ភ្នំពេញ ៖ កញ្ញា ទេព បូព្រឹក្សតារាចម្រៀង នៅថ្ងៃទី២៩ធ្នូបន្ទាប់ពីទទួល បានប្រាក់សំណងជំងឺចិត្តចំនួន ១០ ០០០ដុល្លារ និងការសុំទោសជាសាធារណៈ ពីបុរសដែលជាជនបង្កបញ្ហាមកបានបែងចែកជូនដល់ក្រុមសិល្បៈករដែលមានជម្ងឺជាបន្តបន្ទាប់។
តាមការបង្ហោះរូបភាប កញ្ញា ទេព បូព្រឹក្សដោយមានលោយហេងឡុងចូលរួមផង បាន ចុះទៅជួបផ្ទាល់ឧបត្ថម្ភថវិលការដល់ អតីតតារាកំប្លែង នាយ ក្តិប ដែលកំពុងមានជម្ងឺនាយ សាន ម៉ៅ និងកីឡាករប្រដាល់លោក អេ រដ្ឋាដែលរងគ្រោះថ្នាក់ចរាចរហើយ កំពុងតែសម្រាកព្យាបាលនៅមន្ទីពេទ្យផងដែរ។
មហាជនជាច្រើនពិតជាកោតសរសើរដល់ទឹកចិត្តកញ្ញា ទេព បូព្រឹក្ស ខ្លាំងមែនទែន សម្រាប់ការជួយដល់អតីតតារា ដែលកំពុងតែជួបបញ្ហាបែបនេះ។
ការចែកជូនថវិកានេះ មិនទាន់អស់នៅឡើយនោះទេ ហើយកញ្ញា ទេព បូព្រឹក្ស នឹងនៅតែបន្តចែកជូនថវិកា ដែលទទួលបានពីសំណងជំងឺចិត្តនោះ រហូតទាល់តែអស់ផងដែរ៕
