បាត់ដំបង៖ ឧត្តមសេនីយ៍ រុន រ័ត្នវាសនា ព្រមទាំងសហការី នៅព្រឹកថ្ងៃទី១៧ ខែកក្ដដាឆ្នាំ២០១៦ នេះបានយកទៀនវស្សា និងទេយ្យទានរបស់ សម្ដេចក្រឡាហោម ស ខេង និងលោក ជំទាវ ប្រគេនព្រះសង្ឃដែលគង់ចាំព្រះវស្សាចំនួន១១វត្ត ស្ថិតនៅក្នុងឃុំអង្លងវិល ឃុំរកា និងឃុំអូរដំបង១ ស្រុកសង្កែ ខេត្តបាត់ដំបង។
ទេយ្យទានដែលនាំយកទោប្រគេនដល់វត្តទាំង១១រួមមាន ៖ ទៀនវស្សាចំនួន១១គូ,អង្ករ៥០ គីឡួ១១បាវ, ស្ករសរ៣គីឡូ១១កញ្ចប់, មី១១កេស, អំបិល៥គីឡូ១១កញ្ចប់ និងបច្ច័យក្នុងវត្ត១០ម៉ឺនរៀល ព្រមទាំងជូនតាជី យាយជីទាំង១១វត្តចំនួន ៨០០,០០០ សរុបជាទឹកប្រាក់ចំនួន ១៣,៨៥៣,០០០ រៀល។
ក្នុងឳកាសនោះ ឧត្តមសេនីយ៍ រុន រ័ត្នវាសនា បានពាំនាំការផ្ដាំផ្ញើសាកសួរសុខទុក្ខ ពីសំណាក់ សម្ដេច ក្រឡាហោម ស ខេង និងលោកជំទាវ ដែលជានិច្ចជាកាលសម្តេច តែងតែគិតគូរពី សុខទុក្ខ របស់បងប្អូនប្រជាពលរដ្ឋគ្របពេលវេលា និងជំរុញឲ្យប្រជាពលរដ្ឋដែលគ្រប់អាយុ១៥ឆ្នាំ ត្រូវទៅធ្វើអត្តសញ្ញាណប័ណ្ណសញ្ជាតិខ្មែរ ដើម្បីជាប្រយោជន៍ដល់បងប្អូន ប្រជាពលរដ្ឋ ក្នុងការបំពេញការងាផ្សេងៗឲ្យបានគ្រប់ៗគ្នា៕
