កំពង់ឆ្នាំង ៖ ដីបឹងធម្មជាតិដែលជាសម្បតិសាធារណៈរបស់រដ្ឋនៅចំណុចខាងកើតអនុវិទ្យាល័យជា ស៊ីមជាច្រើនហិកតា ស្ថិតក្នុងភូមិផ្សារថ្នល់ទទឹង ឃុំតាជេស ស្រុកកំពង់ត្រឡាចខេត្តកំពង់ឆ្នាំង ត្រូវបានក្រុមឈ្មួញដែលមានម្ចាស់ជាឧញ្ញ៉ានៅភ្នំពេញចាក់ដីលប់និងពុះឡូត៍លក់យ៉ាងរំភើយ ។
បើតាមមេការមើលខុសត្រូវក្នុងការដ្ឋានបានប្រាប់អ្នកសារព័ត៌មានតាមទូរស័ព្ទថា៖គាត់ត្រូវជាប្អូនរបស់ម្ចាស់ដីមានងារជាឧញ្ញានៅភ្នំពេញហើយគាត់ក៏ជាមន្ត្រីកងរាជអាវធហត្ថម្នាក់នៅភ្នំពេញដែរដែលរហស្ស៍នាមរបស់គាត់ឈ្មោះជែម ស្ប៊ន។រឿងដីនេះគាត់កំពុងទៅរត់ការច្បាប់ពីថ្នាក់លើពីព្រះឥន្ទមិនដឹងទេ?។
ប៉ុន្តែបើតាមប្រជាពលរដ្ឋបានអោយដឹងថា៖កាលពីពេលទៅវាស់ដីនៅចំណុចខាងលើគេសង្កេតឃើញមានវត្តមានលោកអៀង វុធអភិបាលរងខេត្ត លោកលី សុភាប្រធានមន្ទីរសុរិយោដីខេត្ត លោកដោក ប៊ុនថុនប្រធានមន្ទីរធនធានទឹកខេត្ត និងលោកឈឹម វុទ្ធាអភិបាលស្រុកកំពង់ត្រឡាចចូលរួមផងដែរ។សូមបញ្ជាកដែរថាលោកឈឹម វុទ្ធាអភិបាលស្រុកកំពង់ត្រឡាចគឺជាមេអាជ្ញាធរមូដ្ឋានថ្នាក់ក្រោមជាតិដែលសម្បូរណ៍រឿងអាស្រូវស៊ដាច់ដូចជាថ្មីៗនេះលេចធ្លាយរឿងរឿងបន្លំកាត់ដីក្រោយសាលាស្រុកលើសលិខិតអនុញ្ញាតរបស់សម្ដេចក្រឡាហោមឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃអនុញ្ញាតិ៣ហិកតាកាត់វាតទីដល់៥ហិកតា(ស៊ីដាច់២ហិកតាពុះឡូត៍លក់យកកលុយចែកអ្នកធំធើព្រងើយ៊)។រឿង(កន្ទេលធំបន្លំដេក)នៅទំនប់កុមារ។ អាឡុវលេចរឿងឃុបឃឹតគ្នាលុបបឹងសាធារណៈលក់ទៀត?។
តើការលក់ដីបឹងធម្មជាតិដែលជាកន្លែងស្តុបទឹកនិងជាបឹងសម្រាប់ប្រជាពលរដ្ឋអាស្រ័យផលដាំដំណាំកសិកម្មផ្សេងៗនិងសម្រាប់សត្វពាហនៈផឹកទឹកជារៀងរាល់ឆ្នាំនេះ ពិតជាមានការឃុបឃិតគ្នារជាប្រព័ន្ធជាមួយមន្ត្រីជំនាញថ្នាក់ក្រោមរហូតដល់ថ្នាក់លេីខេត្តពិតមែន ដែឬទេ?។ព្រោះគេមិនឃើញមាន មានលោកម្ចាស់ដីយកច្បាប់នោះមកបិតផ្សាយជាសាធារណៈជូនមហាជនអោយដឹង និងមិនឃើញមានសមត្ថកិច្ចជំនាញចុះមកសួរនាំនឹងចេញមុខនិងមិនហ៊ានមកបង្ក្រាបចាប់គ្រឿងចក្ររបស់ក្រុមឈ្មួញនោះឡើយ។
ករណីនេះបានពលរដ្ឋបានរិៈគន់និងដាក់ការសង្ស័យថា៖ការចាក់ដីនេះគឺមានការបើកភ្លើងខៀវពីអាជ្ញាធរនិងមន្ត្រីជំនាញច្បាស់ណាស់។
ប្រជាពលរដ្ឋនិយាយថា៖បើចំពោះប្រជាពលរដ្ឋចាក់ដីឬសងលំនៅដ្ឋានវិញត្រូវបានកងកំលាំងចម្រុះចុះហាមឃាត់ភ្លាមៗមិនអោយចាក់ឬសង់លំនៅដ្ឋាននោះបានឡើយ ទាល់តែធ្វើច្បាប់ឬក៍សែនសំណែនជាលុយដល់អាជ្ញាធរនិងលោកមន្ត្រីជំនាញទើបបានរួចខ្លួន !។ នេះហើយគេហៅថាមន្ត្រីបំរើរាស្ដ្រគ្មានឆន្ទៈក្នុងខេត្តកំពង់ឆ្នាំង។
ករណីបទល្មើសខាងលើនេះមានតែឯកឧត្តមជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្មសំណង់និងសូរិយោដីនិងពិសេសសម្ដេចក្រឡាហោមស ខេងទេអាចដឹងថាមន្ត្រីថ្នាក់ក្រោមឃុបឃឹតគ្នាស៊ីដាច់ដីសាធារណៈហើយ មានអំណាចប្រើកណ្ដាប់ដៃដែកបង្ក្រាបក្រុមឈ្មួញចាក់ដីល្មើសសច្បាប់និងមន្ត្រីជើងដប់ដែលបានឃុបឃិតគ្នាបើកភ្លើងខៀវអោយក្រុមឈ្មួញរៀបចំដីពុះឡូដីលក់គ្មានច្បាប់ ក្នុងខេត្តកំពង់ឆ្នាំងមានប្រសិទ្ធភាព៕
