ខេត្តរតនគិរី៖ នាព្រឹកថ្ងៃអង្គារ៍១០កើតខែបុស្សឆ្នាំចសំរឹទ្ធិស័កពុទ្ធសករាជ២៥៦២ត្រូវនិងថ្ងៃទី១៥ខែមករាឆ្នាំ២០១៩នៅស្នងការដ្ឋាននគរបាលខេត្តរតនគិរីមានរៀបចំប្រកាស តែងតាំងផ្ទេរភារកិច្ចតែងតាំងនិងតម្លើងឋានន្តរស័ក្តិមន្ត្រីនគរបាលជាតិនៃស្នងការដ្ឋាននគរបាលខេត្តរតនគិរី។
ពិធីនេះប្រព្រឹត្តទៅក្រោមអធិបតីភាព ឯកឧត្តមនាយឧត្តមសេនីយ៍ប៉ែន វិបុល អគ្គស្នងការរងនគរបាលជាតិ និងជាប្រធាននាយកដ្ឋានបុគ្គលិក តំណាងដ៍ខ្ពង់ខ្ពស់ ឯកឧត្តមនាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម លន់ សុភាពអភិបាលរងខេត្តនិងមានការចូលរួម ពីស្ថាប័នសាលាដំបូងខេត្តប្រធានអនុប្រធានមន្ទីរអង្គភាពជុំវិញខេត្តនិងកងកម្លាំងប្រដាប់អាវុធ ជាច្រើនរាប់រយនាក់ទៀតផង។
តាមប្រកាសរបស់ក្រសួងមហាផ្ទៃស្តីពីការផ្ទេរភារកិច្ចតែងតាំងមុខតំណែងនិងតម្លើងឋានន្តរស័ក្តិមន្ត្រីនគរបាលជាតិសម្រេចផ្ទេរភារកិច្ចការិយាល័ជំនាញនៃស្នងការដ្ឋាននគរបាលខេត្តរតនគិរីចំនួន១៤រូប។ផ្ទេរភាកិច្ចនិងតម្លើងឋានន្តរស័ក្តិអធិការដ្ឋាននគរបាលស្រុកចំនួន៥រូប។
ឯកឧត្តមលន់ សុភាពអភិបាលរងខេត្តរតនគិរីបានមានប្រសាសន៍ សម្តែងនូវការអបអរសាទរ ដែល នាយឧត្តសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ស្នើ តែងតាំង និងផ្ទេរភារកិច្ច ដល់មន្ត្រីនគរបាលជំនាញនៃស្នងការដ្ឋាននគរបាលខេត្តរតនគិរីចាស់ និងថ្មី ។
ហើយការតែងតាំង និងផ្ទេរភារកិច្ចនាពេលនេះ គឺជាកិច្ចការផ្លាស់ប្តូររដ្ឋបាលធម្មតា តាមកំណែទម្រង់ របស់រាជរដ្ខាភិបាលកម្ពុជា។
ការផ្លាស់ប្តូរមុខតំណែងលោកវរសេនីយ៍ទោបួនសេងសុពិសិដ្ឋនាយរងបុគ្គលិកនៃស្នងការដ្ឋាននគរបាលខេត្តត្បូងឃ្មុំជាមេបញ្ជាការវរសេនាតូចនគរបាលការពារព្រំដែនគោកលេខ623ជំនួសលោកវរសេនីយឯកងួនសុវណ្ណា(ហៅអូនធំ)មេបញ្ជាការពារព្រំដែនគោកលេខ623 ត្រូវបានចូលនិវត្តន៍។
ថ្លែងក្នុងឱកាសនោះ ឯកឧត្តមនាយឧត្តមសេនីយ៍ ប៉ែន វិបុល អគ្គស្នងការរងនគរបាលជាតិ បានស្នើដល់ ស្នងការរងនគរបាលខេត្តរតនគិរីទើបប្រកាសផ្ទេរភារកិច្ចនិងតម្លើងឋានន្តរស័ក្តិថ្មីត្រូវសិក្សា និងយកគំរូតាមអ្នកចាស់ ហើយត្រូវស្វែងយល់ពីភូមិសាស្ត្រ និងថ្នាក់ក្រោម តើកងកម្លាំងចង់បានអ្វី?។
ចំពោះថ្នាក់ក្រោមវិញ ក៏ត្រូវស្វែងយល់ និង គោរព ថ្នាក់លើរបស់ខ្លួនវិញដែរ។ ទាំងអស់នេះហើយ សម្រាប់សម្រួលដល់ការងារ ឲ្យបានជោគជ័យ និងដំណើរការងារដោយរលូន។
លោកក៏បានផ្ដាំផ្ញើបន្ថែម ដល់លោកស្នងការរងទទួលផែនទាំងអស់ចាប់ពីថ្ងៃនេះតទៅ ត្រូវតែបន្ដរក្សាសាមគ្គីភាពផ្ទៃក្នុង ពង្រឹង និងបង្កើតសមត្ថភាពរបស់មន្ដ្រីទាំងអស់ មិនត្រូវប្រកាន់បក្ខពួក ឬក្រុមណាឡើយ គឺត្រូវធ្វើការងាររួមគ្នាជូនប្រជាពលរដ្ឋ ឲ្យស្របតាមអ្វី ដែលថ្នាក់ដឹកនាំប្រគល់ជូន៕
ដោយ៖ចាបសំអាន