ខេត្តត្បូងឃ្មុំ៖ គ្រាប់១០៥មីលីម៉ែត្រ១គ្រាប់ដែលសល់ពីសម័យសង្គ្រាម បានផ្ទុះលាន់កក្រើកមេឃកាលពីវេលាម៉ោង៨,៣០នាទី ព្រឹកថ្ងៃទី១៤ ខែមករា ឆ្នាំ២០១៩ នៅចំណុចទន្លេមេកុង ស្ថិតក្នុងភូមិ ព្រៃតូច ឃុំជារ៉ូ១ ស្រុកត្បូងឃ្មុំ បណ្ថាលឲ្យមនុស្សម្នាក់ស្លាប់ នឹង៩នាក់ទៀតរងរបួសធ្ងន់។
សមត្ថកិច្ចឲ្យដឹងថាបុរសឈ្មោះម៉ាត់ សុះ អាយុ៦០ឆ្នាំបានស្លសំណ ហើយយកចាក់ចូលក្នុង ក្បាលគ្រាប់១០៥មីលីម៉ែត្រដែលកប់ដី។ ពេលកំពង់ចាក់ចូលបានបន្តិច ក៏ផ្ទុះឡើងលាន់កក្រើក បណ្ដាលឲ្យ អំបែងគ្រាប់ ខ្ទាតទៅធ្វើឲ្យរបួសប្រជាពលរដ្ឋខ្មែរឥស្លាម រហូតដល់ទៅ៩នាក់ផ្សេងទៀត ។
សមត្ថកិច្ចបន្តថា អំបែងគ្រាប់នេះ បានហោះទៅទម្លុះជញ្ជាំងផ្ទះស្លឹក ត្រូវបុរសម្នាក់ឈ្មោះ វ៉ាន់ គា អាយុ២៦ឆ្នាំ ស្លាប់ភ្លាមៗតែម្ដងផងដែរ។ក្រោយកើតហេតុ សាច់ញាតិជនរងគ្រោះ បានបញ្ជូនជនរងគ្រោះ ទៅមន្ទីរពេទ្យខេត្តកំពង់ចាម ហើយសមត្ថកិច្ច កំពង់តែត្រួតពិនិត្យ អំបែងគ្រាប់ខាងលើផងដែរ៕
