ភ្នំពេញ ៖ ស្ត្រីម្នាក់ត្រូវប្តីតីវ៉ៃបែកចិញ្ចើមហូរឈាមផ្អើលគេឯងកាលពីកាលពីវេលាម៉ោង១និង១៥នាទីរំលងអធ្រាត្រឈានចូល ថ្ងៃពុធ ៤ រោច ខែ មិគសិរ ឆ្នាំ ច ព.ស.២៥៦២ ត្រូវនឹងថ្ងៃទី២៦ ខែធ្នូ នេះ នៅតាមបណ្ដោយមហាវិថីព្រះនរោត្តមកែងនឹងផ្លូវ១៥៤ សង្កាត់ផ្សារថ្មី៣ ខណ្ឌដូនពេញ ។
មូលហេតុស្ត្រីរងគ្រោះឲ្យដឹងថា មុនកើតហេតុ គឺរូបគាត់បានទៅចូលរួមកម្មវិធីខួបកំណើតមិត្តភក្ដិ ពេលត្រឡប់មកផ្ទះវិញបាត់ប្តីមិនឃើញនៅផ្ទះក៏ទូរស័ព្ទសួរស្រាប់តែប្តីរបស់គាត់ប្រាប់ថា នៅជាមួយមេនៅសង្កាត់ចាក់អង្រែក្រោម តែគាត់មានការសង្ស័យក៏ឆែកមើលGPS ដែលភ្ជាប់នឹងរថយន្តរបស់ប្តីម៉ាកស៊ីណា ពណ៌ស ពាក់ស្លាកលេខភ្នំពេញ 2AB – 2561ក៏ ឃើញនៅមុខក្លឹបកម្សាន្ត true face ដែលគាត់និយាយថា ជាក្លឹបលេងថ្នាំក្រវី គាត់ក៏មកតាមនឹងចូលទៅខាងក្នុង ស្រាប់តែឃើញប្តីរបស់គាត់នឹងស្រីស្នេហ៍វ័យក្មេងកំពុងតែហ៊ោកញ្ជ្រៀវសប្បាយធ្វើឲ្យគាត់ក្តៅក៏គ្នាបែកផ្សែងហើយត្រូវសន្តិសុខដេញចេញក្រៅទាំងពីរនាក់ ឯស្រីក្មេងបាននាំគ្នារត់គេចបាត់។
លុះពេលប្តីប្រពន្ធ២នាក់នេះនាំគ្នាជិះរថយន្តមកដល់ពាក់កណ្តាលផ្លូវបានឈ្លោះប្រកែកគ្នាម្តងទៀត ត្រូវប្តីវាយប្រពន្ធបែកចិញ្ចើមទើបប្រព្រពន្ធស្រែកទ្រហោរយំរកសមត្ថកិច្ចឲ្យជួយធ្វើអន្តរាគមន៍ ។
ស្ត្រីរងគ្រោះបានប្រាប់ឲ្យដឹងថា រូបគាត់ឈ្មោះ សុខុម អាយុ៣៨ឆ្នាំ មុខរបរមេផ្ទះ ជាប្រពន្ធការពេញច្បាប់ជាមួយលោកប្តីឈ្មោះ សុខ វណ្ណី អាយុ៣៨ឆ្នាំ មុខរបរធ្វើការនៅក្រុមហ៊ុនមួយ ដោយបានរៀបការជាមួយគ្នារយៈពេល១៦ឆ្នាំមកហើយ មានកូនស្រីចំនួន២នាក់ កូនបងអាយុ១៣ឆ្នាំ និងកូនពៅអាយុ៨ឆ្នាំ ទៀតផង ។
ភ្លាមៗនោះគាត់ក៏បានចុះពីលើរថយន្តមកខាងក្រៅស្រែកហៅសមត្ថកិច្ចមកជួយតែពួកគេ(សមត្ថកិច្ច)មានអ្នកខ្លះស្រវឹង បានចេញមុខដែរតែមិនបានជួយដោះស្រាយឲ្យគាត់ទេ ។ បន្ទាប់មកសមត្ថកិច្ចទាំងនោះ បាននាំគ្នាចេញទៅអស់ដោយទុកឲ្យស្ត្រីជាប្រពន្ធមានកម្លាំងទន់ខ្សោយស្រែកយំតែម្នាក់ឯងទៅ ។ ខឹងខុសខឹងខាតចឹង។ បើតាមទាន់ចឹងហៅគ្នាមកផ្ទះវិញហើយពេលស្ងាត់និយាយដោះស្រាយគ្នាទៅវាមានទៅឆ្អី!។ឡូវគិតម៉េចប្តឹងលែងគ្នាឬនៅឱបគ្នាបន្តទៀត?។
