ខេត្តព្រៃវែង ៖ នៅថ្ងៃទី១៦ កក្កដា ២០១៦ កម្លាំងសមត្ថកិច្ចនគរបាលស្រុកពាមរក៏ សហការណ៍ជាមួយកម្លាំងនគរបាលប៉ុស្តិរដ្ឋឃុំ ព្រែកខ្សាយ«ខ» ចុះបង្គ្រាបបទល្មើសចែកចាយនិងប្រើប្រាស់គ្រឿងញៀន ១ ករណីនៅចំណុច ភូមិ០៦ ក្នុងឃុំព្រែកខ្សាយ «ខ» ។
សមត្ថកិច្ចបានធ្វើការបង្ក្រាប និង ឃាត់ ខ្លួនជនសង្ស័យបានចំនួន ០៣ នាក់ ១-ឈ្មោះ ចិន ហឿង ភេទប្រុស អាយុ៣២ឆ្នាំ មានទីលំនៅភូមិធំ ឃុំអង្គរាជ្យ ស្រុកព្រះស្តេច ខេត្តព្រៃវែង បច្ចុប្បន្ន ធើជាកម្មកលីឈើនៅភូមិឧត្តមឃុំព្រែកខ្សាយ «ក» ស្រុកពាមរក៏ ២-ឈ្មោះ ង៉ូវ គីមលាង ភេទស្រី អាយុ៦៧ឆ្នាំ រស់នៅភូមិ៦ ឃុំព្រែកខ្សាយ«ខ» ៣-ឈ្មោះ ហ៊ាង ហុក ហៅតាំ ភេទប្រុសអាយុ៣០ឆ្នាំ រស់នៅភូមិ៦ឃុំព្រែកខ្សាយ«ខ» ស្រុកពាមរក៏ ដោយរឹបអូសវត្ថុតាងរួមមាន ម្ស៉ៅក្រាមពណ៌សចំនួន៦ កញ្ចប់ធំ ៣ កញ្ចប់ តូច ៣ កញ្ចប់ ។
បច្ចុប្បន្ន ជនសង្ស័យ និងវត្ថុតាងត្រូវឃាត់ខ្លួន នៅអធិការដ្ឋាននគរបាល ស្រុកពាមរក៏ ដើម្បីកសាងសុំណុំរឿងបញ្ជូនទៅធ្វើការដោះស្រាយតាមនិតិវិធី។
ដោយមានការយកចិត្តទុកដាក់ពីសំណាក់ពីលោកអធិការស្រុក និងកម្លាំងនគរបាលប៉ុស្តិរដ្ឋបាលឃុំព្រែកខ្សាយ ដើម្បីបំបាត់រាល់សកម្មភាពជួញដូរ និងប្រើប្រាស់គ្រឿងញៀនក្នុងស្រុកនិងការពារ សុខសុវត្តិភាពជូនប្រជាពលរដ្ឋផងដែរ ៕
