បន្ទាយមានជ័យ ៖ បុរសជាពលករខ្មែរម្នាក់ត្រូវបានកម្លាំងជំនាញការិយាល័យបទល្មើសជួញដូរមនុស្ស ដឹកនាំដោយលោកវរសេនីយ៍ទោ ព្រហ្ម ថេង ប្រធានមន្ទីរយុត្តិធម៌ចាប់ឃាត់ខ្លួនកាលពីថ្ងៃទី១៤ ខែមករា ឆ្នាំ២០១៩ វេលាម៉ោង ១១ និង ៥០នាទីពីបទនាំស្រីស្អាត់ទៅថ្វើការនៅថៃហើយរចាប់រំលោភ។
ករណិយ៍រំលោភនេះកើតឡើងកាលពីអំឡុងខែធ្នូ ឆ្នាំ២០១៨ នៅចំណុចទឹកដីប្រទេសថៃ ។លោកវរសេនីយ៍ទោ ព្រហ្ម ថេង បានអោយដឹងថា ៖ យោងពាក្យបណ្តឹងរបស់ឈ្មោះ ថ.ជ (ត្រូវជាម្តាយរបស់ជនរងគ្រោះ) ភេទ ស្រី អាយុ ៥៣ឆ្នាំ បច្ចុប្បន្នរស់នៅភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ និងយោងតាមដីកាបញ្ជាឲ្យចូលខ្លួនលេខ ០៥អ.យ.ខ របស់លោក តេង សាម៉ៃ ព្រះរាជអាជ្ញារងអមសាលាដំបូងខេត្ត លោកបានដឹកនាំកម្លាំងការិយាល័យប្រឆាំងបទល្មើសជួញដូរមនុស្ស ចុះប្រតិបត្តិការបង្ក្រាបករណីខាងលើ រហូតឃាត់ខ្លួនជនសង្ស័យ បានចំនួន ០១នាក់ ឈ្មោះ អែល អ៊ឹម ភេទ ប្រុស អាយុ ៥៦ឆ្នាំ ជនជាតិខ្មែរ បច្ចុប្បន្នរស់នៅភូមិ/ឃុំកើតហេតុខាងលើ ។
ជនរងគ្រោះ ឈ្មោះ ថ.ស.ជ ភេទ ស្រី អាយុ ១៨ឆ្នាំ បានបញ្ជាក់ឲ្យដឹងថា ៖ ម្តាយរបស់ខ្លួនជាអ្នកធ្វើការនៅថៃ បម្រើការងារនៅតាមផ្ទះ(ផ្ទះរបស់ជនសង្ស័យ) ដោយមើលឃើញថាការងារអាចរកថវិកាបានសមល្មម ម្តាយខ្លួនបានសុំជនសង្ស័យខាងលើ យកខ្លួនទៅធ្វើការងារជាមួយដែរ(គោលបំណងកន្លែងផ្សេង) ។លុះចូលដល់ទឹកដីថៃ ខ្លួនក៏ត្រូវជនសង្ស័យអោយស្នាក់នៅកន្លែងមួយដែលជនសង្ស័យជាអ្នករៀបចំជាមួយនិងប្រពន្ធរបស់ជនសង្ស័យ ។
ពេលដែលប្រពន្ធជនសង្ស័យបានចូលបន្ទប់ទឹក ស្រាប់តែជនសង្ស័យបានមករកខ្លួនពេលកំពុងដេកលក់ ពេលដឹងខ្លួនបានដឹងថាជនសង្ស័យដេកពបពីលើខ្លួនហើយខ្លួនបានរើបម្រះរួច រត់ទៅឲ្យប្រពន្ធជនសង្ស័យជួយ បានរួចខ្លួន។លុះដល់យប់បន្ទាប់ពេលខ្លួនកំពុងដេកលក់ ជនសង្ស័យបានចាប់រំលោភខ្លួនរហូតបានសម្រេច ០១លើក ដោយបានគម្រាមថា៖បើប្រាប់អ្នកទីបីឲ្យដឹងជនសង្ស័យនឹងធ្វើបាបមិនឲ្យរួចខ្លួនឡើយ ។ជនសង្ស័យបានរំលោភជនរងគ្រោះជាបន្តបន្ទាប់រហូតសម្រេចបាន ០៤លើក។ ដោយការភ័យខ្លាច ខ្លួនក៏យកឥវ៉ាន់រត់ចេញពីកន្លែងរបស់ជនសង្ស័យទៅរស់នៅកន្លែងផ្សេង ។
សមត្តកិច្ចឲ្យដឹងថា៖ជនសង្ស័យបានសារភាពថា ៖ ខ្លួនពិតជាបាននាំជនរងគ្រោះទៅធ្វើការនៅប្រទេសថៃ និងបានស្នាក់នៅជាមួយគ្នាចំនួន ០៤ថ្ងៃ ដោយឃើញជនរងគ្រោះនៅក្មេង និងស្រស់ស្អាតខ្លួនទ្រាំមិនបានក៏ចាប់ង្ខំរំលោភនាង ដោយគិតថានៅប្រទេសថៃមិនអាចមានបញ្ហាអ្វីនោះ៕
