅយកបណ្ណព្រុះដែនតាមការណាត់របស់អាជ្ញាធរខេត្ត។លុះទៅដល់កន្លែង បែរជាអាជ្ញាធរខេត្តនិយាយថាមិនទាន់ធ្វើរួចទេ ធ្វើឱ្យស្ត្រីវ័យចំណាស់រូបនោះបានធ្វើការច្រឡោតខឹងយ៉ាងខ្លាំង។
អ្នកស្រីប្រាប់ថា:ខ្ញុំមានការសោកស្តាយខ្លាំងណាស់ដែលអាជ្ញាធរខេត្តបន្ទាយមានជ័យបានណាត់ឲ្យខ្ញុំមកយកបរឺផាត(បណ្ណព្រុំដែន)ដែលធ្វើកាលពីប៉ុន្មានថ្ងៃមុននោះរហូតមកដល់ពេលនេះខ្ញុំមកយកបែជាឆ្លើយថាមិនបានទៅវិញ។:ខ្ញុំបានធ្វើដំណើរពីក្រុងប៉ោយប៉ែតមកខេត្តបន្ទាយមានជ័យដោយជិះរថយន្តតាក់ស៊ីចំណាយថវិកាអស់ម្តង៥ម៉ឺនរៀលទាំងថ្លៃហូបចុកខាតពេលវេលារកទទួលទានផង ហើយថវិកាទាំងនោះខ្ញុំទៅរកចងការគេទម្រាំនឹងបានមកធ្វើបរឺផាតដើម្បីទៅរកទទួលទាននៅទឹកដីថៃ ។
ជុំវិញរឿងខាងលើនេះដែរត្រូវបានមជ្ឈដ្ឋានក៏ដូចជាប្រជាពលរដ្ឋដែលចេញចូលរកទទួលទាននៅទឹកដីថៃបានបង្ហើបឲ្យដឹងថា:ពួកគាត់មានការលំបាកខ្លាំងណាស់បន្ទាប់ពីប្ដូរការធ្វើបរឺផាត ពីក្រុងប៉ោយប៉ែតទៅធ្វើនៅខេត្តបន្ទាយមានជ័យនោះ។
