ខេត្តរតនគិរី៖ នាព្រឹកថ្ងៃទី១៦ ខែ មករា ឆ្នាំ ២០១៩ នេះ លោក ឧត្តមសេនីយ៍ត្រី ជា ប៊ុន ធឿន ស្នងការស្តីទី នៃស្នងការដ្ធាននគរបាលខេត្តរតនគិរី បានអញ្ជើញជាកិត្តិយសដ៍ខ្ពង់ខ្ពស់ចូលរួមក្នុងពិធីប្រគល់តួរនាទី និង ភារកិច្ចជូន លោក វរះសេនីយ៍ទោ បួន សេង សុពិសិដ្ធ នាយរងបុគ្គលឹកនៃស្នងការដ្ធាននគរបាលខេត្តត្បូងឃ្មុំ ដែលបានចូលកាន់ដំណែងជាមេបញ្ជាការវរះសេនាតូចនគរបាលការពារព្រំដែនគោកលេខ៦២៣ ជំនួស លោក វរះ សេនីយ៍ឯក ងួន សុវណ្ណា (ហៅអូនធំ) មេបញ្ជាការការពារព្រំដែនគោកលេខ៦២៣ ត្រូវបានចូលនិវត្តន៍។
ថ្លែងក្នុងឱកាសនោះ លោក ឧត្តមសេនីយ៍ត្រី ជា ប៊ុន ធឿន ក្នុងនាមស្នងការស្តីទីស្នើសុំលោកមេបញ្ជាការថ្មីជំនួសលោក ងួន សុវណ្ណាដែលចូលនិវត្តន៍ អោយខិតខំយកចិត្តទុកដាក់បំរើការងារ ដឹកនាំអង្គភាព ទទួលខុសត្រូវ រក្សាការពារបូរណភាពទឹកដី ទីមួយ
ទីពីរ សហការជាមួយគ្រប់សមត្ថកិច្ចដើម្បីទប់ស្កាត់រាល់បទល្មើសផ្សេងៗដែលកើតឡើងនៅតាមបន្ទាត់ព្រំដែន។
ទីបី សាមគ្គីភាពឯកភាពផ្ទៃក្នុងជាសារះសំខាន់បំផុត ។ ដូចមានគំរូស្រាប់ លោក ងួន សុវណ្ណា ជាមេបញ្ជាការវរះការពារព្រំដែនគោកលេខ ៦២៣ នេះជិតម្ភៃឆ្នាំមកហើយ ដោយសារលោក មានស្នាដៃ គឺការសាមគ្គីភាពឯកភាពបានល្អណាស់ ដូច្នេះកងកម្លាំងទាំងអស់ត្រូវអនុវត្តន៍អោយបានហ្មឺងមាត់ស្តាប់បង្គាប់ បទបញ្ជាតាមថានានុក្រម មិនត្រូវប្រកាន់ឬបែងចែកថា មេចាស់ ឬ មេថ្មីនោះឡើយ ។
ចុងក្រោយ លោក ឧត្តមសេនីយ៍ត្រីក៍បានបញ្ជាក់ ទៅដល់កងកម្លាំងនគរបាលតាមបណ្តាប៉ុស្ថិ៍ទាំងអស់ដែលមានការពាក់ព័ន្ធនៅជាប់ព្រំដែន អោយស្គាល់មេបញ្ជាការ ថ្មី និងមេបញ្ជាការរង លោក អុិត សំអ៊ុលវរះការពារព្រំដែនគោកលេខ៦២៣ នេះតទៅ.។ បញ្ចប់កម្មពិធី ក៍មានការហូបបាយសាមគ្គីគ្រោមបរិយាកាសយ៉ាងសប្បាយរិករាយ៕
ដោយ ៖ ចាប សំអាន
