បាត់ដំបង ៖ រថយន្តធុនយក្យមួយដឹកជ្រូកគេចពន្ធ១ គ្រឿងបានក្រឡាប់ផ្ងារជើងចូលប្រឡាយ កាលពីវេលាម៉ោង៦:៣០នាទីព្រឹកថ្ងៃទី០១ខែមករាឆ្នាំ២០១៩នៅលើផ្លូវជាតិលេខ៥ស្ថិតនៅត្រង់ចំណុចភូមិអូរតាគីឃុំអូរតាគីស្រុកថ្មគោលខេត្តបាត់ដំបង ។
ប្រជាពលរដ្ឋប្រាប់ថាគាត់បានឃើញរថយន្តដឹកជ្រូកនេះបានបើកបរលឿនៗណាស់មិនមែនតែមានមួយគ្រឿងនេះទេគឺមានឡានដឹកជ្រូកច្រើនផ្សេងទៀតដែលគេដឹងថារថយន្តដឹកជ្រូកខាងលើដឹកចេញពីច្រកព្រំដែនថៃនៃស្រុកសំពៅលូន ។
ព្រូឡានដឹកជ្រូកម្នាក់បានប្រាប់ថាឡានដឹកជ្រូកនេះគឺដឹកចេញពីស្រុកថៃយកទៅចែកចាយនៅឯទីក្រុងភ្នំពេញ។ នៅព្រំដែនពេលដែលឡានថៃមកសាងឬផ្ទេរមកដាក់រថយន្តរបស់ខ្មែររួចហើយមិនថាយប់ឬថ្ងៃទេឡាននីមួយៗត្រូវតែបន្តដឹកចេញទៅភ្លាមៗព្រោះការដឹកជញ្ជូននេះត្រូវប្រើពេលវេលាច្រើនម៉ោងណាស់ទើបដល់។
លោកវរសេនីយ៍ឯក ផង់ សុភាព អធិការនគរបាលស្រុកថ្មគោលបានឲ្យដឹងថា មករណី រថយន្តដឹកជ្រូកក្រឡាប់គឺមកពីកៀរជាមួយរថយន្តកូរ៉េបុកគ្នាបណ្តាយឲ្យមនុស្សទាំងសងខាងរងរបួសស្រាលនិងជ្រូកបានស្លាប់អស់មួយចំនួនធំ ៕
