ភ្នំពេញ ៖ ព្រឹកថ្ងៃព្រហស្បត៏១២ រោច ខែមិគសិរ ឆ្នាំច ព,ស២៥៦២ ត្រូវនឹងថ្ងៃទី៣ ខែ មករា ឆ្នាំ២០១៩លោកឃួង ស្រេង អភិបាល នៃគណះអភិបាលរាជធានីភ្នំពេញ ដឹកនាំអង្គប្រជុំមន្ត្រីជំនាញមួយដើម្បី ត្រួតពិនិត្យ លទ្ធផល ការងារគម្រោង ជួសជុលប្រពន្ទ័លូក្នុងខណ្ឌចំនួន៤ក្នងរាជធានីភ្នំពេញក្នុងឆ្នាំ២០១៨ នឹងផែនការសម្រាប់ឆ្នាំ២០១៩។
ក្នុងកិច្ចប្រជុំអភិបាលរាជធានីភ្នំពេញ បានជំរុញឲ្យអភិបាលខណ្ឌទាំង១២ និងមន្ទីរជំនាញចំណុះឲ្យរដ្ឋបាលរាជធានីភ្នំពេញ សម្រុកលើការងារជួសជុលផ្លុវ ស្តារលូ និងស្តារប្រឡាយទាំងអស់ឲ្យបានស្អាត ក្នុងរដូវប្រាំងឆ្នាំ២០១៩នេះ ហើយចំពោះអ្នកលក់ដូរអាហារហូបចុកបង្កឲ្យលូស្ទះ ក៏នឹងមានវិធានការធ្ងន់ធ្ងរផងដែរ។
ក្រៅពីការជួសជុលផ្លុវ ស្តារលូ ស្តារប្រឡាយនេះ អាជ្ញាធរខណ្ឌត្រូវចុះណែនាំអប់រំ ប្រជាពលរដ្ឋ ពិសេសអ្នកលក់អាហារហូបចុះ ធ្វើយ៉ាងណាកុំឲ្យពួកគាត់ បោះកាកសំណល់ចូលទៅក្នុងអណ្តូងលូ។ បើពួកគាត់មិនស្តាប់ត្រូវធ្វើកំណត់ហេតុ ជាលើកទី១ ជាមួយនឹងវិធានការផ្លូវច្បាប់របស់អន្តរក្រសួង តែបើពួកគាត់មិនអនុវត្តតាមទៀត ដោយនៅតែបញ្ចូលកាកសំណល់ ទៅក្នុងអណ្តូងលូទៀតនោះ យើងសម្រេចបិទអាជីវកម្មលក់ដូរអាហារហូបចុកពួកគាត់តែម្តង។
លោក ឃួង ស្រេង លើកឡើងផងដែរថា ចាប់ពីពេលនេះទៅ ការសាងសង់រោងការ រោងបុណ្យ អាចធ្វើបានត្រឹមតែលើចិញ្ចើមផ្លូវ មិនឲ្យសាងសង់លើទ្រូងផ្លូវដាច់ខាត ។ចំពោះរថយន្តធំចូលក្រុងវិញ ត្រូវតែមានវិធានការឲ្យបានម៉ឹងម៉ាត់ បើទោះបីការងារនេះពាក់ព័ន្ធនឹងប៉ូលីសក៏ដោយ ក្នុងនាមអាជ្ញាធរខណ្ឌ ត្រូវឃាត់រថយន្តធំៗទាំងនោះទុក ហើយសួរនាំឲ្យបានច្បាស់ ថាតើ គោលដៅណាដែលអនុញ្ញាតឲ្យរថយន្តទាំងនោះចូល ដើម្បីយើងមានវិធានការបន្ត។
សូមបញ្ជាក់ដែរថាលទ្ធផលសម្រេចបានក្នុងឆ្នាំ២០១៨រដ្ឋបាលរាជធានី អនុវត្តតាម ផែនការ ការស្តារប្រពន្ធ័ ប្រឡាយលូសម្រាចបាន១០០ភាគរយ(100%)តាមគម្រោង។
