(កំពង់ឆ្នាំង):កាលថ្ងៃទី០៧ ខែធ្នូ ឆ្នាំ២០១៧ ឯឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង បានអញ្ជើញទៅដល់ទីស្នាក់ការដែនជំរកសត្វព្រៃភ្នំឱរ៉ាល ដែលមានទីតាំងស្ថិតនៅចំណុចចំកាម៉ុច ក្នុងភូមិកោះខ្ទុំ ឃុំជៀប ស្រុកទឹកផុស ដើម្បីសិក្សាស្រាវជ្រាវនិងពង្រឹងការ ការពារ ទប់ស្កាត់ និងបញ្ឈប់ជាបន្ទាន់ រាល់ការកាប់ទន្ទ្រាន ឈូសឆាយរំលោភបំពានដីព្រៃក្នុងដែនជំរកសត្វព្រៃ និង ដីព្រៃសហគមន៍របស់រដ្ឋ ដែឈ្មួញកាប់រាន ទន្ទ្រានឈូសឆាយយកធ្វើជាកម្មសិទ្ធផ្ទាល់ខ្លួនដែលប្រព្រឹតឡើងពីសំណាក់ជនខិលខូចដែលបានឃុបឃិតគ្នាជាមួយមន្ត្រីជំនាញៈមន្ត្រីសហគមន៍និងអាជ្ញាធរមូលដ្ឋាន។
គួររំលឹកថា រដ្ឋបាលសាលាស្រុកទឹកផុស ធ្លាប់បានចេញលិខិតប្រកាស់ចោទ ប្រកាន់អ្នកសារព័ត៍មានថា ផ្សាយមិនពិតក្នុងករណីរំលោភដីធ្លីដែកប្រព្រឹតឡើងដោយមន្ត្រីជំុនាញបរិស្ថាន មន្ត្រីសហគមន៍ អាជ្ញាធរមូលដ្ឋានឃុបឃិតជាមួយក្រុមឈ្មួញដើម្បីជាលេសការពារអំពើល្មើសច្បាប់របស់ក្រុមឈ្មួញ ក្នុងន័យប្រយោជន៍ក្រុមខ្លួន?
បន្ទាប់ពីអភិបាលខេត្តព្រមានយ៉ាងធ្ងន់ៗទៅលើក្រុមមន្ត្រីជំនាញនិងអាជ្ញាធរមូលដ្ឋានគ្រប់លំដាប់ថ្នាក់នៅក្នុងអង្គប្រជុំដែលរដ្ឋបាលសាលាស្រុកមួយចំនួនធ្លាប់បានចេញសេចក្ដីប្រកាសលើកឡើងថាអ្នកសារព័ត៌មានផ្សាយព័ត៌មានមិនពិតស្រាប់តែនៅថ្ងែទី៦/ធ្នូ/២០១៨ មានសេចក្តីរាយការណ៍មកថា មានករណីកំពុងឈូសឆាយ រំលោភយកដីដែលមានព្រះរាជក្រឹត្រក្នុងដែនជម្រកបរិស្ថាននិងតំបន់សហគមន៍នៅចំណុចចំការម៉ុច ចំណុចច្រមុះជ្រូក ចំណុចអន្លុងជ្រូកនិងចំណុចអូនាលក្នុងភូមិកោះខ្ទុំ ឃុំតានៃ ស្រុកទឹកផុសដែលប្រព្រឹតឡើងដោយឈ្មោះប្រាក់ គឹមសេង ប្រធានសហគមន៍ឃុបឃិតជាមួយឈ្មោះនុត ម៉ឺយ ឈ្មោះទូច សិទ្ធនិងឈ្មោះ យាយណេត ជាប្រជាពលរដ្ឋមានដីរាប់រយហិចតាលក់មិនចេះអស់។
ឈ្មោះប៉ក់ជាម្ចាស់គ្រឿងចក្រសព្វថ្ងៃកំពុងជីកកាយដីនៅចំណុចទឹកចេញក្នុងឃុំក្បាលទឹកនិឈ្មោះចែនុត រ៉ា ជាប្រជាពលរដ្ឋ នៅភូមិតានៃ ក៏ជាអ្នកមានដីច្រើនផងដែរ សម្រាប់លក់អោយឈ្មួញ ដែលល្បីថាជាជើងខ្លាំងនៅស្រុកទឹកផុស ខាងរៀបដីលក់អោយឈ្មួញ ទើបនៅថ្ងៃទី០៧/ធ្នូ/២០១៧ឯកឧត្តមអភិបាលខេត្តបានដឹកនាំគណៈប្រតិភចុះពិនិត្យ។
ប្រភពីមន្ត្រីថ្នាក់ក្រោមមួយចំនួនបានដាក់ការសង្ស័យថាការឃុបឃិតគ្នារវាងក្រុមមន្ត្រីជំនាញនិងមន្ត្រីសហគមន៍និងអាជ្ញាធរមូលដ្ឋានជាមួយក្រុមឈ្មួញនេះ គឺដើម្បីយកដីរដ្ឋ ធ្វើការលក់ទៅអោយក្រុមហ៊ុនចិនដែលមានមន្ត្រីយោធា មានឋាន្តរស័ក្ដិថ្នាក់ផ្កាយគ្រាក់ៗនៅពីក្រោយខ្នងក្នុងការឈូសឆាយរំលោភយកដីនៅចំណុចខាងលើនេះ។
ដីដែលកំពុងរំលោភយកមាន២ទីតាំង ទី១ ចំណុចច្រមុះជ្រូក ថិតក្នុងភូមិតានៃ ឃុំជៀប និងចំណុចអូរអន្លុងជ្រូក ថិតក្នុង ភូមិកោះខ្ទុំ ឃុំជៀប ស្រុកទឹកផុស ជាប្រភេទដី (ព្រះរាជក្រិត្យ) ត្រូវបានពួកឈ្មួញ កំពុងរុករានដោយអនាធិបតេយ្យលើដែនជំរកពេញទំហ៊ឹង តាមអំពើរបស់គេហើយសកម្មភាពនេះបានកើតមានជារៀងរាល់ថ្ងៃ ។
ប្រជាពលរដ្ឋស្នើអោយឯកឧត្តមអភិបាលខេត្តនិងរដ្ឋមន្ត្រី ក្រសួងបរិស្ថាន ក្រសួងកសិកម្មមានវិធានការទប់ស្កាត់ជាបន្ទាន់ខណ:ដែនជម្រកបរិស្ថាន កំពុងរងនូវការរំលោភយក។