ភ្នំពេញ ៖ ម្ចាស់គ្លីនិកឌែរម៉ូ កែសម្ផស្សដែលត្រុវប៉េអឹមចាប់ខ្លួនកាលពីថ្ងៃទី២មករាត្រូវបានលោកសឿន មុនីរ័ត្ន ព្រះរាជអាជ្ញារងសាលាដំបូងរាជធានីភ្នំពេញសម្រេចចោទប្រកាន់ចំនួន៣បទល្មើសជាសំណុំរឿងព្រហ្មទណ្ឌ បញ្ជូនទៅចៅក្រមសើបសួរសម្រេចតាមនីតិវិធីនៅរសៀលថ្ងៃទី ០៤ ខែមករា ឆ្នាំ២០១៩នេះ ។
តំណាងអយ្យការបានសម្រេចចោទលោកស្រី ហូវ ដាណេ ជាម្ចាស់គ្លីនិកឌែរម៉ូ និងឈ្មោះ ពៅ ស៊ីណាត ជាគ្រូពេទ្យដេរខ្ជិបប្រចាំគ្លីនិករួមមាន ៖
១- បទប៉ះពាល់ដល់សិទ្ធខាងរូបភាពនៃបុគ្គល តាមមាត្រា៣០២នៃក្រមព្រហ្មទណ្ឌ ។មាត្រា៣០២នៃក្រមព្រហ្មទណ្ឌចែងថា អំពើថតរូបភាពនៃបុគ្គនៅទីកន្លែងឯកជន ដោយគ្មានការព្រមព្រៀងពីបុគ្គលនេះទេ ត្រូវផ្ដន្ទាទោសដាក់ពន្ធនាគារពីមួយខែទៅមួយឆ្នាំ និងពិន័យជាប្រាក់ពី១សែនរៀលទៅ២លានរៀល លើកលែងតែករណីដែលច្បាប់អនុញ្ញាត។
២ – បទកំហែងយក តាមមាត្រា៣៦៣ និងមាត្រា៣៦៤នៃក្រមព្រហ្មទណ្ឌ ។មាត្រា៣៦៣នៃក្រមព្រហ្មទណ្ឌចែងថា អំពើកំហែងយកគឺជាអំពើដែលប្រព្រឹត្តដោយការប្រើហឹង្សា ការគំរាមកំហែងថានឹងប្រើហឹង្សា ឬដោយការបង្ខិតបង្ខំ ដើម្បីទទួលបាននូវ ៖ ហត្ថលេខាឬស្នាមមេដៃ , ការសន្យាឬការបោះបង់ចោលអ្វីមួយ , ការបង្ហាញអាថ៌កំបាំងណាមួយ , ការប្រគល់មូលនិធិ តម្លៃ ឬ ទ្រព្យសម្បត្តិអ្វីមួយ ។
៣ – បទការគំរាមកំហែងហែកកេរ្ត៍ តាមមាត្រា ២៧២ និងមាត្រា២៧៣ នៃក្រមព្រហ្មទណ្ឌ ។មាត្រា៣៦៤ អំពើកំហែងយកត្រូវផ្ដន្ទាទោសដាក់ពន្ធនាគារពី២ឆ្នាំទៅ ៥ឆ្នាំ និងពិន័យជាប្រាក់ពី៤លានរៀលទៅ១០លានរៀល ។
មាត្រា៣៧២នៃក្រមព្រហ្មទណ្ឌចែងថា អំពើគំរាមកំហែងហែកកេរ្ត៍ គឺជាអំពើប្រព្រឹត្តដោយការគំរាមកំហែងបើកកកាយ ឬទំលាក់កំហុសដែលនាំអោយប៉ះពាល់ដល់កិត្តិយស ការរាប់អាន ដើម្បីទទួលបាននូវ ៖ ហត្ថលេខា ឬស្នាមមេដៃ , ការសន្យា , ការបង្ហាញអាថ៌កំបាំងណាមួយ , ការប្រគល់មូលនិធិ តម្លៃ ឬទ្រព្យសម្បត្តិអ្វីមួយ ។
មាត្រា៣៧៣បានចែងកំណត់អោយផ្ដន្ទាទោសដាក់ពន្ធនាគារពី២ឆ្នាំទៅ៥ឆ្នាំ និងពិន័យជាប្រាក់ពី៤លានរៀលទៅ១០លានរៀល ។
ទោះបីចឹងក៏ដោយតែដោយសារលោកស្រី. ហូវ ដាណេដែលទើបការប្តីក្មេងជាសេដ្ឋីថៃគេ មានលុយគេអាចតំកល់លុយដើម្បីនៅក្រៅឃុំបានតើ!។ទោះជាយ៉ាងណាចាំមើលចៅក្រមស៊ើបចាត់ការយ៉ាងណាវិញ?។នៅល្ងាចថ្ងៃទី ០៤មករា ឆ្នាំ២០១៩នេះចៅក្រមសើបសួរសាលាដំបូងរាជធានីភ្នំពេញ លោកម៉ុង មុនីសោភា បានសម្រេចផ្ញើរលោកស្រីហូវ ដាណេ ម្ចាស់គ្លីនិកឌែម៉ូ និងគ្រូពេទ្យដេរខ្ជិប អោយសមត្ថកិច្ចគ្រប់គ្រងជាបណ្ដោះអាសន្ន បន្ទាប់ពីតំណាងអយ្យការបានចោទប្រកាន់ ៕
