ភ្នំពេញៈ នាយទាហានជាន់ខ្ពស់ចំនួន០៥រូប បានលាលែងចេញពីតួនាទីជានាយរងសេនាធិការចម្រុះ ដោយនៅសុំតែមុខតំណែងតែមួយប៉ុណ្ណោះដែលស្ថិតក្រោមបញ្ជាការកងទព័ជើងគោក។
នាយទាហានជាន់ខ្ពស់ ទាំង០៥រូប ដែលសុំលាលែងចេញពីតួនាទីជានាយរងសេនាធិការចម្រុះ មានដូចជា៖ ១. ឧត្ដមសេនីយ៍ឯក ស្រី ឌឹក មេបញ្ជាការ កងពលធំអន្តរាគមន៍លេខ៣។ ២. ឧត្ដមសេនីយ៍ឯក កែវ ធី មេបញ្ជាការ កងពលធំអន្តរាគមន៍លេខ២។ ៣. ឧត្ដមសេនីយ៍ឯក ចាប ភក្ដី មេបញ្ជាការ កងពលតូចទ័ពឆត្រយោង៩១១។ ៤. ឧត្ដមសេនីយ៍ឯក ព្រហ្ម ផេង មេបញ្ជាការ កងពលតូចអន្តរាគមន៍លេខ១។ ៥. ឧត្ដមសេនីយ៍ឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០។
នេះបើយោងតាមលិខិត ផ្ញើជូនលោកឧត្ដមសេនីយ៍ឯក ហ៊ុន ម៉ាណែត អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការ បញ្ជាការដ្ឋានកងទ័ពជើងឝោក តាំងពីថ្ងៃទី១៤ ខែកញ្ញា ឆ្នាំ២០១៨ ទើបអ្នកកាសែតទទួលបានកាលពីថ្ងៃទី២០ ខែកញ្ញា ឆ្នាំ២០១៨។សូមបញ្ជាក់ថានាយសេនាធិការចម្រុះដែលពីមុនគ្រប់គ្រងដោយនាយឧត្តមសេរនីយ៍គន់គីមបច្ចុប្បន្នគ្រប់គ្រងដោយនាយឧត្តមសេនីយ៍អ៊ិតសារ៉ាត។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានមានអនុសាសន៍ ក្នុងពិធីបែងចែកភារកិច្ចនៃថ្នាក់ដឹកនាំក្រសួងការពារជាតិ កាលពីថ្ងៃទី១៨ ខែកញ្ញាកន្លងមកថា អ្នកដែលមានតួនាទីពីរក្នុងជួរកងទ័ព គួរពិចារណាកាត់បន្ថយ ដោយទុកតែតួនាទីមួយបានហើយ។
សូមបញ្ចាក់ដែរថាកាលពីថ្ងៃទី៦កញ្ញាសម្តេចពិជ័យសេនា ទៀ បាញ់បានចេញប្រកាសមួយកាត់អង្គភាពកងពលធំអន្តរាគមន៍លេខ២។កងពលធំអន្តរាគមន៍លេខ៣។កងពលតូចទ័ពឆត្រយោង៩១១។កងពលតូចថ្មើរជើងលេខ៧០។កងពលតូចអន្តរាគមន៍លេខ១ចេញពីក្រោមបញ្ជាររបស់អគ្កមេបញ្ជាការឲ្យទៅស្ថិតនៅមូលក្រោមបញ្ជារមេទព័ជើងគោកថ្មីគឺលោកឧត្តមសេនីយ៍ហ៊ុនម៉ាណែត។
ការកាត់ចេញនេះបង្ហាញថាតួនាទីអគ្កមេបញ្ជាការកងទព័គឺជាតំណែងកិត្តិយសប៉ុណ្ណោះ។ប្រហែលជាអញ្ចឹងហើយបានជាលោកនាយឧត្តមសេនីយ៍សៅសុខាមិនទទួលយកសុខចិត្តប្រគល់ជូនលោកឧត្តមសេនីយ៍វង្សពិសេនដែលជាមេបញ្ជារការងប៉េអឹមឲ្យឡើងជំនួសវិញបន្ទាប់ពីកាន់បានមួយដង្ហើមចង្រឹតជំនួសនាយឧត្តមសេនីយ៍ប៉ុលសារឿនដែលបច្ចុប្បន្នជាទេសរដ្ឋមន្ត្រី៕
