ខេត្តបាត់ដំបង៖កម្លាំងផ្នែកព្រហ្មទណ្ឌរបស់អធិការដ្ឋាននគរបាលក្រុង បាត់ដំបងសហការជា១ក្រុមបង្ការបង្ក្រាប ខេត្តនៅថ្ងៃចន្ទដើមសប្តាហ៍នេះ បានរៀបចំសំណុំរឿងបញ្ជូនជនសង្ស័យម្នាក់ដែលសកម្មកាច់សោម៉ូតូរបស់ ប្រជាពលរដ្ឋទៅកាន់តុលាកាបន្ទាប់ពីឃាត់ខ្លួនបានកាលពីថ្ងៃទី១៧ ខែកក្កដា ឆ្នាំ២០១៦កន្លងមកនេះ។
នៅក្នុងរបាយការណ៍របស់អធិការនគរបាលក្រុងបាត់ដំបងបានបញ្ជាក់ថា ជនសង្ស័យខាងលើជាមុខសញ្ញាចាស់ ធ្លាប់កាច់សោម៉ូតូចំនួន២លើករួចមកហើយបានសម្រេច ដោយលើកទី១បានធ្វើសកម្មភាពកាច់នៅក្នុងចំណុចផ្សារបូរីថ្មី ភូមិកម្មករ សង្កាត់ស្វាយប៉ោ និងលើកទី២ក្នុងចំណុចផ្សារបឹងឈូក ភូមិព្រែកមហាទេព សង្កាត់ស្វាយប៉ោ ក្រុងនិងខេត្តបាត់ដំបង។
ជនសង្ស័យមានឈ្មោះ អ៊ុក សុភក្ត្រា ហៅលក្ខ ភេទប្រុស អាយុប្រហែល២៦ឆ្នាំ មានទីលំនៅក្នុងភូមិនិងសង្កាត់ទួលតាឯក ក្រុងនិងខេត្តបាត់ដំបង។
ការឃាត់ខ្លួនជនសង្ស័យនេះសមត្ថកិច្ចរឹបអូសបានម៉ូតូ១គ្រឿងផងដែរដែល បានលួចពីឈ្មោះកែវ ស៊ីណា អាយុ២០ឆ្នាំរស់នៅសង្កាត់ស្វាយប៉ោ ក្រុងនិងខេត្តបាត់ដំបង។ជនសង្ស័យត្រូវបានក្រុមមិត្តភក្រ័អះអាងថា ធ្លាប់មានប្រវត្តិស៊ីដាច់ម៉ូតូ លុយ និងទូរសព្ទ័របស់មិត្តភក្រ័គេជាច្រើនលើក ច្រើនសារាប់មិនអស់ឡើយយ៕