ខេត្តមណ្ឌលគិរី៖ឈ្មួញឈើចាស់វស្សាម្នាក់ មានតួនាទីជាអធិការរង នគរបាលស្រុកអូររាំង ឈ្មោះខៃវណ្ណៈត្រូវបានសមត្ថកិច្ចនគរបាលខេត្តមណ្ឌលគិរីចាប់វាយខ្នោះក្នុងបទល្មើសដឹកជញ្ជូនឈើជាក់ស្តែង កាលពីព្រលប់ថ្ងៃទី០៨ ខែមករា ឆ្នាំ២០១៩ នៅចំណុច វាលអាមេរិកកាំង ស្រុកអូររាំង បញ្ជូនខ្លួនមកអធិការដ្ឋាន នគរបាលស្រុកអូររាំងទាំងយប់ ជាមួយវត្ថុតាងឡាន និង ឈើ ។
តែព្រឹកឡើង ជនសង្ស័យនៃបទល្មើសព្រៃឈើជាំអធិការរងនគរបាលស្រុកអូរាំងទទួលផែនព្រហ្មទណ្ឌ ឈ្មោះ ខៃ វណ្ណះ បានរបូតខ្នោះពីដៃបាត់ខ្លួនមនុស្សនៅតែពាក្យ ពាក្យអាចាមរ៉ាម ថា បានទុកលុយចំនួន ៣៥០០០ដុល្លារធានាខ្លួនដែរ ។
ករណិយ៍នេះប្រជាជន សមត្ថកិច្ច អាជ្ញាធរមូលដ្ឋាន ឲ្យដឹងថាម្សៀខៃវណ្ណៈនេះ គឺជាមេឈ្មួញរកស៊ីដឹកជញ្ជូនឈើជាយូរឆ្នាំមកហើយដោយគាត់បានបង់លុយអោយសមត្ថកិច្ច ជំនាញ អាជ្ញាធរផង លោតឆ័ត្រផង យកតួនាទីជាអធិការរងផងទើប បានសុខរហូត ដល់ព្រលប់ថ្ងៃទី០៨ ខែមករា ឆ្នាំ២០១៩ ក៏លេចឮថាសមត្ថកិច្ចចាប់វាយខ្នោះ ក្នុងបទល្មើសដឹកជញ្ជូនឈើ តាមបញ្ជាថ្នាក់លើ ផ្អើលអស់អ្នកស្រុកអូររាំង ។ តែចុងក្រោយឃ្សុយលោកខៃវណ្ណៈប្រើយុទ្ធសិល្បមហារំអឹលបំបាងកាយវិញបាត់ ។
រឿងចាប់វ៉ៃខ្នោះបាមួយដង្ហើមចង្រឹតជនលើលោកអធិការរងនគរបាលស្រុកអូរាំងឈ្មោះ ខៃ វណ្ណះ អង្គភាពយើងខ្ញុំមិនអាចទាក់ទងសុំការបំភ្លឺបានទេ នៅព្រឹកថ្ងៃទី០៩ ខែមករា ឆ្នាំ២០១៩ ។ ផ្ទុយទៅវិញ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានចេញមុខការពារថា៖ មិនមានករណីវ៉ៃខ្នោះអធិការរងនោះទេ គ្រាន់តែជាការភ័ន្តច្រឡំបន្តិចបន្តួច គាត់បានដឹកឈើយកមកធ្វើផ្ទះ ក្នុងនោះមានឈើក្រឡឹង៣ដុំប៉ុណ្ណោះតើ!?។ លោកស្នងការបន្តថា៖ បច្ចុប្បន្នសម្របចប់ហើយៗ ក៏មិនធ្ងន់ធ្ងរដែរ(six)?។
លោក សូ សុវណ្ណ ស្នងការរង ទទួលផែនព្រហ្មទណ្ឌ បានអោយដឹងថា៖ ខ្ញុំទទួលដំណឹងដែរចំពោះករណីខាងនោះ ប៉ុន្តែលោក ខៃ វណ្ណះ អធិការរង គាត់ដឹកតែជំនៀឈើតិចតួចទេ គ្រាន់លក់រួចថ្លៃបាយ ថ្លៃសាំង ហើយគាត់ក៏មិនត្រូវឃាត់ខ្លួន ព្រោះជារឿងកំប៉ិចចកំប៉ុក ចេះតែមានការយោគយល់គ្នាទៅ?។
លោក អ៊ុំ វណ្ណសុភ័ក្រ នាយខណ្ឌរដ្ឋបាលព្រៃឈើ ខេត្តមណ្ឌលគិរី បានប្រាប កាលពីថ្ងៃទី០៩ខែមករាឆ្នាំ២០១៩អោយកាសែតដឹងថារឿងនេះលោកទើបនិងដឹងប៉ុន្តែលោកមានភារកិច្ចមកប្រជុំនៅភ្នំពេញ!។លោកនាយខណ្ឌរដ្ឋបាលព្រៃឈើ ខេត្តមណ្ឌលគិរី បញ្ជាក់ថា៖ រឿងនេះខាងសមត្ថកិច្ចមិនទាន់ប្រគល់ឈើនោះមកអោយខាងជំនាញតាមនីតិវិធីនៅឡើយទេ។ ចំពោះករណីដែលថា អធិការរង ខៃ វណ្ណះ របូតខ្នោះ គេចខ្លួន ជាមួយនិងការចំណាយថវិកា ៣៥០០០ដុល្លារ លោក អ៊ុំ វណ្ណសុភ័ក៍ មិនធ្វើការអត្ថាធិប្បាយ ច្រើនទេដោយលោកឆ្លើយយ៉ាងខ្លីថាចាំសួរកូនចៅសិន?។
សូមបញ្ជាក់ថា៖ រឿងរ៉ាវបទល្មើសព្រៃឈើបន្តកើតហូរហែនៅខេត្តមណ្ឌលគីរី ភាគច្រើនប្រព្រឹត្តដោយឧកញ៉ានិង សមត្ថកិច្ច ជាអ្នករកស៊ីធ្លាប់ត្រូវបានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃព្រមាន លោក ស្វាយ សំអ៊ាង អភិបាលនៃគណៈអភិបាលខេត្តមណ្ឌលម្តងហើយកាលពីថ្ងៃទី២៦តុលាឆ្នាំ២០១៨ តែមកដល់ថ្ងៃទី៣១កញ្ញាឆ្នាំ២០១៨លោកស្វាយសំអ៊ាងឌឺឌឺថាស្រុកមណ្ឌលគីរីគ្មនាទេបទល្មើសព្រៃឈើ!៕
