បន្ទាយមានជ័យ៖កម្លាំងនគរបាលប្រឆាំងបទល្មើសសេដ្ឋកិច្ចបានចុះបង្ក្រាបទីតាំងកាត់តរថយន្តមួយកន្លែងមានចំនួន៥គ្រឿងតែម្ចាស់ការ៉ាស់រថយន្តបានរត់គេចខ្លួនបាត់កាលពីវេលាម៉ោង៤,២០នាទីថ្ងៃទី២៥ខែធ្នូឆ្នាំ២០១៨នៅចំណុចផ្លូវលេខ៨ស្ថិតភូមិ.សង្កាត់កំពង់ស្វាយក្រុងសិរីសោភ័ណ។
លោកឧត្តមសេនីយ៍ត្រី ចាប សុផាឫទ្ធិ ស្នងការរងទទួលផែនប្រឆាំងបទល្មើសសេដ្ឋកិច្ចខេត្តបន្ទាយមានជ័យបានប្រាប់ថា៖ក្រោយពេលកម្លាំងនគរបាលជំនាញបានធ្វើការស្រាវជ្រាវនិងកំណត់មុខសញ្ញាហើយកម្លាំងបង្ក្រាបដោយមានលោក សុខ កែវបណ្ឌិត ព្រៈរាជអាជ្ញារងអមសាលាដំបូងខេត្តបន្ទាយមានជ័យបានធ្វើការសម្របសម្រួលក៏បានចុះបង្ក្រាបទីតាំងកាត់តរឺកែឆ្នៃរថយន្ត១កន្លែងដែលមានរថយន្តធុនចង្កូតឆ្វេងស្ថិតនៅទីតាំងខាងលើដែលកំពុងកាត់តនិងកែឆ្នៃចំនួន៥គ្រឿង។
ម្ចាស់ការ៉ាសកាត់តរថយន្តខុសច្បាប់មានឈ្មោះ សំ ប៊ុនធឿន ភេទប្រុសអាយុ៣៩ឆ្នាំរស់នៅភូមិ.សង្កាត់កំពង់ស្វាយក្រុងសិរីសោភ័ណបានគេចខ្លួន។នៅទីនោះមានមានរថយន្តចំនួន៦គ្រឿងជារថយន្តចង្កូតឆ្វេងមាន១.រថយន្តតូយូតាលុចស៊ីRX300មួយគ្រឿងកំពុងកាត់ត។ ២.រថយន្តតូយូតាកាំម៉ារីហាយប្រីតផលិតឆ្នាំ២០០៧ដែលដាច់ពីគ្នាកំពុងតភ្ជាប់១គ្រឿង។ ៣.ក្បាលរថយន្តម៉ាកតូយូតាព្រូសពណ៌ខ្មៅគ្មានតួរចំនួន១គ្រឿង។ ៤.រថយន្តម៉ាក់តូយូតាហាយឡិនឌ័រពណ៌សកាត់តរួច១គ្រឿង។ ៥.រថយន្តតូយូតាលុចស៊ីRX300ពណ៌បៃតងដែលកាត់តភ្ជាប់១គ្រឿង ។៦.សម្ភារៈកាត់តរថយន្តនិងគ្រឿងបន្លាស់រថយន្តមួយចំនួន។
លោក សុខ កែវបណ្ឌិត ព្រៈរាជអាជ្ញារងអមសាលាដំបូងខេត្តបន្ទាយមានជ័យបានបញ្ជាក់ថា៖ក្រោយពេលដឹកនាំកម្លាំងជំនាញចុះបង្ក្រាបទីតាំងកាត់និងកែឆ្នៃរថយន្តដែលម្ចាស់រត់គេចខ្លួននិងវត្ថុតាងមានរថយន្តកំពុងកាត់តនិងកែឆ្នៃនិងកាត់តរួចចំនួន៥គ្រឿងនិងសម្ភារៈកាត់តនិងកែឆ្នៃត្រូវបានធ្វើកំណត់ហេតុហើយបានបិតទ្វារការ៉ាសរថយន្តកាត់តនិងកែឆ្នៃរថយន្តដើម្បីបន្តតាមចាប់ខ្លួនម្ចាស់ដែលគេចខ្លួននិងចាត់ការតាមច្បាប់។
ប្រភពព័ត៌មានដែលទទួលបានដឹងថា៖រថយន្តដែលយកមកកាត់តនិងកៃឆ្នៃគឺម្ចាស់រឺថៅកែរថយន្តទាំង៥គ្រឿងនេះនៅខេត្តសៀបរាបដោយទិញរថយន្តគ្មានពន្ធកាត់តហើយយកអោយឈ្មោះ សំ ប៊ុនធឿន កាត់តនិងកែឆ្នៃក្នុង១គ្រឿងតំលៃ២០០ទៅ៣០០ដុល្លារអាមេរិកហើយត្រូវបានកម្លាំងនគរបាលប្រឆាំងបទល្មើសសេដ្ឋកិច្ចខេត្តបន្ទាយមានជ័យចុះបង្ក្រាបនិងបិតទីតាំងតាម្រ៉ងទៅ៕
