ភ្នំពេញ ៖ លោក ប៉ាន់ យ៉ុង ត្រូវជនសង្ស័យឈ្មោះ រុំ នៅភូមិទៀន សង្កាត់ទៀន ខណ្ឌដង្កោ រាជធានីភ្នំពេញ ឆ្មក់វ៉ៃបណ្តាល អោយរងរបួសធ្ងន់ធ្ងរឡើប៉ោងភ្នែកម្ខាង តែប៉ូលិសមូលដ្ឋាន នៅត្រជាក់ល្ហឹម ដោយមិនមានចំណាត់ការនៅពេលជនរង គ្រោះបានទៅដាក់ពាក្យបណ្តឹងភ្លាមៗ។
ប្រភពព័ត៌មានពីអ្នកឃើញហេតុការណ៍ នៃការប្រើអំពើហុង្សាទៅលើ ជនរងគ្រោះ បាននិយាយរ៉ៃរ៉ាប់ពីរឿងរ៉ាវ នៃដំណើររឿង ដែឍជនបង្កអំពើហិង្សាវាយដំយ៉ាងដំណំទៅលើឈ្មោះ ប៉ាន់ យ៉ុង ភេទ ប្រុស អាយុ ៤៣ ឆ្នាំ រស់នៅភូមិ ក្រាំងក្រូចសង្កា់ត់ ទៀនខណ្ឌដង្កោរ កាលពីព្រលប់ថ្ងៃទី២៣ ខែធ្នូ ២០១៨ នៅចំណុចភូមិ-សង្កាត់ខាងលើ ដោយជនបង្កឈ្មោះ រុំ បានឆ្មក់វ៉ៃនៅពេលជនរងគ្រោះទៅលេងនៅ ផ្ទះមិត្តកក្តិនៅ ក្នុងភូមិទៀន បណ្តាលអោយរងរបួសប៉ោងភ្នែកខាងឆ្វេងយ៉ាងធ្ងន់ធ្ងរ បច្ចុប្បន្នកំពុងសំរាកព្យាបាលនៅមន្ទីរ ពេទ្យព្រះអង្គឌួង ។
តាមការអះអាងពីជនរងគ្រោះបានប្រាប់ អ្នកយកព័ត៌មានយើង នៅមន្ទីរពេទ្យព្រះអង្គឌួងថា : លោកអត់ដឹងរឿងអីសោះ ស្រាប់តែនៅសុខៗ ថ្ងៃកើតហេតុស្រាប់តែ ជនបង្កឈ្មោះ រុំ ឆ្មក់វ៉ៃបណ្តាលអោយត្រូវរបួសធ្ងន់ធ្ងរបែបហ្នឹងទៅ ។
ក្រោយហេតុការណ៍កើតឡើងជនរងគ្រោះបានទៅដាក់ពាក្យបណ្តឹងប្តឹងពីជនដៃដល់ឈ្មោះរុំទៅ ប៉ុស្តិរដ្ឋបាលនគរបាល សង្កាត់ទៀនភ្លាមៗ តែមេប៉ុស្តិ នគរបាលសង្កាត់ហាក់មិនយកចិត្តទុកដាក់ ចុះអនុវត្តច្បាប់ចាប់ជនដៃដល់បង្កភ្លាមៗ ជាក់ស្តែងយកមកផ្តន្ទាទោសតាមផ្លូវច្បាប់នោះទេ គឺទុកឱកាសអោយជនបង្កមានសេរីភាព ដើរអួតក្អេងក្អាងមក ទល់រាល់ថ្ងៃ ។ ជុំវិញព័ត័មាននេះ យើងពុំអាចស្វែងរកការបំភ្លឺពី លោកមេប៉ុស្តិ និងឈ្មោះ រុំ បាននៅឡើយទេ ៕