ខេត្តស្ទឹងត្រែង: សត្វផ្សោតជាច្រើនក្បាលកាលពីរប៉ុន្មានឆាំមុន ហើយមានការកត់សម្គាល់ថា៖បច្ចុបន្បន្ននេះភ្ញៀវទេសចរណ៍មានការថយចុះនៅ តំបន់អេកូទេសចរណ៍អន្លុងផ្សោតឋិតនៅចំណុចអន្លុងឈើទាល ភូមិក្រឡាពាស ឃុំព្រះរំគិល ស្រុកថាឡាបរិវ៉ាត់ខេត្តស្ទឹងត្រែងដោយសារវត្តមានកាន់តែតិចរបស់ត្រៅផ្សោតនៅតំបនោះ ។
សត្វផ្សោតក្នុងអន្លុងអូរឈើទាលនៅសល់តែចំនួនបីក្បាលប៉ុណ្ណោះ ។ ក្រៅពីនេះបានងាប់ និងបាត់ខ្លួនមិនដឹងជាទៅណានោះទេ។ បើតាម លោក ផយ វណ្ណា អនុប្រធានអេកូទេសចរណ៍ព្រះរំកិលបានអោយដឹង។លោក ផយ វណ្ណាវាយតម្លៃថាមូលហេតុគឺអាចដោយសារមានសំលេងរំខានក្នុងការសាងសង់ទំនប់វារីអគ្គីសនីដនសាហ៊ុងមក រួមនឹងពន្លឺរំខានផងនោះ ធ្វើឲ្យសត្វផ្សោតមានការបំលាស់ទី ទៅរកទីសុវត្ថិភាព ព្រោះវាត្រូវការស្ងប់ស្ងាត់ និង អន្លុងជ្រៅ ។
សូមបញ្ជាក់ថា នៅតំបន់អេកូទេសចរណ៍ ឋិតក្នុងឃុំព្រះរំកិលស្រុកថាឡាបរីវ៉ាត់មានអន្លុងសត្វផ្សោតរស់នៅមួយកន្លែង មានឈ្មោះអន្លុងអូរឈើទាល ។ ពីមុនអន្លុងអូរឈើទាលមានសត្វផ្សោតរស់នៅជាងដប់ក្បាល តែឥឡូវនៅតែចំនួន បីក្បាលប៉ុណ្ណោះ ។ ក្រៅពីនោះបានងាប់ និងបាត់ខ្លួន វាត្រូវបំលាស់ទីព្រោះតែវាមិនចូលចិត្តសំឡេងរំខាន និងចាំងពន្លឺភ្លើង នោះទេ ។ ហើយក៏ដូចជាការបំផ្ទុះគ្រាប់រំសេវ ធ្វើទំបន់វារីដនសាហុង (នៅប្រទេសឡាវ) ផងដែរ ។
លោក ទុំ នីរ៉ូ នាយខណ្ឌរដ្ឋបាលជលផលខេត្តស្ទឹងត្រែង បានអោយដឹងថា សត្វផ្សោតនៅខេត្តស្ទឹងត្រែង មានចំនួនប្រមាណជាង ៣០ក្បាល រស់នៅក្នុងអន្លុងចំនួន ៤ កន្លែង គឺអន្លុងចំនួន ៣ ស្ថិតក្នុងស្រុកសៀមបូក និងមួយទៀត គឺអន្លុងអូរឈើទាល ឋិតក្នុងឃុំព្រះរំគិល ស្រុកថាឡាបរិវ៉ាត់ ។ លោកថា ប្រសិនបើនៅក្នុងអន្លុងអូរឈើទាល សត្វផ្សោត វាកាន់តែជិតបាត់បង់អស់ទៅហើយនោះភ្ញៀវទេសចរណ៍ ក៏ថយចុះទៅតាមនឹងដែរ ។
លោក នាយខណ្ឌរដ្ឋបាលជលផលខេត្តស្ទឹងត្រែងបានអំនាវនាវ សូមបងប្អូនប្រជាពលរដ្ឋនៅតំបន់នោះ មេត្តាជួយថែរក្សាគ្នាកុំប្រើឧប្បករណ៍ខុសច្បាប់ នៅជិតតំបន់ហាមឃាត់ នៅក្នុងតំបន់ ដែលសត្វផ្សោតវាកំពុងរស់នៅដើម្បី ឲ្យសត្វផ្សោតគង់វង្ស ដើម្បីទាក់ទាញភ្ញៀវទេសចរណ៍ជាតិ និងអន្តរជាតិចូលទស្សនាឲ្យបានកាន់តែច្រើនឡើងវិញ ដើម្បីជួយរកប្រាក់ចំណូលដល់បងប្អូនយើងរស់នៅទីនោះ ដើម្បីកាត់បន្ថយភាពក្រីក្ររបស់បងប្អូន ៕
